SIAHA DISTRICT TUALCHHUNG CHANCHINTHAR - TIMES OF MIZORAM

Breaking

Home Top Ad

Post Top Ad

SIAHA DISTRICT TUALCHHUNG CHANCHINTHAR

SIAHA DISTRICT NEWSLETTER

TUALCHHUNG CHANCHINTHAR 24.3.2019 : Sunday Morning

Ziaktu : TC.Lalmuankima, Senior Correspondent

Tukin District newsletter puan chhuah hunah chuan tun thlaa Siaha Dist. chhunga thil thleng langsar zualte kan rawn puang chhuak dawn a ni.

Zirtawnpni khan MADC Forest Hall-ah PHED Siaha WATSAN Division, bultumin tui ren inzirtirna leh tuihna humhalh pawimawhzia inzirtirna hun, World Water Day,2019 hman a ni a. He hunah hian Siah DRDA Project Director Pu T. Vanlalmalsawmsanga’n milian leh mite berte pawn an mamawh, a tel lova an awm theih loh, ni tin nunphunga bet tlat tui leh tui-hna humhalhna chang mipuiin an la hre lo hi chu a pawi em em a ni, a ti a. Khawvela tui, zaa 97 chu tui thianghlim lo, mihring leh ransate tan pawha in tlak lo a ni a, zaa 3 chauh mihring leh ransate tan a in tlak a, tui-hna humhalh chu mitin mawhphurna a ni, a ti.


Thawhlehni khan Siaha District Election Officer, DC Bhupesh Chaudhary-a Office-ah Lok Sabha MP inthlannaa Siaha District-a hman tur EVM leh VVPAT te computer hmang thliar fel a ni.

Siaha district chhunga hman tur EVM, Ballot Unit leh Control Unit123 \heuh leh VVPAT 127 awm te chu Siaha AC hnuaia PS-a hman turin EVM 56 leh VVPAT 58, a bak EVM 67 leh VVPAT 69 te chu Palak AC hnuaia PS-a hman turin thliar fel a ni.

Siaha District-ah hian Polling Station 79, Palak bialah 43 leh Saiha bialah 36 a awm a. MP thlannaa vote thlak thei hi Siaha district-ah voter 39,522 an awm a. Hmeichhe voter 20,289 leh mipa voter 19,233 bakah Service voter 145 an awm bawk a ni. PS 79-ah Hmeichhe hlang polling official awmna Dingdi PS hi 8 a awm dawn a. Saiha AC hnuaiah PS 5 leh Palak AC hnuaiah PS 2 te chu webcasted an ni ang. Siaha district a voter tlemna ber PS chu Supha PS a ni a, voter 53 an awm a, voter tamna ber New Colony- III-ah voter 1,111 an awm a ni.
Thawhlehni vek khan Lok Sabha Inthlanpui lo awm tura Siaha District huam chhunga Polling Official tur te tan Training buatsaih a ni bawk.

Hemi hma, tun thla ni 16 khan Addl. CEO, Krishna Mohan Uppu-a hovin Siaha District Election official te chu MP Election lo awm tura Siaha district inpuahchah dan te leh hmalakna tur hmabak la awmte thlirhoin an lo thukhawm tawh bawk a. Hetah hian Addl. CEO chuan, ECI-in Election atan ‘Apps’ hrang hrang a tlangzarh \euh tawh a. Mahse Election official te leh mipuiin an la ngaihsak tawk lovin an la hmang \angkai tawk lo hle a; he mi kawngah hian tanlak lehzual a ngai a ni, a ti.

Tun thla ni 12 zing kar khan district dang te rualin Siaha District-ah pawh National Immunization Day (NID)-2019 hmangin, kum 5 hnuai lam naupangte hnenah Zenghri Danna pek an ni. Siaha district-ah hian Zenghri danna pekna, hmun 89-ah hawn a ni a. Kum 5 chin hnuai lam naupang, polio vaccine la thei 6,564 an awm a ni.
Tun thla ni 11 khan Siaha DAO Conference Hall-ah Agriculture Technology Management Agency (ATMA), Siaha District chuan Skill Training of Rural Youth (STRY) hnuaiah \halai mi 15 te chu Pa Khawi dan a zirtir a. Ni 16 thleng khan an zir a ni.

Ni 8 khan khan Siaha Vaihpi-a District Playground-ah Mara te Kut ropui ber Lyuva Khutla-2019 ropui leh urhsun taka hman a ni.

Lyuva Khutla hmannaah hian Pu A. Zakia, Padma Shri Awardee chu Azipa (Kut Pa) a ni a, Kut Puanzar pawtparhin, Mara Hlasa Py (MHP) Headquarters ten Kut hawnna hla an rem a ni.

