MZP & NORTH EAST STUDENTS ORGANIZATION (NESO) Visited College of Veterinary Sciences And Animal Husbandry - TIMES OF MIZORAM

Home Top Ad

Post Top Ad

MZP & NORTH EAST STUDENTS ORGANIZATION (NESO) Visited College of Veterinary Sciences And Animal Husbandry

MZP LEH NORTH EAST STUDENTS ORGANIZATION (NESO) HRUAITU TEN RAGGING AN NGAI MAWH


Vawiin 21st August 2019 khan MZP leh NESO hruaitute chuan an thu dawn bawhzuiin College of Veterinary Sciences And Animal Husbandry, Selesih chhunga Zirlaite zinga Junior leh Senior inthliar hranna (Ragging) awm chungchangah College thuneitute thil awm dan an sawipui.

MZP leh NESO hruaitute hi Prof. Dr. Lalnuntluangi Hmar, Dean, College of Veterinary Sciences And Animal Husbandry leh thuneitu dang ten an lo dawngsawng.

MZP leh NESO hruaitute chuan Mizoram zirna In-ah Junior leh Senior inthliar hranna (Ragging) awm hi an duh loh thu te, tun hnuah thleng nawn tawh lo se an duh thu an hrilh a. Mizoramah hetiang a thlen ngaih loh thu leh inthliar hranna awmtirtu chu tu pawh ni se MZP Hruaitute hian an chungah eng pawh thleng se mawh an phurh loh tur thu an thlen bawk a ni.

Prof. Dr. Lalnuntluangi Hmar, Dean leh College thuneitute chuan hetiang thil thleng hi pawi an tih thu leh tun hnuah a thlen tawh loh nan a hmalak an tum thu zirlai hruaitute hi a lo hrilh.

MZP leh NESO chuan zirlaite zinga Senior leh Junior zinga inthliar hranna (Ragging) lo awm leh ṭhin chu pawi kan ti hle a. Zirlaiten Mizoram chhungah zalen tak leh lungmuang takin lehkha zir se tih hi kan duh dan a ni a, Zirlaite zinga Junior leh Senior inthliar hranna (Ragging) hi Mizoram chhungah thleng nawn tawh lo se kan duh hle a, a thleng nawn leh a nih chuan a ṭul angin MZP leh NESO chuan hma a la nghal zel dawn a ni.

(H. LALTHIANGHLIMA)
Asst. General Secretary

No comments:

Post a Comment

Post Bottom Ad