MIN HLAU SUH, HLAUHAWM KA NI LO - THAWNTHU NGAIHNAWM - TIMES OF MIZORAM

Breaking

Home Top Ad

Post Top Ad

MIN HLAU SUH, HLAUHAWM KA NI LO - THAWNTHU NGAIHNAWM

Hun leh nite rei tawh viau mahse, ka thiana hian he a thil tawn hi a theinghilh ngai lova, a thei lo bawk. A chhan chu hmangaih ber chan nat zia a hria a, a tawng bawk a, hetiang ang tluka hmangaih tu hi a tawng leh dawn lo a ni, tih a in hriat vang a ni. A hmasa in, tuna ka rawn post tur hi hlauhawm vak leh hrang bung bunga han sawi tur a awm vak lo na chu, mittui tla awl deuh te kan lo awm a nih chuan khawgaihin romol kan in chhawp chu a tha khawp ang…. tan nghal mai ang aw.
THAWNTHU NGAIHNAWM
Kum 2004 kum kha a ni a, thal favang hun lai tak mai chuan Shillong lamah college kal tur chuan ka chhungte chuan min nawr ve liam ve ta chawt mai a. Kei pawh chuan ka hnial em em chuang lo. A chhan chu thianpa Samuela a kal ve dawn vang a ni. Chuti ni lo se, ka peih bik lovang. Shillong kan thleng chu rin ai in a khaw thleng a nuam zek a, kan guardian tur Pu Ruata chuan kan hostel awmna turah min dah nghal a. Kam hostel awmna tur pawh chu rin aiin a nuam phian, chu hostel hnung lampang chu ramhnuai hi a ni deuh mai, thinghmun a ni a. A boruak pawh rin ai zekin a dai nuam, thing lianpui pui ding thup chuan kan hostel chu a hual a ni deuh ber mai.


A tuk chu class tan hun a ni a. Samuela nen bawk chuan class khatah awm tur tho kan nih avang chuan ka huphurh hranpa lem lo. A tuk a lo ni a, class kan han lut chu hnam dang hlir hi an lo ni a, a then chu negro te, naga te, khasi leh vai te an lo ni nawk hlawm a. Class kan han lut chu kan zam ru dun khawp mai, min lo en thup mai vawk sia. Mahse chutih lai chuan a hmelah chuan Naga nula tih hriat loh chhelo ve deuh mai, hi kan lam panin a lokal a, a ni chuan kan hmelah Mizo kan ni tih a hria a niang….pai deuh reuh si chuan “Lokal ru, lokal ru” hi a lo ti a. 

Thianpa Samuela chuan hmai zangthal ha-a en chung chuan “Mizo i ni ve ami?”a lo ti hel hawl a. Mahse chu nula hmaifang tha em em leh ngaihnobei tak mai chuan tawng pai deuh chuan “Nilove, Nagaland atanga lokal ka nia” a ti a. Kei chuan “Mizo tawng i va thiam si ve” ka ti chu, chu nula chuan “Ka tet laiin mizoram kan awm reng tawh alawm” a ti a. Kei chuan nuih deuh saih pah chuan “I hming min hrilh thei ang em?”ka ti chu, a ni chuan “Aw, a ni maw…ka tihpalh Narima-i ka nia, a nih nang” tih pah chuan a hnunga seat awl chu min kawhhmuh a, kei pawh chuan thawk pawh la hman lo lek chuan Narima en chung chuan Nickya ka nia…a thenin Nick tih te pawn min ko ka ti tlang nghal zat a, thianpa Samuela hming pawh ka hre chang tawh lo.

Khami ni atang khan Narima-i nen chuan kan in nel in, kan inkawmngeih sawt em em mai bawk a. Kei ngei pawhin class kal nuam ka tih phah, ka awmdan atang chuan thianpa Samuela chuan a lo man thiam vek a, mi a chhaih leh zuk zuk thin.

