~ By~Bte Langel
He Khovel a mihring pakhata pian ve man a, min hmangaihtu nu leh pa nei velo a, dam chhung ka hmang chho ve thin hi chu, hreawm ka ti thin khop mai. Ka pa hi sipai bang ania. Sipai inenkolna hnuai a seilian tih tak a, a khong em em ami a ni. Engkim ah hian a pa em em mai a ni. Mahse ka tan chuan ka nun ti hrehawm tu a lo ni ta reng mai. Ka pa hi sap ho in (alcoholic) an tih zu ngawl vei mi ania, a zu rui te hi a hlauhawm thei em em a ni. A thin a rim tawh hi chuan ka nu pawn, a chhang ngam ngai lo. A ruih loh hian ka nu hian a hau ve fo bok a, inhauh nan hun tam zawk an hmang thin. Tlai khat chu, ka nu nen in hauvin ka pa hian len bo san a duh a, kei mah min hruai chhuak a, eitur tui deuh ka lei ang che ti in min tiam a, kan taxi a khal chhuak a, ka kal ve ta ani. Kum 12 mi tleirawl te hlek ka nia.
Tichuan ei tur eng eng emaw min lei sak a, khaw thim dawn trep ah zu zorhna hmun pakhat ah min luh pui ta a. Ka pa chuan zu a in ta hngek mai a, "apa ho tawh ang" ka ti a, voi 15 vel haw ka ngen hnu ah min haw pui ta ani. Tichuan khua a thim tawh a, khodai mi awm vak lo na hmun lam min pan pui a, motor hnung lam pang seat ah chuan thu tur in min ti a, i he lovin back seat ah chuan ka thu ve mai a. Tichaun driver seat atangin a ron chuak a, back seat kongkhar a hong a, a lo lut a, pate bul a awm na na na chu engmah hlauh ka nei lem lo. Tichuan le, "tawng ring miah suh, i au ring anih vaih chuan ka hmet hlum dawn che" ti a min vau pah in ka thawmhnaw min hlih sak a, "enge ka pa ka duh lo..ka duh lo" tia ka auh ve leh ka hrawk ah min rep a, ka tawng chhuak ngam ta lo a ni. Ka pa zurui hlauhawm zia chu ka hre tawh si a.
Tichuan kei a fanu tleirawl te chu, dim miah lovin min pawngsual ta mai ani. Ana ka ti in a hrehawm ka ti em em a, ka zak bok si a, ka au chhuak ngam bok si lova, ka auh luih chuan min that tak tak mai dawn si a. A duh tawk a ngah hnu ah kei chu na tuar in hrehawm ti em em in, thi leh thlan leh mittui in min tlak buai nuai2 mai a, ka van neih a siam in Police motor kan awmna lai vel a misual zawng leh ruih theih thil zuar te dap ho motor a lo tlan hlauh mai a. Ka pa chu an man ve ngei dawn e tih ngaihtuahna ka nei ta a, ka ngei in ka hua em em a, mahse, an man anih chuan jail ah a tang dawn tih thleng in ka ngaih tuah a, ka pa chu man se, khai hlum hial se, ka duh ta rum rum mai a ni.
Police zing a, officer pakhat leh midang pakhat chuan kan omna motor lam an ron pan phei a. An lo kal lai chuan, ka pa chuan, "Ka bialpa ani ti tlat ang che, ka bialpa min ti lova, eng emaw buaina ka tawk anih chuan, ka that dawn che..I Hria em" ti in min vin a. "aw" ka pa, ka tia.. vin tawk in "I hre chiang tak tak em" min tia, kei hlau lutuk in khur der der chung in aw, "aw ka hria e, ka pa" tia .."tha" a tia, ka sam tawnna chu a phelh a, ka hmai chu ka sam in a khuh ta a, ka hmel lang naupang lutuk tur a ven deuh nan. Tichuan Police pa chu a lo thleng phei a, kan motor tukverh darthlalang a ron kick a, ka pa pawh chuan a hawng ve ta a, fel deuh niawm tak in, iti polite ve fe chuan, "enge nita ka pu" a lo tia. Police pa chuan " mi zawn kan nei a, heng lai vel ah hian midang hmuh in nei em?" atia, ka pa chuan eng mah a hmuh loh thu in a chhang a. "I motor kan check dawn ania," an ti leh a, "ekhai check ru check ru.." ka pa chuan a ti a. Ka rilru in ka pa chu police pa hnenah ka hek mai dawn ami chu aw, ka ti deuhva, mahse, min that tak tak mai dawn a a hnu ah tih ka hlau leh si a ka ti ta lo.
