PUM ZAI HAWNTunhnai khan Lungsum Tlangval pakhat chu Aizawl Civil Hospital-ah a pumpui pawp avanga zai a ni a, a pum an zaina chu hmun li chauha thui a nih thute, Doctor-in "i dam chhuak dawn chuang lo" a tih avanga damlo chhungte rilru a nat thu te Social Medi-ah a darh chiam mai. Mi tam takin Doctor te an dem thu leh pum zai hawn hmun-4 chauha thui a ni chu mak leh rapthlak an tih thu hmuh tur a tam hle.

He ti taka thil duh awm lo thleng ni a lang chanchin darhta chu tiin nimin khan ZONET NEWS chuan kan theih ang angin kan chhui zui ta a. Civil Hospital, Aizawl atanga Dam lo in sawnna ni a sawi Synod Hospital, Durtlang chu zing karah kan panta a, Male Surgical Ward, Bed no4 ah Lungsum Tlangval chu a lo awm ngei a, a lo chau viau mai. A nuin a lo awmpui a, thuthar thehdarhtu kan nih thu leh an chanchin ngaihvena kal kan ni thute kan inhrilhfiah hnuah chanchin kan inzawt zui nghal a. Dam lo hi Tlangval kum 18 mi a nih thute August ni 23-ah a pum a nat thut avanga Lungsum atanga Sakawrdai Damdawi In-a an inentir thute, a dam mai theih loh avanga August ni 29-a Aizawl lo chhukta vut vut an nih thu te, Aizawl Civil Hospital a zai nghal a nih thu min hrilh ta a ni.

Kei ni chuan Social Media-a darh Doctor thu sawi ni a an sawi "i dam chhuak dawn chhuang lova" tih tawngkam chu Doctor te'n an sawi reng em kan tih chuan Dam lo nu chuan chutiang thu tak chu Doctor-in an sawi loh thu sawiin chutiang thu a darh mai chu a mah pawn mak a tih thu a sawiin amaherawh chu Doctor ni lo pakhat chuan "he tiang hi chu dam chhuah a har deuha, phai lamah in kal a ngaih hmel" erawh a tih thu sawiin a fapa chuan hriat hrehawm a tih thu a sawi. A fapa an zai tuk a Doctor Ward round hnenah a hma zana a fapa sahal puana an inzap zankhua zak chungchang doctor hnena thil thlen dan tur a nih leh nih loh a zawh chuan Doctor chuan "Tih tur dang eng mah i neih loh kha, lo zap nileng zankhua zak la a ni mai" a tih thu sawiin, a rilru pawh a nat hle thu a sawi. An zaina hnu hma chungchang pawh hmun li chauha thui a nih thu leh a chanchin Doctor-te a zawh chuan ngawi mai mai tura an tih thu a sawi bawk.

Pumpui pawp zai hawn hmun 4 chauhah an thui thin em tih chu keini tana zawhna lian tak pakhat a ni a, mi zai thin Doctor senior Surgeion kan hmel hriat te chu pumpui zai hawn hmun 4 chauha thui chu tih ngai a ni em tih kan zawt ta a. Doctor Senior te chuan Pumpui pawp zai reng reng chu an puumpui pawp a reiaa, a nasat tawh chuan, dam chhuahpui har tak a nih thu te, zai a nihin an thu phui nghal ngawt ngainloh thu sawiin an pum chhungah leh pawn lamah natna tam tak insiam chhuak thei a la nih avangin hun eng e maw chhung chu thui phui lova an enkawl hnuah an thui phui chauh thin thu sawiin, hmun 2/3/4 vel chauha thui chu tih dan phung reng a nih thu an sawi a ni.

Kan thil chhu zui atang a lang nghal mai te chu :
1. Thu chiang hre lo a Social media a thu dik tawk lo theh darhtu an awm.
2. Doctor leh Damdawi In a thawk te hian Dam lo an enkawlna kawngah tawngkam an fimkhur a ngai hle.
3. Doctor ten Damlo e maw, damlo chhungte chu an hriat awm chin Damlo chungchang tha taka an hrilhve thin a tul. (Phai lama Doctor te hian hei hi chu an tlin khawp)

K. Lalhruaitluanga
ZONET

Post a Comment

Powered by Blogger.