DURTLANG LEITAN BSUP BUILDING CHIM THLALAK HRANG HRANG - TIMES OF MIZORAM

Home Top Ad

Post Top Ad

DURTLANG LEITAN BSUP BUILDING CHIM THLALAK HRANG HRANG

July ni 2 tlai ruah surah khan Durtlang Leitan Ramthar venga BSUP Building (BPL) in block 4, chhungkaw 10 vel luah lai nia hriat chu leiminin a hnawl.


Sorkarin BPL family te luah tura a sak Durtlang Leitan-a Basic Services for Urban Poor Programme (BSUP) complex building Block No 4 chu nizan thimhlima ruahsur hnu khan a chhak lei min in a hnawl a, chanchin buatsaih lai thleng hian mitthi hi pathum tihchian a ni tawh. Chhungkaw engzat chiah nge hemi block-ah hian cheng tih hriat a la ni lova, mi engzatnge tangkhanga, hliam engzatnge awm tih hriattheih a la ni lo.


Chhiatna chanchin hriat a nih rual hian chhanchhuah hna pawh thawh nghal a ni a, mahse building hi a awn nasat avang leh thim hnuaia che an nih avangin a chak thei lo niin an sawi a, thi zat pawh hi an pung thei niin an sawi. Building block pakhat hi chhungkaw 16 chen theihna niin block 2, 3 leh 4 te chu a che vek niin an sawi.



BSUP Housing complex, Durtlang a mi hi National Project Construction Corporation (NPCC) Ltd leh Royal Infra Construction Ltd ten 2009 aṭang khan sak hna ṭanin Rs. vbch 26.23 sen a ni a, a sakchhunga enkawl hna pawh an kuta awm a ni. Helai complex-ah hian building 20 leh Community Hall sak a ni a, building pakhat zel sak nan hian Rs. 64 lakhs ruahman a ni.







Chief Minister-in Chhiat Tawhna Hmun A Tlawh 



MNF President leh Mizoram Chief Minister ni bawk Pu Zoramthanga chuan tukin zing khan BSUP Building chim chu a hmunah kalin hmalak dan turte a enfiah a, Building chimin a delh hliam tuar damdawiin a admit te pawh a tlawh nghal bawk.

Mizoram Chief Minister hi Home Minister Pu Lalchamliana, Education Minister Pu Lalchhandama Ralte,  bakah Minister leh MLA thenkhat ten an tawiawm a ni.

Durtlang Leitan Ramthar venga BSUP Building (BPL)



No comments:

Post a Comment

Post Bottom Ad