SORKAR IN TRAINED TEACHER NGEI A LA DAWN
Mizo ţhalaite tan MNF sorkar in hnathar 946 a siam dawn e.
Zirtirtu indaihlohna avanga zirlai naupangin an tawrhnate hre renga Mizoram sorkar, Council of Minister meeting-in zirtirtu 946 lak a remti hi thu lawmawm leh zirna ngaihventu tan chuan hriatreng tlak tur a ni.
Education Department ah hian post ruak 2000 chuangzet alo awm hman reng mai a, sorkar hmasa khan kum 10 chhungin Mizoram zirna hi Worst Class Education ah alo chhuah hman tep a ni.
Sorkar in zirtirtu nghetlo (Muster Roll Teacher) a lak turah hian mi thenkhat ten zirtirtu nghet (Regular Teacher) lakna tur ang maiin thu an vawrhdarh a, hei hi mipui rilru hruaikawina tura tute emaw in Political Ball an pet kual mai mai a ni.
Sorkar in zirtirtu nghetlo (MR Teacher) a lak thar turte hi trained teacher vek an ni dawn.
1. Primary School zirtirtu a lak turte hian pawl 12 an passed bakah Diploma in Elementary Education (D El.Ed) emaw 2 Year Diploma in Special Education an neih a ngai.
2. Middle School zirtirtu a lakturte hi BA/B.Sc/B.Com an nih a ngaih bakah B.Ed/2 year Diploma in Elementary Education/D.El.Ed/B.Sc.Ed/B.A.Ed/ 1-year B.ED (Special Education) an neih a ngai.
3. Zirtirtu nghetlo (MR Teacher) a lak turte hian sorkar ah zirtirtu nghet a luhna chance an lo nei a nih chuan MTET an paltlang leh vek a ngai bawk a ni.
Zirtirtu lakthar turte hi kumin 2019, January thla a sorkar tharin Mizoram a MR hnathawkte hlawh a tihsansak angin MR Skilled-II ah an awm ang a, nikhat ah cheng 520 lawmman an dawng dawn a ni. Tin, kum 1 chhungin sorkar holiday ni 11 chawlh an nei ang a, hemi hun chhung hi chuan chawl mahse nikhat a an hlawh tur an dawng ang.
Mizoram Education tluchhe tawh siamţhat tumin sorkar chuan hma ala chho mek a Chief Minister Pu Zoramthanga leh zirna ngai pawimawhtu School Education Minister Pu Lalchhandama Ralte te enkawlna hnuaih Mizoram zirna in bungthar a kai mek e.
Post a Comment