BIAL NGAIHNAWM TUR AIZAWL WEST - II LAMTLUANG - TIMES OF MIZORAM

Post Top Ad

22 Sep 2018

BIAL NGAIHNAWM TUR AIZAWL WEST - II LAMTLUANG

An pathum hian tling se an duhsakawm vek mai. Thlir leh chhin ang aw.

LALRUATKIMA (MNF)
MNF
Bialtu MLA ni lai a ni a, Term khat a chelh chhung hian a dinhmun a sawh nghet thiam angreng hle. Bial a ngaihsak viau em tih chu pawn lam atanga fiah a har a, ngaihsak viau ang chuan a lang. Thil Mawlmang te te hi hmanruaah a hmang thiam hle in a lang a, Kanaan veng West II bial a cheng a ni bawk.



MNF in Ministry Form ta se, Cabinet Minister a nih ngei a rinawm. A taima a, NGO a a Experience a chhawr viau niin a hriattheih bawk. MLA Fund a hman chhuahna hi chanchintharah a lang deuh zel thin.An bial chauh nilo, Aizawl titi dan atangin a buk rit zinga mi chu a ni phawt mai.

DR. LALMALSAWMA (INC)
Congress candidateInthlan hmasaka Pu Lalruatkima hneh zo lo kha a ni a, MPYCC President a ni bawk. Chhungkaw zahawm leh entawn tlak tak an ni a, amah ngei pawh hi mi pawisawi lo chi, Congress Thalai President a ni chung hian tawngkam feiki bara Opposition te khawh vak vak chi niin a lang lo. A tawngkam uchuak tak hriattur a awm lova, Politician ni mahse Pastor fapa ni awm rengin a che a ni.

Hei tak hi a chak lohna pawh a ni thei ve tho mai. He bial Candidate ah a naupang ber tur a ni a, Thalai lam hi huikhawm viau thei tak maw. MPYCC President a nihna Weight hi Bhavan boruak hian a hnukhniam pha angem? A ni hi a tling pha angem tih zawh buai ngai lova bial dangah hneh taka tling turin a duhsak awm leh zual e.

Bial pawn atang ding awmchhun a ni dawn. Kulikawn veng pa, Aizawl South - II biala khawsa a ni thung.

LALHMANGAIHA SAILO (MPC/ZPM)
MPC President tanglai a ni a, MLA a la ni lo. A pa Brig.T.Sailo atanga mi rilru nghet chet chawt chi an ni a, a Politician viau lo in a ngaih theih. Social Media ah pawh a Activity leh a thlalak hmuh tur a tamlo hle. ZPM a hruaitu lawk ni pha chinah pawh thawm zawi ber a ni.

Vuavang ngah a ni a, a thawm anga en ngawt chi chu a ni lo. Party President meuh hi chuan huhang an ngah a, dah nep theih a ni lo. 2013 inthlan pawh khan East-I biala Pu.R.Lalrinawma a hneh lohna kha tlemte a ni. Tunah a pa chenna bial, an inpui awmna Bial ngei a ni tawh dawn a, a boruak pawh a danglam deuh ngei ang.

TLIPNA - An pathum hian tling thei se tih an duhsakawm hle a, mahse mi ropui tak pathum zingah hian pahnih an tlak a ngai ngei dawn si. Tunge he bial hi vawng chhunzawm a i rin ve le?   ~ David Sailo

No comments:

Post a Comment

Post Bottom Ad