Hun a liamin, nite a ral a, Narima-i ka ngainatna chu a zual zel a. A tawp a tawpah chuan ka hmangaih ta ni ber hian ka hria, ka thiana chuan ‘I tlai hma hian i hmangaihna biahthu chu hlan ta che’ min lo ti sek reng mai bawk a. Zah pawh dawn lo leh huaisenna zawng zawng sawmkhawm chuan, thianpa Sam-a min fuihna zarah nen chuan Narima-i chu hmangaih biahthu ka hlan ta, a tir chuan ka hlauthawng ru deuhva, mahse Narima-i chuan min nuih seih a, ka beng bulah chuan a heh sen tai hlar chu rawn dah hnaiin, “Nick, keipawn ka hmangaih che” a rawn ti ta mai chu ka va lawm em. Ka hmangaihin min hmangaih ve tih ka hria chu ka lawm a, ka kuah a, a heh sen vam ham maiah chuan ka hmui chu chuktuahin, ka fawp ta fawp ta vawng vawng mai a. A ni pawh chuan min lo chhang let ve vat a. Narima-i nen hmangaihna par chu kan tlan dun ta a. Nuam pawh kan ti. Class ban apiangin park ah te, hmun nuam tak takah te kan leng dun thin a. Thianpa Sam-a pawh ka hre chang ta lo, mahse thian fel tak a ni a, Narima-i thik mai lovin, ka dinhmun te min hriatthiam pui in, chance te pawh min fo thin. Chawlh a nih te hian fun fair ah te kan kal thin a, nuam kan ti thei hle. Thianpa Sam-a pawh chuan Narima-i nen kan in ngaihzawn hnu chuan Tamil nula Frida-i nen an in ngaizawng bawk a. Kan pali chuan hun nuam tak kan hmang ho thin.

Narima-i nen thla 7 zet kan in ngaihzawn hnu chuan Narima-i chhungte chuan a pu a that vak loh thu leh zankhat mitchhin tawk thut thei a ni tih thu hrilhin…an rawn chah haw a, kei pawh chuan Narima-i tellova hun ka hmang tur chu ka hreh in ka huphurh hle mai, a chhan chu kan in zui ngawrh ve angreng hle tih chu kan class chang lo pawn an hria. Ani pawhin hreawm a tih tur thu ngawt chu chhum lo chat lovin hahipin a sawi. Tichuan inthlahlel tak chung chuan kan inthlah ta a. Kan in thlah ni a, a biangno taka a mittui rawn luang ngiai ngiai mai te kha tun thleng hian ka mitthla ah a la cham, “Nick, ka hmangaih che, ka ngai ngawt ang che” ti a, biahthu min hlan lai te kha thinlaiah a la cham, hmanlai chang turan ka phal bik lo.

An khua a haw hnu atang pawh chuan landline phone atang te chuan kan la in be reng a, khang hunlai te kha chuan mobile phone la awm hek lo, pawisa ti hek tur maiin P.C.O kan pan loh leh, kan hostel phone kha a ni mai a. Kan inbiak apiangin “Nick ka ngai thei lutuk che” tih hi chu a sawi lo thei lo. Kei lah ka bang bik chuang. Chutiang a hun leh nite hun kan hman mek lai chuan ka ngaihtuahna ah “Ngati nge Narima-i hian min rawn biak miah loh, ni hnih min be lo a ni tih ka hre chhuak thut a, mahse ka rilru ah chuan a pu chu a boral ta anga, min rawn hrilh hman lo te pawh a niang, lo boral ta pawh nise min rawn hrilh ve awm tak chu a ni asin” tih te chu ka rilruah a lang nghal uar uar mai a. Ngaihtha lo deuh si chuan chu ni chu ka hmang liam a. Term in exam zawh, summer vacation hmang tur chuan kan khua Mizoram lamah kan haw ve tho a ngai a, rilru ah chuan Narima-i te khua kal duhna hial te ka neih phah a, chumi zan chuan ka mu thei lo, hostel phone atang hian ka phone mai dawn emaw ni tihna te ka nei lian hle a. 

