NGAIHTUAHNA THAR NEN KÂWN CHEI LEH ZÂN BAZAR (An beng thleng zo tak maw) - TIMES OF MIZORAM

Post Top Ad

8 Jan 2019

NGAIHTUAHNA THAR NEN KÂWN CHEI LEH ZÂN BAZAR (An beng thleng zo tak maw)

7th January

KAWN CHEI LOH A HO TA RIAU -
Inthlan kum a ni bawk nen, Sorkar in a cheimawi lawmman a siam tam a a puang tlai nen kumin chu Zawl khawpui a thing thup mai. Naupang han fan pui tur chiam pawh a awm lo. Ngaihtuahna thar a ngai e.

 KÂWN CHEI LEH ZÂN BAZAR


LAWMMAN SIAM TAWH LOH NI SE -
Mi veng kawn cheia in nghata Sorkar sum sem dur dur lo hian Sorkar hian ngaihtuahna kum tir atang hian seng se a tha khawp mai. Vengtin hian chei se kan duh vek a, in tihluih theih a ni lo. A hautak a, hun leh tha a duh viau bawk a, veng tangrual lanna pakhat pawh a ni. In tinah remchan dan tawk an khawn a, an veng leh kawtthler an chei ve a ni mai a, Sorkar hian lawmman lo siam a, Nuai 10 dawn dawn lo sem ral vena chhan ngawttur a awm lo.

SORKAR IN HMA LA VE MAI SE -
Kum tir atang hian Krismas thlir pha sela, Sorkar hian ruahmanna felfai tak siam se, Khualzin hipna khawp leh Zorama Krismas hman chakawm khawpa hnamdang pawh kan hip luh hial theihna tih hria se, hetiang hian kan rawt hluah teh ang.

CHEI TUR -
Tourist Complex Beraw tlang, City Park, Millenium Centre, World Bank Road Chite lêi, Brigade Field chhehvel, Vanapa Hall kawt etc hi Sorkar hian puitham takin chei sela, tlawh hut hut tham law law in lawmman a senral te nen vek hian chei nan hmang ve ta zawk se a nuam deuh ang. Heng bak pawh hi Sorkar/Vantlang hmun rem tak tak pawh a awm thei ang.

FOOD PARK -
December ni 15 chho atang chuan peih tan tawh nise, ei leh in siamna hmun(Food Park/Street Food) siam thei Restaurant leh mimal hnenah Tender siam bawk sela, a hlawm a eitur buatsaihna(Food Corner) heng hmunah te hian buatsaih ni bawk se. Beraw Tlang, Brigade Field leh Luangmual Field ah te zan dar 11 thleng tal hawng ve hlawm bawk se. Heng hmun te hi tlawh nuam tak tura chei ni bawk se.

ZÂN BAZAR -
Kan Bazar lawilenin a zir lova, Krismas Bazar ah thingtlang lam mite kan lut nasa bawk nen, Police Duty, hruipawh ngai, naupang bo, thil ti bo etc kan chhangchhe thei khawp mai. Hetiang hunpuih hian chhun lamah lehlang leh thingtlang mite hmun kian thiam ila, Aizawl khawchhunga cheng nghet tan zan dar 11 thleng tal dawr hawn phalsak nise, veng thenkhatah dawr hawn phal chin te kan siam ve bawk nen. Show Room leh dawr changtlung deuh ten kan harsatna hrethiamin zan lam nghak tur hetiang hun atan bik in siam thei bawk se.

Second hand thuamhnaw leh mutbu, naupang lawm leh thil dang dang pawh pho chhuah mai theih ang chi hi zan lamah dar 11 thleng tal in pho chhuak thei turin ruahmanna siam ni bawk se. Heng hmun, High Field, Vaivakawn Field, Lammual sir, Armed Veng Field Ramhlun Sport Complex, Chite Field ahte hian zan lam hun a tan chauh a Bazar na tur ruahmanna siam ni bawk se heti luih luih lo deuh hian kan in bân let thei maithei a, chhun lama hman lo tan a remchang hle ang a, nuam kan ti zawk phian ang. Traffic a thawl phah deuh ang a, heng zan bazar na hmun ah hian kan buai lutuk lo bawk ang.

SUM TUAKNA -
Heng kawn cheina hmun leh Zan bazar ah hian a hming lek pawhin luh man Rs.10 pawh siam ve ta mai se, venhimna lam thawk turin veng hnaivai deuh YMA te pawh inhlawhin an Duty duh ngei ang. Duty hlawh leh hmunhma neitu tan pawh lawmman a awm tham ve ngei bawk ang.

Heng ka han tarlante hi a tha ber vek lo maithei a, mahse hemi hmang tal hi chuan hei aia tha ruahmanna pawh a chhuah theih ka beisei. A hmala theitu pakhat tal hian chhiar fu ve thin tak maw?

No comments:

Post a Comment

Post Bottom Ad