V-DAY BLOOD DONATION IN MIZORAM - TIMES OF MIZORAM

14 Feb 2019

V-DAY BLOOD DONATION IN MIZORAM

V-DAY BLOOD DONATION IN MIZORAM: Vawiin Valentine’s Day puala thisen pek runpui Mizoram hmun hrang hranga huaihawtah, mi tlawmngai ten thisen unit 888 an pe.
V-DAY BLOOD DONATION IN MIZORAM

Thisen petute hi Mipa – 646 leh Hmeichhia – 242 an ni a, ‘Show Love, Show Blood’ tih thupui hmangin thisen pek runpui hi dist hrang hrangah huaihawt a ni a, Serchhip-ah thisen unit 65 pek a ni a, Siaha ah unit 55, MIMER, Falkawn-ah unit 31, Lawngtlai ah unit 40, Lunglei ah unit 106, Synod Hospital Durtlangah unit 19, Mamit ah unit 38, Champhaiah unit 96, Aizawlah unit 371, Kolasib ah unit 67 pek a ni.

Aizawl-a Dawrpui Multipurpose Centrea thisen pek runpui buatsaih chu Health Minister Dr.R Lalthangliana’n a hmanpui a, thusawiin, mahni tana hlawk lo, ngaihtuahna leh sum senna, midangte hmangaih avanga penchhuak ngama, damna tura thisen hlu tak pek runpui neih ani chu a hlu in a lawmawm a, India ram State ah pawh hmingchherna ngaihsanawm a ni, a ti. 

Pu Lalthangliana chuan, kum 2010 atanga an lo buatsaih tawh Valentine’s Day puala a thlawna thisen pek hi vawiin hi a tawpna ni lovin, a bul tanna leh hemi kawnga hmasawnna lo ni chho zel se a ti a, Sorkar Budget ah pawh Blood Bank hmasawnna awm zel tura beisei anih thu a sawi a, kumin kumtir Cabinet thukhawm pawhin Sorkar damdawi In ah chuan Blood Processing leh a kaihhnawih lamah fee lak loh tura rel anih thu leh Sorkar kum thar lamah chuan kalphung tha zawk ngaihtuah zel tum anih thu a sawi ani.

Blood Donation Camp hi Association for Voluntary Blood Donation, MSACS, Blood Bank –Civil Hospital leh Music Domain with Mizoram (MDM) te huaihawt a ni a, AVBD hian dist dangah a huaihawt a ni. ~AIR

No comments:

Post a Comment