Ka khum atang chuan ka tho chhuak chu, ka kerek ah chuan kut vawt deuhvin a rawn man bet ang hian ka hria, ka phu zawk a, ka kat dawrh bawk a. Ka zuk en a, engmah chu ka hmu bawk silo, ngaihthat lohna hlirin ka khat tawh. A chhan chu Narima-i nen ni thum lai kan in be tawh lo. Chutia ka room atanga inhnuai lam phone awmna ka pan tur, kawngkapui ka thlen dawn lai mai hian, Narima-i aw chuan chiang tak mai hian Nick ti hian min lo ko a, keipawh chu ka lo eihh lauh pek a, ka thianpa chuan a hre ve em le tiin a mu lai ka zuk en chu a lo mu tui angreng hle mai. A lo hnar burh burh mai a. Kan khum chung sana intar ka hmu chu, zing lam dar 2:15 hi a lo ri tawh a. Kawngka chu kan hawng a. Inhnuai lam pan chu ka pan a, mahse ka kal rual chuan ka hnungah min zuitu a awm tih ka hria, ka pen rual chuan a pen ve zel a ni. Tunge ni ang le, tiin ka lehhawi thut a, mahse tumah hmuh tur an awm chuang lo. 

Ka kal leh a, stepa ka chhukthlak lai te pawh chuan chu pen ri chuan mi rawn zui zel tho. Ka rilruah chuan thla/thlahrang hi a lo awm tak tak a ni tih ka hre ve ta. Hlauhna in ka khat a, ka tiril a khur a, phone awmna lah ground floor a ni bawk si, kan room awmna ah 3rd Floor daih a ni bawk si, phone lo chuan room lamah ka let leh dawn emawni aw tih te ka rilru a. Mahse a ni theiin ka hre bawk si lo. Pen thawmin ka hnungah min zui reng a ni tih ka hre reng mai bawk si, ka buaiin ka confused khawp mai. Mipa ve lem si a, thlahrang hlau-a tlan duai duai kha ni thei in ka hre bawk si lo. Phone awmna lam ground floor pan chuan ka kal lui ta thova, chutah ka mit vai nge pawh ka hre lo, chutah leh hnung lam atanga ka dar rawn khawih tum ni awm tak kut var dang vek lo phar vu chu step ka chhukthlak lai chuan ka hma-a tukverh darthlalang ah chuan ka va hmu ta…ka va phu chiang teh kher em, ka kat dawrh a, step ah chuan mawng sawh dawp chuan ka tlu bawk a. Ka hlau a ni, ka hlau takzet tawh. 

Mahse ground floor thleng turin step khat chiah kal a ngai tawh bawk si, ka huaisenna neih zawng zawng sawmkhawm chuan ke khur sai hlak hlak chung chuan ka chhukthla a, ground floor chu ka thleng thei ta hram. Phone awmna lam ka pan chu, phone ka la tur chiah chu a hma-a step-a ka chhukthlak laia ka hna tukverh darthlalanga kut vr dangbul mai chuan ka banrekah a ron man bet chawt mai a. Ka hlau lutuk chu ka tre thrawt bawk a. Chutih lai tak chuan ka hma ft 5-6 velah hla ah chuan hmeichhe pakhat kawr dum tret deuh pheng mai ha hi a sam-a a hmai khuh zun chuan a lo ding a. Phone hman lam chu khawilam, bak lenga tlan chuan kan room lam chu ka pan a. Ka hlau tawh lutuk a ni tih bak sawi tur ka hre lo. Engtik laiin nge kan room ka thlen, ka khum ka thlen pawh ka hre lo. Ka rizai chuan ka inkhuh ta. Room kawngkhar ka khar lo tih pawh ka hre lo. Chutah leh…ka khum lam pan chuan pen ri chu a rawn ri ta thlep thlep mai a. Bata slipper bun zawnga ri thlep thlep ang hian ka lam chu a rawn pan. 

