THINGSULTHLIAH RAMAH MIHRING LURUH CHHAR KHA TUNGE ANI TIH HRIATCHHUAH ANITA - TIMES OF MIZORAM

Home Top Ad

Post Top Ad

THINGSULTHLIAH RAMAH MIHRING LURUH CHHAR KHA TUNGE ANI TIH HRIATCHHUAH ANITA

THU THAR Ni 24 July 2019 (Wed) a Thingsulthliah ram, hall liam Pu Lalromawia (L) huan mawnga Luruh hmuh chu, Dt.13.3.2017 a a chin hriat loh a bo ta Joshua Hmangaihliana S/o H. Dari Thingsulthliah Camp Area a nih rinna neih a nih avangin Police te punin, Forensic Expert te endik tura dah a ni a.



A nu DNA leh a unaute DNA lak a nih hnuah Forensic Expert ten uluk taka an endik hnuah Dt.27.9.2019 (Fri) hian Police lam aṭangin Joshua Hmangaihliana ngei a ni tih finfiah anih thu dawn a ni a.

VC leh YMA Joint Committee chuan ngun taka ngaihtuahin, arel zui nghal a, a luruh hi Aizawl aṭangin a chhungten an rawn chhohpui dawn tho avang leh vuina hun buatsaih a chhungten an duh ang ngei in vuina hun buatsaih nise, Vui hun atan Dt.27.9.2019 (Fri) chawhnu dar 1:00pm nise tih a ni.

Thlan laih hi a awmna branch Camp Area ten lo kutken se, tiin Joint Committee chuan an rel a ni. ‎Opeey-a Khiangte

25th July, 2019 (MSR): 24th July, 2019 khan Pu K. Lalremliana Thingsulthliah khaw pa chuan rawtuai khawrh tumin Pu Lalromawia (L) huan mawng, Saibual lui kamah ram a kal a, mihring luruh ro hi a hmu ta a ni.

Mahni chauha ram kal a nih avangin Pu K. Lalremliana chuan nuam a ti vak lova, rei pawh awm lovin, khaw lam panin a hawng ta nghal a. In a thlenin khawtlang hruaitute a hrilh a. Nimin chawhnu lam khan khawtlang hruaitute; VC leh YMA hruaitute chuan luruh hmuhna hmun hi an zuk kal ta nghal a ni.

Luruh awmna lai leh a bul vel hi uluk takin an enkual vek a. Luruh hlui tawh tak bak, ruh dang leh thildang engmah hmuh an nei lo. Luruh hi puana tuamin khaw lamah an hawn a. Bawngkawn Police station hriattir niin, an ni hian nizan dar 6:50 vel khan mihring lu ruh hi forensic expert te endik turin an la ta a ni.



Nikum hmasa lamah khan Thingsulthliah tlangval Jessy-a chu chin hriat lohin a lo bo tawh a. Khawtlangin ni 7 chhung an zawn hnuah hmuh a nih tak loh avangin bo zawn tawp san a ni. Jessy te hi Senvawn lam atanga Thingsulthliaha rawn pem an nih avangin an khaw hlui lam thlengin ngaihven a ni a, vawiin thlengin chin hriat lohin a bo ta a ni. Jessy-a hi a nu chuan a thih a ring thei lova, vawiin thleng hian a rawn hawn leh mai beiseina a nei thin niin Thingsulthliah Diakkawn Branch YMA Secretary Pu C Lalngilneia chuan min hrilh a ni.

Taksa bung dang ruh ro engmah hmuh ni si lova luruh hlui tawh tak hmuh a ni chu Bawngkawn Police lam ten chhui chian lehzual tumin vawiin khan Luruh ro chharna hmun hi uluk takin an dap leh a, ruh ro emaw thlidang engmah hmuh belah an nei lo niin thudawnna chuan a sawi bawk.

He luruh roah hian ha 5 vel a lo la awm a, DNA te la-a endik turin Kolkata lamah thawn tura ruahman a ni.

Ruhro hi a landan atang ringawt chuan kum 4/5 vel kal tawh a mi nia a lan thu Police te chuan an sawi niin thudawnna chuan a sawi bawk. @VNT

No comments:

Post a Comment

Post Bottom Ad