SIAHA DC THAR PU BHUPESH CHAUDHARY - TIMES OF MIZORAM

Breaking

Home Top Ad

Post Top Ad

SIAHA DC THAR PU BHUPESH CHAUDHARY

SIAHA DC THAR PU BHUPESH CHAUDHARY IN SIAHA DISTRICT MJA TE A KAWM

BHUPESH CHAUDHARY IAS

18.02.2019:Vawiin chawhnu dar 1:00Pm khan Siaha District Bawrhsap thar Pu Bhupesh Chaudhary IAS chuan amah office chamber-ah Siaha district MJA te Press meet a neihpui.

Siaha DC thar hian Siaha District MJA member te chu inhmelhriatna thingpui inpuiah sawmin, inkawmna hun tha tak an neih a ni.

Vawiin Press meet-ah hian Pu Bhupesh Chaudhary chuan thu sawiin, Siaha District a MJA ten sawrkar tha ti chak turin tha takin in tawiawm thin, tih ka hria a. MJA te hnenah lawmthu ka sawi tak zet a ni, a ti. Kan hma lawkah MP inthlanna ka hmachhawn leh turah pawh hian in tawiawmna ka mamawh hle dawn a, thurawn min pe fo tur leh min finchhuah fo turin ka ngen a che u, a ti.

Siaha MJA member te pawhin DC thar chu an lo lawm hle a ni; tih hrilhin, a lakah pawh beiseina sang tak an neih thu an hrilh bawk. MJA te chuan DC te chu an Ex- officio Patron member a ni zel thin thu hrilhin, Kan Patron member atan kan lawmlut nghal che a ni, tih an hrilh bawk. MJA te chuan a district anga kan harsatna te, MJA anga an harsatna hrang hrang te DC thar hnenah chuan thlenin, DC tharin kan district hmasawn nan a tihtur pawimawh ni a an hriatte an thlen bawk. DC pawhina theihtawp chhuaha Siaha district tan hna thawh a tum thu leh MJA te chuan inthlahrung lo va, an harsatna te a hnena thlen thin turin a chah hlawm a ni.

MJA chuan DC chu huaisen tak leh dik taka hna thawk tura fuihin, a hnung an dawlh zel tur thu pawh an hrilh bawk.

Pu Bhupesh Chaudhary chuan Siaha District MJA ten vawiina district harsatna leh an mahni MJA te harsatna an thlen te chu theitawp chhuaha a bawhzui nghal tur thu sawiin, a bul tan nan Rs.5000/- in Siaha MJA te hi a tanpui nghal a ni.

Vawiin Press meet-ah hian DC hi Pu N.Vabeiratlua, DIPRO in a tawiawm a ni.

DIPR

No comments:

Post a Comment

Post Bottom Ad