Ka khur nasa tawh si, thlanin min bual huh zeih zuih tawh bawk si, chung ka thlan te pawh chu ka khumah chuan a far zel zul hlawm a. Chutah leh.... Narima-i nen hmangaih biahthu kan inhlan laia, Narima-in a tih dan ang chiah chuan ka beng bulah chuan “MIN HLAU SUH, HLAUHAWM KA NI LO” a rawn ti ta mai a, chu aw ngei mai chu ka hre chiang hle a ni, ka ngaih leh ka thlakhleh em em Narima-i a ni tih ka chiang. Ka rizai ka inlukhupna chu ka hawng vat a, kan room kawngkhar in hawng huau a, hmeichhe kawrdum ha chhuak lai tak chu ka va hmu hman a. Narima-i a ni tih ka hriat khan ka hlauhna zawng zawng chu tih kiangin a awm a, ka umzui ve ta nghal a. Ka chhuak chiah chu kan hostel hnung lam ramhnuai lam thingkung ngheng chuan a lo ding a, a rawn hawi chho min rawn en chu, ka tuiral, ka luang ral lo chauh, a hmel tha lutuk, angel ianga hmeltha snow white ianga duhawm ang mai hian ka zuk hmu…min hip hle mai. Ka pan thla a, a bul ka thlen kuah mai ka tum chu amah chu ka zen tlang hi a ni mai. Ka phu zawk nghe nghe a. A ni chuan min nuih ver ver chung chuan “Nick, hlimthla mai ka ni tawh, minung ka ni tawh hlei nem” a ti a, kei chuan hmaithal ha a, amah en chung chuan “Naree…i thi tawh tihna ami?” Ka ti chu, Narima-i chuan “Aw, Nick, he khawvelah hian hmuh tur ka awm tawh dawn lo, chuvang chuan rawn tlawh che hi tha in ka hria a, ka rawn tlawh zawk che a ni, chutah min la hlau zui leh ta nghal a” tiin a nui ar ar a. Mipa e ti lo chuan mittui tla phung chuan “Naree, engati nge, eng nge awmzia, ka ngai lutuk che asin, hetianga min kalbo san maiin engtin nge ka awm ang, ka hringnun i ni a, ka engkima ka engkim i ni a, hetianga min kalsan maiin engtin nge niang” tiin a hma ah thingthia bawkkhup thlawp chuan ka in dawm kun a, ka lu thing pah chuan “A ni thei lo, a ni thei mawlh lo, Naree ka phal thei lo che, ka lo zui ve mai ang che” ka ti chu Narima-i chuan “Nilove, duhtak, chutiang tih a ngai lo, chu ai chuan thil pakhat min tihsak ang che” a ti a…kei chuan eng lam nge sawi nghal rawh, tunah la la pawh ka ti nghal mai ang. I tan chuan thla khi lak ngai pawh nise ka la ang, phuba pawh nise ka la mai ang, ka hreh lo” tiin Narima-i hma ah chuan ka in vau pung a. A ni chuan “Nilove, Nick duhtak, phuba lak chu chunglam tih turah dah rawh, min tih sak tura ka duh che chu ka ruang an thuhruk na hi, naktukah ka chhungte hrilh turin ka duh che a ni” a ti ta mai a, kei chuan “Ruang ahh” tih pahin ka nghing dawt mai a….a ni chuan “Aw” a ti a. Kei chuan “An that che ami, engvanga that che nge an nih” tiin ka sa phat mai a. Narima-i chuan “Nick duhtak in bengdai la, ka thusawi hi ngaithla rawh” Min ti a…an thahdan chanchin ti hian a sawi ta a….

