Tangrual Pawl ZPM Sr.Vice Chairman Pu F.Rodingliana chuan Kohhran leh Tlawmngai Pawl duh danin 'Candidate neih loh tur' an tihna hmunah neih an tum loh thu vawiin Aizawl Press Club-ah a sawi.
Pu F.Rodingliana chuan KOhhran leh Tlawmngai Pawl te'n ngenna hi siam lo mahse Chakma Bial-ah hian a hma-a an lo puan lawk tawh angin din an tum lo tih a sawi a. KOhhran leh Tlawmngai Pawl duh dan anga an kal avangin an duhsakna leh khawngaihna zarah an sorkar ngei pawh an in beisei tih a sawi.
ZPM chu an than chak em avangin Chief Minister dinglai meuh pawh tlanchhiain Bial 2-ah din a tum tak thu a sawi bawk a, mithenkhatin MNF 'an lian' an tih ngawt chu Inthlan hnuhnung atanga a lan dann MPC nena tang dunin Vote nuai 1 sing 6 & 4305 chauh an hmu a. Tah hian MPC in Vote Sing 4 Sang 7 atanga Sing 5 Sang 5 an vote pui an ti si a, tunhnaiah an punna anga an sawi chu Sang 4 Sang 5 vel lo ni ta pawh ni se, MNF hi an tlem tawh a ni tih mipuiin an hriat a ngai a ni a ti.
ZPM chu a tir atangin hmathlir fel tak neia inzawmkhawm an ni a, an sorkar a nih chuan Mizorama nitin eichawp mamawh thlai thar hrang hrangte phai lam atanga lak luhna ah Pawisa tam tak senral anih thin chu zirchiangin, ruahhmanna thar leh a tak taka hman theih tur an duan lawk tawh thu a sawi bawk a, sawhthing mai bakah thlai thar hrang hrangah Mizoram a intodelh theihna tura ruahmanna tha zawk an kalpui mek niin an sawi a.
(AIR CORR)
Post a Comment