PI HMINGTHANI (MAMI) THlH THUAH SUANGPUILAWN LEH KHAW ṬHENAWM MIPUI TEN KAWNG ZAWH

Ni 3 August, 2019 zing lam dar 3:00 vela Suangpuilawn khua Pi Hmingthanzuali thattu nia inpuang Laldinpuia (25) S/o Rohlua Suangpuilawn, Dawr Veng chu Darlawn Police Station-a a inpuan na boruak chuan Suangpuilawn khua mai nill lo a khaw tlangdung mipui a ti ralṭi in ati thinur hle.


Thudawn danin Laldinpuia inpuan ni, Ni 6/8/2019 zan khan mipui thinrim in Laldinpuia chenna ln chu suasamin an tawng chiam a, IR Leh Police te chu an awm naa ṭhelh a beng daih hrasa khawpin an thinrim zia an ti lang a, Laldinpuia hian ruih vanga khawtlang ah buaina siam a ching hle niin an sawi bawk. Dinpuia te ln chu mipui in an suasama an beih vangin a chhungte chu an ln ah awm ngam loin pawn lamah an lo chhuak a, mipui thinrim chuan chil mai tumin an in nek buai nghal a, VC leh hruaitu engemawzat in ban an phar vangin mipui kut tuar lovin hmun dang an panpui thei hram a, Dinpuia chhungte awmna hi khawtlang mipui hriata thup rih a ni.

MHIP leh khawtlang hruaitu, Pawl hrang hrang hruaitute an ṭhukhawm nghal a, ni 8/8/2019 (vawiin)hian Tualthah duhlohna kawngzawhna khawtlang mipui huapin neih nise tiin an rel a, an rel angin, Vawiin khan Suangpuilawn khawchhung ah kawngzawh a ni a, Laldinpuia hi Suangpuilawn khua a awm tawh lo tura an duh thu leh a thil tih sual phutawk hremna pek ngei an phut thu uar tak leh lungrual takin an au rual a, he kawngzawh na ah hian, Suangpuilawn tlangdung khua te, Zawngin, Lamherh, Vanbawng, N Khawlek khawtlang hruaitu leh MHIP hruaitu leh member engemawzat chu tel ve in an ṭawiawm a, pungkhawm mipui kawngzawh an tam hle a ni.

Pi Hmingthani hi mahni a awm nilovin chhungkua hmeichhia 4 khawsa an ni a, an nau mipa IR (sipai) an nei a, khawdangah nupui fanau neiin an awm a, Pi Mamin accident a tawh zan hian a pi leh a unau pakhat chu Aizawlah an awm lai a ni a, hemi zan hian a nau Mathiangi nen an awm lai a ni a, Pi Mami hi beng hriatna chak tawk lo leh zaidam leh fel taka sawi a ni bawk.

-Reporter: Zova Fanai, WA

Post a Comment

Powered by Blogger.