Ka haw kha…ka pu chu a lo tha tawh angreng khawp mai a. Thut pawh a lo thu chhuak thei a, ka chhungte bulah chuan “Zirna thlahlthlam hialin ka rawn haw a, ngati nge dawt min hrilh ka ti chu” ka pu leh ka pa chuan ka naupan laia ka thian, Yuri-a nen inhual turin kan duh vang zawk che a ni. Yuri-a pawn a duh thu che a pawm thlap tawh a, chuvang chuan inhualna neih hmasak a, i zirna a let leh tura kan duh vang zawk che a ni, an ti ta mai a. Ka thinrim bawk si, ka rilru a na bawk si, ka hrilh che chuan rilru hnual phah nan i hman ka hlau bawk sia, i lakah he thu hi ka zep avangin min ngaidam dawn nia” a ti a.

Kei chuan thinrim awka vin chung chuan “Tunge that tu che chu?”kan ti thak a, Naree-i chuan “Yuri-a a ni, a tum vang pawh a ni lo, ka ring ruh ti tliakin, kan khaw dai-a dil kam phairuang an dah treuhna karah min dah a ni, chu chu naktuk ah ka chhungte lo phone la, hrilh ang che, anni pawn mangang takin min zawng mek a nia, mahse nang chu ka tana mi bik leh ka hmangaih ngawih ngawih i ni a, ka rawn tlawh che a nih hi, ka rawn kalna lamah gate duty pawn min lo hmu a, nikhawhre lovin a ni pawh a tluk kha” a ti a, kei chuan “Ngati nge a thah che, engvanga that che nge a nih?”ka ti chu…a ni chuan lenpuiah min sawm a, keipawhin ka kalna tur ka chhungte ka hrilh chuang lo, a chhan chu nangnena kan in hmangaih tawh thu hi hrilh a, kan inhualna ti tawp tir ka duh vang a ni, a sawi pawh ka sawi reng bawk a, mahse a ngaihdan a ni lo, min man bet a, min sual a tum a, ka au a, ka au ri an hriat a hlauhna lamah ka ring ruh a ti tliak ta mai a ni” a ti chu ka mit sulh a, ka thinrim bawk si, ka rilru a na bawk si, kumkhua-a Narima then tur ka ni tih ka in hria nen chuan ka buai zo vek. Naree-i chuan “Duhtak, ka kalsan tawh mai ang che, khawngaihin ka chhungte chu lo phone la, lo hrilh ngei ngei ang che aw, ka ring che a nia” a ti a. Kei erawh chuam thlah har ka ti lutuk, a chhan chu Narima-i hi ka hmangaihin, ka duh em a ni, a tellova hun ka hmang tur hi ka dawn ngam lo a ni. Mittui tla phung chung chuan “Bawihi, bawihte, min kalsan mah la, min rawn hre reng thin dawn nia, ka hmangaih che, nang chauh ka hmangaih ang che” ka ti a. Ani pawh chuan “Min ngaih apiangin i lukham hnuaiah khan thil hnutchiah che ka nei a, kha kha i en apiangin min lo hre chhuak thin la, i bula awm angin min lo ngai dawn nia” a ti a, aw pawh ka pawh thei tawh lo, hmangaih ber then nat zia chu ka hria a, ka tawng a ni. A tawp nan ka hmuiah min rawn fawp zauhva, “Duhtak, Mangtha mai le!” Tiin a thla chu a ral ta riai riai a. Kei chuan ka la duhtawk lo asin…Narima ka hmangaih che, ka damchhungin ka hmangaih reng ang che, Mangtha!

Room lamah ka chho a, ka lukham hnuai ka en chu thi a locket-a kan pahnih thlalak dun hi a lo ni a, mipa ni mahila, ka mittui ka dang zo thei lo.

A tuk a lo ni a, Narima-i chhungte ka phone a, ka va hrilh chu an phawklek an tap rawng rawng ri ka hriatte chuan mi a ti tap leh deuh thaw, mahse ka insum hram hram a ni.

NARIMA, KA DAM CHHUNGIN KA HMANGAIH RENG ANG CHE.

Nb :- Hming khi chu thup a ngaih avangin hming lem ka vuah a ni tih min lo hriatsak dawn nia, ka lawm e.

Ziaktu- Tluangpuii Hmar Zote

No comments:

Post a Comment

Post Bottom Ad