Keimah tawp deuh leh nat hmel deuhva awm min hmuh hian Police pa chu ngaih a tha ta lo em em a. Tunge hei hi a tia, kapa lah chuan, hei, ka bialnu ania, sipai suty lo haw ka nia, hei kan in date lok a, kan lo tawm lok anih kha te a ti vel a, tichuan, "itha em, kapi" min ti a, police pa chuan, "Ka tha a lawm" ti in hawi chhuak lovin ka chhang ve mai a. Tichuan, kan ti palh ani e, kan lo ti buai palh che u a, zia lo hle mai.. a tia, an kal chhuak ve ta mai a. Chuan kan haw tlang ta a, kapa chu music ring tawk in a play a, a nuai uar uar a. "Mami, lung ngai reng reng suh aw..i duh duh ka lei sak dawn che nia" ti in min thlem a. I nu i hrilh vaih chuan i chak dwn lo ania, tiin min vo bok a ni.
Chumi zan chu zan khua in muhil thei lovin ka tap reng ta mai a, hrehawm ka tia, na ka ti bok si a, ka rilru a na tak zet a, ka zak bok si a, mahni in tih hlum hial te pawh ka chak ani. Tichuan, ka pa chuan a remchan a piang in min mut pui ta zel a, kum 16 ka nih thleng chu min pawng sual in min mut pui ta char char mai a ni. Ka nun hi a hrehawm em em mai a, ka nu lah chuan min hnem a hnek in min hau zui a, keima zir loh a te min puh a. Engmah tan lak a tum lo a, ka nun hi a hahthlak ngawih ngawih a ni. Tichuan thian te zing ah te kan han tal ve zel a, school pawh chu ka kal chhunzawm zel a, mahse, chhungkua background tha lo na na na chu High School ka chhuak zo ta lova, in a tangin kum 17 ka nih in ka tlan chhuak a, a rem rem na ah mi hnathawk a in hlawh in ka nun ka han hmang chho ta a ni.
Broken family atang tih tak a, engmah ngaihtuah na pawh nei ve lem lovin kum 18 ka nih in min hmangaih ve nia a ka hriat tlangval pakhat chu pasal ah kan nei ve ta ringawt mai a. Fa pa 1 kan nei hman a, mahse ka pasal hi, criminal misual thil ruk hmang lo ni in, kum 2 kan inneih hnu chuan kan in then ta a, ani erawh motor a ruk a vang in jail ah a tang ta a ni. Mi kehchhia thatna neilo ka ni bok a, ka luhlul em em a, mahni hma ka sial em em a, ka nun hi keima tan tak meuh hman chhoh ka tum ta a.... Mahse ka nun ning lutuk hian voi khat chu Pathian hnenah ka tawngtai a, Bible te chhiar in Pathian ah hlimna a zawn hian ka zong tak meuh ani. Tichaun hun a kal zel a, Pathian in pasal fel tak Davida min pe a, min hmangaih em em a, min dawh thei top a, thil min zin tir bok a, Christian tha em em a lo ni bok a ni.
Pathian in rongbolna tha tak Bible study group zirtir tur in min thlang chhuak ta a... mahse,,min pawngsual tu ka pa hi ka ngaidam thei thlawt lo ani. Voikhat chu Pathian thu ka rilru ah a lo lut a, i pa i ngaihdam theih loh chuan Isua pawn a ngaidam don lo che, tih a lo thleng ta thut mai a. Tichuan ka ngaihdam thu ka puang ta a, tichuan Pathianin rawngbawl na ropui tak min pe ta ani. A tawizawng in, Pathian in akn nupa min hmang nasa em em a,,, tichuan rongbolna zau tak khovel huap rongbolna tun ah chuan kan la nei mek a ni. Kum 40 hnu ah ka pa chu ka ngaihdam thu ka hrilh a, an chak tawh loh a avang in ka nu nen an awm na tur inn tha tak ka lei sak a, an mahni enkawl tu tur ka zawn sak a. Ka pa chuan voikhat chu,,leng tur in min sawm a, kum 40 hnu ah a voikhat na tur in min pawngsual a vanga ngaihdam min dilna tawngkam a rong tawng chhuak a, "ka ngai dam daih twh che a lawm kapa, Isua pawh a ngai dam che" ka tia, tichuan pianthar a duhthu min hrilh a, a lo piang thar ta a, keimah ngei in ka baptized a, ka baptize hnu kar thum ah hian min boral san ta ani. Ka tawngthu chhe lovah ka pa hian min lo pawngsual lo ta se Joyce Meyer Ministries tih rawngbolna poh ka din thei kher lovang.
Min lo pawngsual a, ka chung a hetiang a thleng hi tun ah chuan ka hrethiam ta a, Pathian hnenah lomthu ka sawi ani. Keimah ang a tuartu leh lungngai te tun ah chuan ka tanpui thei a, chuvang chuan ka chunga lothleng apiang hi Pathian remruak ah vek ka dah thei ta ani. {he thu ziak hi rongboltu thusoi thiam lartak Joyce Meyer chanchin kaih tawi a ni.}Rilru na leh tihdam theih loh tur a kan ngaih sex addicts tam tak rilru sual tam tak te pawh Krista ah chuan dam na a awm a ni, tih min hrait tir a ni.
Post a Comment