MZP chuan RAM CHHAN KAWNG ZAWH neih a tum - TIMES OF MIZORAM

Breaking

Home Top Ad

Post Top Ad

MZP chuan RAM CHHAN KAWNG ZAWH neih a tum

Mizo Zirlai PawlMizo Zirlai Pawl (MZP) chuan tun hnaia Vairengte khawdaia Sipai Cinema hall hlui Assam Forest ten sa tha a office atan an luah chungchangah sorkar an ngenna a hlawhtlin loh avangin, lungawilohna kawngzawh huaihawt turin an inbuatsaih tih an sawi a, Sorkar chu Assam Forest te an chhuah tir lo a nih chuan vawiin ni 17 ral hmaa Bairabi Zophai hmun a Zofate Chawlbuk sa ve ngei turin Mizoram Sorkar chu a phut a, amaherawhchu vawiin thleng a an thil phut ang te Sorkarin a tih hlawhtlin tak loh avangin MZP chuan zirtawpni khian "RAM CHHAN KAWNG ZAWH" neih a tum tih an sawi a ni.


MZP chuan nikuma Zophai Bairabi hmun a MZP te hmalakna avang khan Central Sorkar auh ei a lo ni tawh tih sawiin, Central Sorkar kaihhruaina hnuaiah Mizoram leh Assam te nen meeting neih thin a ni a, Inner Line Reserve Forest Area 509 Sq. Miles chhunga dan lo a awm Building leh huan leh ram te enfiah nise tih a ni a, hmun engamawzat enfiah a ni tawh a, Phaisen area enfiah a nih dawnin an duh dan a in an loh avangin chhunzawm theih a ni ta rih lo a. 


"RAM CHHAN KAWNG ZAWH"


Central Sorkar hotute chuan Mizoram team lam chu an Sorkar hotute nen an ram china an pawm sawifel turin a ti a, hemi a nih avang hian Mizoram leh Assam ramri chungchang a inbiakna chu Mizoram Sorkar kutah a tang ta rih a ni, an ti.

Tun Sorkar thar MNF Ministry ah pawh hian Sorkar thuneitute Chief Minister, Home Minister leh Bairabi Zophai bialtu Minister pawh vawi engemawzat sawipui an ni tawh ni a sawiin, Mizoram-Assam ramri chungchang ngaihtuahtu tur committee sang "Core Committee" pawh din thar leh a ni a, meeting pawh neih tawh niin chanvo te pawh insem a ni a, MZP chu ramri chungchanga document an neih ang te lo la khawm tura tih an nih angin an document lakkhawm te chu ni 16 April khan Core Committee Chairman hnenah thehluh a ni tawh a, an thehluh atangin hmalakna engmah hmuh tur a awm zui ta lo a ni, an ti.

MZP chuan Mizoram ram chin an chan belh zel loh nan leh Pi leh Pute luahchin ram Mizoram chin humhalh a, neih let leh anih ngei theih nan hma an la chhunzawm zel dawn tih an sawi a ni. ~AIR

Post Bottom Ad