Saitual, Khawzawl leh Hnahthial Khuaah Te Treasury Office - TIMES OF MIZORAM

Breaking

Home Top Ad

Post Top Ad

Saitual, Khawzawl leh Hnahthial Khuaah Te Treasury Office

THREE TREASURY OFFICES TO OPEN
Treasury Office

Mizoram sorkar chuan district ngiat pathum - Saitual, Khawzawl leh Hnahthial khuaah te Treasury Office hawn a nih thu nimin khan hriattirna tichhuakin a puang.

Finance Department Principal Secretary Lalnunmawia Chuaungo chuan hriattirna chhuahin tunhnaia Council of Ministers thukhawm thutlukna lo siam tawh angin he'ng khaw pathumah te hian Treasury Office hawn nghal tur a nih thu a sawi a. Mahse, heng Treasury Office te hi nakum sorkar kum thar atanga a taka hna thawk tur an ni a, Hetih lai hian he'ng Treasury Office-a sorkar pawisa khawihtu tur Drawing and Disbursing Officer (DDO) te chu hriattirna dang chhuah a puan leh tur a ni ang tih a ni.

GAD atanga kan corr thudawn danin, he hmathar lak hian dist a puan tawh khaw pathumte a taka kalpui nghal tumna a kawk kher lem lova, amaherawhchu dist a puan an lo nih tawh avangin, dept hrang hrang te chuan an mamawh dan a zira office leh tuldang hawn dan erawh an ngaihtuah ve mek tho a ni.

Finance department official pakhat chuan Khawzawlah hian sorkar pisa lian tham a tam a, chubakah Police battalion pakhat hmunpui a nih avangin Treasury Office hi hawn awm taka a ngaih thu a sawi a. Saitual leh Hnahthial erawh chu politics thila thutlukna ni a a ngaih thu a sawi thung. Treasury Office 3-ahte hian hnathawk tlemte daha kalpui theih a nih a rin thu a sawi a ni.

Tun dinhmunah hian Treasury Office 2 nei chu district pahnih a ni a, Aizawl-ah South leh North Treasury a awm a, Lunglei-ah Lunglei leh Tlabung Treasury a awm bawk. District dang 6-ah chuan Treasury pakhat theuh a awm thung a ni. -AIR News Aizawl

Post Bottom Ad