Fridge hi chhungkaw tinin kan neih deuh fur tawh a ni na-in chinchang kan hriat erawh a la tlem hle awm e.
Kan hriat a tana ṭul zual chauh tar lang thuak thuak i la a tawk viau mai awm e.
1. Fridge kawngkhar hi a phui ṭhat a pawimawh khawp a, phui taka khar ṭhin tur a ni, a phui ṭhat loh chuan a khawl a rim bik bakah, fridge gas kan tih mai ṭhin, refrigerant gas hi a hek em em bik a, chu mai bakah pawn lam boruak a dawn reng hian boruak a tuihu awmte hi fridge chhungah khan vurah lo changin vurah a lo insiam a, vur khawn a insiam zung zung ṭhin.
a) Single door ah chuan heng vur khawnte hi a freezer-ah hmuh mai theihin a awm ṭhin a, awlsam taka tih fai ve mai theih a ni, i tih fai duh chuan fridge ah power supply ti tawp la, a tui hun nghak rawh, a lo tui vek hunah pawnche thianghlima hruk hul mai tur a ni, hre lovin ṭhenkhatin kar khawh an tum ṭhin a, freezer an kar pawp fo ṭhin, freezer pawp hi repair theih a ni lova, thlak hlawk ngai a nih ṭhin avangin sum senso a tam lo thei lo, thawmphui thei ni a insawiin fridge siam ṭhin inti tamtakin mi an bum fo va, a neitute lam an in sengso thlawn ṭhin a ni.
b) Double door-ah erawh chuan vur khawn hi freezer awmna compartment chhungah daih vur khawn hi a insiam ṭhin avangin single door a vur khawn awlsam taka hmuh theih ang hian a awm ve lo, compartment chhung daihah cooling chamber a awm avangin vawt insiam hi fan hmanga chhem chhuah tir a ni ṭhin a, vur khawn a tam chuan a fan hi a chiah chhe thei bawk, a hnung lama tui chhe paih chhuahna tur pipe an dah hi vur khawn hian awlsam takin a hnawh ping ṭhin a, a hnawhpin hnuah vur khawn hi a lo pung zel a, a hnuai lama boruak vawt a supply-na kalkawng hnawh ping zelin, a hnuai lam a vawt mumal lo hmasa ṭhin, vur khawn a lo tui chang hian a tui chhe paih chhuahna tur ber pipe ah a luan theih tawh loh ṭhin avangin a remchanna lai laiah tui hi a lo hnam chuak ṭhin, hetianga i fridge a awm a nih chuan a rang thei ang berin fridge siam thiam panpui ang che.
2. Fridge vawt lutuk kan tih ṭhin hi a vawh dan control-tu ber thermostat chhiat vang a ni ṭhin, thermostat hian a vawh ṭhat hunah compressor a current supply a off ṭhin tur a ni a, a lo chhiat a hna a thawh theih loh chuan compressor hi engtik lai pawhin a nung reng ṭhin, a gas a hek em em bakah compressor a chhiat phah a hlauhawm em em a ni.
a) Single door ah chuan thlai hnah leh rah te han dah hian a duk zung zung ṭhin a, kar lovah a ṭawih mai ṭhin, chutianga i fiidge a awm a nih chuan a siam thiam panpui nghal ang che, i remchang mai lo a nih chuan ni khatah vawi hnih darkar khat chhung vel ti nung la, a bak chu off mai tur a ni.
b) Double door ah erawh chuan, by metal emaw timer emaw chhiat vang a ni thei, a eng emaw zawk zawk a chhiat chuan, a vawh lutuk vangin compartment chhungah vur khawn nasa takin a insiam ṭhin a, chu chuan a hnuai lama boruak vawt fan-in a chhem thlakna kalkawng a hnawh ping a, a hnuai lam a vawt thei lo hmasa phawt ṭhin, ngaih thah rei chuan vur khawn hi lo pung zelin a fan vir thei lovin a siam a, a fan a chhiat phah thei bawk, hetianga a awm hian ṭhenkhat chuan an defrost mai ṭhin a, chu chu a ṭhat hlenna turah an ngai fo, mahse chumi thlentu zawk a chhe lai siam ṭhat a nih loh chuan harsatna pangngai chiah a thleng nawn leh ṭhin. Hetiang harsatna tawh vanga fridge siam thiam koh a, defrost a ṭha mai tura an ngaih hian a hnu rei vak lovah a chhiat dan pangngai bawk a chhe lehin fridge siam koh an ngai zut ṭhin.
3. Fridge vawt thei lo vanga buaina hi buaina tlanglawn ber a ni fo, kawng hrang hrangin he thil hi a thleng thei a, a vawh theih loh hian tamtak chuan a gas a zo a nih an ring mai ṭhin, a tam ber zawkah chuan thil dang chhiat vang a ni fo zawk, tin, fridge gas thun hi a thiam panngai leh training chhuak chauh tih tir ang che. Fridge gas thun (refill) tur hian hriat tur pawimawh hriat ngei ngai tam tak a awm avangin thun thiam inti nazawng an rintlak vek loh tih hriat a.
(A Ziaktu kan hre mai lo)
Post a Comment