Kut Pa Pu A. Zakia chuan Lyuva Khutla hi engtiklai a\anga hman \an nge tih hriat chian ni lo mah se, hmasang pi leh pute khan urhsun takin Lo vah zawh rualin ruai nen hlim takin an lo lawm \hin a, Kristianna a lo luh hnu khan zu leh sa nena an hmang \hin chu Missionary ten remti lovin an lo khap a, mahse khatih chung khan a remchan dan ang angin an lo hmang reng tho a ni, a ti.

MADC-in a huaihawt hnuah erawh Siaha leh Tipa-ah te a ruala hman a lo ni ta a, tuna mi tiamin MADC, Art & Culture Department chuan vawi 16 a lo buatsaih tawh a ni, a ti a. |hangthar ten hetiang hun hi an hlut zual sauh sauh tur a ni a, mahni hnam, \awng leh nihna chu humhalha chhawmnun zel a pawimawh a ni, a ti. Kut lawmna-ah hian Mara Thyutlia Py (MTP)Branch hrang hrangin Hnam Lam chi hrang hrang an entir a, Mara Chano Py (M.CH.P.) Branch 10-in Hnam Incheina an entir bakah zaithiamte’n zaiin mipui an awi reng bawk a. Lyuva Khutla-2019 Chhivaw leh Khydi thlan a ni bawk.


Tun thla ni 8 khan Siaha RD Block chhunga khaw tinah PM-SAMVAD hawnna hun hman a ni a; mipuite Hall-ah kal khawmin Prime Minister Narendra Modi-a’n New Delhi-a thu a sawi lai Big Screen-in Live-in an en a, Hindi thiam ten Prime Minister thusawi hi Mizo tawngin an let nghal zel a ni.

Ni 7 khan Joel Public School, New Colony-ah Labour Employment, Skill Development & Entrepreneurship Department (LESDE) buatsaih Job Mela hawn a ni. Job Mela hawngtu Dy. Labour Commisioner Pu Lalmalsawma chuan hetiang hun \ha Siaha \halaite tana buatsaih a ni chu lawmawm a tih thu a sawi a, Job Mela hi Siaha District-ah vawi khat buatsaihna a ni, a ti.

He Job Mela-ah hian Firm hrang hrang Vocational Training Programme leh Employer Representative 14 ten Stall hawngin Counselling leh Recruitment Drive an nei a. Tlawhtu thalai thahnem tak an awm a ni.

Tun thla ni 5 khan Siaha DC Conference Hall-ah Pradhanmantri Shram Yogi Maandhan Yojna (PM-SYM) – ‘A Pension Scheme for Unorganized Workers’ hawnna programme hlawhtling taka hman a ni.

PM-SYM hi Prime Minister Narendra Modi-a’n Ahmedabad-ah a hawng a, hemi rual hian Siaha-ah pawh hawn ve a ni. He Scheme hi sorkar laipui Ministry of Labour & Employment hnuaia kalpui a ni a, he scheme hnuaiah hian mi tu pawh, kum 18 leh 40 inkar, thla khata Cheng 15,000 la lut pha lo, sawrkar hnathawk lote tan sorkar laipuiin Pension Scheme a siam a a, kum 60 tlin hnuah pension hi a lak theih dawn a ni.

Siaha-ah pawh heng EPF/NPS/ESIC a membership pea nihna nei lo te tan a inzialuh theih a. Inziakluh duhte chuan Aadhar Card leh Savings Bank Account an nei tur a ni a, Siaha khawpui chunga Common Service Centre hrang hrang - INet, New Colony; MS Photo Lab, New Colony; Kathie Enterprise, Siaha Bazar; NISI Enterprise, Siaha Vaihpi; LS Computer, New Siaha leh RISE, New Siaha-ah te inziahluh theih a ni.

Tun thla ni 1 khan Mizoram hmun dangte rualin Siaha District Playground, Siaha Vaihpi-ah Chapchar Kut-2019 hlim taka hman a ni.

Chapchar Kut hmanaah hian Pu A. Zakia, Padma Shri Awardee chu Kut Pa a ni a, DRDA Project Diector Pu T. Vanlalmalsawmsanga chu Kut Thlengtu a ni.

Siaha Chapchar Kut hmannaah hian Siaha District-a School hrang hranga zirlai naupangten Pawnto hmuhnawm tak an entir a, Hnam incheina leh hnam lam hrang hrang, MUP; M.CH.P; LWA; MHIP; MTP; YLA; YMA leh MGF te’n an entir a. Miss Chapchar Kut thlan a ni bawk.

Aw le, chuti zawng chu tukina Siaha District chanchin kan rawn puan chhuah theih chu a ni.

No comments:

Post a Comment

Post Bottom Ad