Mizoram Pradesh Youth Congress Committee (MPYCC)-in GAD hnuai Aviation Wing-a Principal Consultant Pu J.Lalhmingliana laka complaint a thehluh chu Mizoram Lokayukta chuan chhui zui tlakah ngaiin prelimainary inquiry ti turin thutlukna a siam.
A mimal bank account-a sorkar sum tam tham tak dah nia Pu J. Lalhmingliana puh chungchangah hian Mizoram Lokayukta chuan Anti-Corruption Bureau (ACB) chu preliminary ti turin a hriattir a ni.
MPYCC hian Pu J.Lalhmingliana chu sorkar sum dik lo taka enkawlah an puh a, a hna a\anga bang tur leh chhui tura ngenna chu Chief Minister Pu Zoramthanga hnenah thla hmasa ni 26 khan an thehlut a, hemi ni vek hian Mizoram Lokayuta-ah complaint an thehlut bawk a ni.
Mizoram Lokayuta Chairman C.Lalsawta chuan nimin khan order hi a chhuah a, Mizoram Lokayuta Act, 2014 Section 19(1) tlawhchhanin ACB chu a rang thei ang bera chhui tur leh Lokayuta ah report thehlut thuai turin a hriattir a ni. ~AIR Aizawl
Post a Comment