KUM 108 TLIN LAWM
Kar kalta Inrinni khan Pi Darchengi, Lawngtlai Chanmari veng chu a tu leh faten ropui takin a kum 108-na an lawm sak.
Pi Darchengi Chinzah hi kum 1910 khan Lai Lal huaisen leh hmingthang, Dokulha û, Hausata khua, Lungtian-ah a piang a. A pa hi Lal khawnbawl Upa min ber a ni thin.
A pasal Keihranga hian kum 1989 khan a boralsan a, tunah hian a fapa naupangber, Upa H. Rochunga, Lawngtlai Chanmari Veng hnenah a khawsa mek a ni.
Pi Darchengi hian fa 13 a nei a, an zinga 3 te hi an naupan laiin an boral a, an fate hi mi puitling tak tak niin, an fapa Upa H. Lianmanga hi Chianchintha hril vei tak niin "Khawvel zawng zawngah kal ula chanchintha hi hril rawh u," (KHB No. 343) phuahtu hi a ni.
Pi Darchengi hian fa 13 neiin tu 62, tuchhuan 153 leh tuchhuan khupthumna 81, an vaiin tu leh fa 309 a nei a ni. Heng a tu te zingah hian Zoram huap pawh a hriathlawh tak te pawh an awm nual a, MCS, MFC te, Pastor leh missionary te, Doctor leh Engineer pawh engemawzat an awm bawk.
Post a Comment