NUNNA SUATTU : SEPTICAEMIA - TIMES OF MIZORAM

Home Top Ad

Post Top Ad

NUNNA SUATTU : SEPTICAEMIA

Mi tam tak thihchhan-a puan fo Septicemia hi han bihchiang teh ang.

Nausen mai bakah puitling zingah pawh nei an thahnem viau a.

SEPTICAEMIA CHU ENGNGE NI LE?

Septicaemia awmzia chu natna hrik (Micro-organisms) leh an tur (Toxins ) thisena an tai darh (Spread ) sawina a ni a. A awmzia pawh' thisen septic' tihna emaw 'thisen a tur awm' (blood poisoning) ni mai.

ENGNGE A CHHAN?
May lalbiaknungiSepticaemia hi kan taksa khawilai pawha natna 'infection' avangin a lo awm thei. Vun natna (skin infection ) te, Zun kawng pan (urinary tract infection) te, Chuap lam natna (pneumonia) te, Ngal nget (osteomyelytis)te leh thluak a khawsik lut (meningitis) te hi a tai darh vak thei vek a, chu chuan septicaemia chu a thlen mai thin a ni.

Khing infection te khi a tirah chuan kan taksa peng khatah chauh awm bing (localised) in, enkawlna tha tak pek anih chuan a dam mai thin a. Mahse, kan taksaa natna dotu lam (immunity) in a hneh zawh loh emaw, damdawiin a hneh zawh loh chuan, natna hrik leh a tur chu thisen zamah lutin, kan taksa peng hrang hrangah natna (infection) chu a tai darh ta chiam a, chu chu septicaemia kan tih chu a lo ni ta a ni.

A LO CHHUAH DAN
A tirah chuan khawsik, tlun leh marphu rang a awm thin a, atira natna, a intanna (Local site of infection) a zirin a lan dan a danglam thei.

Entirnan : Pneumonia a nih chuan khuh, thawk kalh an nei tel a, kal na an nih chuan an nak bawra na tel a, vun pan atanga in tan a nih chuan pan, khawihli etc. an nei thin. A natna a lo zual zel chuan thisen a hniam (BP hniam) a, thlan chhia in a bual a, vuna sen thit thet (rash) an nei tel a, a nasat deuh phei chuan nikhaw hriatlohna (unconscious-ness) thlengin a awm thei thin.

ENG NGE A ENKAWL DAN?
A chunga tarlan ang hian, a tirah septicaemia vanga khawsik tih a hriat kher loh thei. Chuvangin, eng vanga khawsik pawh inentir hma a tha hle a ni. Septicaemia tih hriat a nih tawh chuan damdawi ina enkawl ngei a tha ber.
Thisen exam, X-RAY leh investigations tih hian, a tum ber thinte chu :

1. A chhan hmuhchhuah-damlo tam tak (septicaemia shock ) chu hospital-a an rawn luh hian a chhan hriat nghal mai loh chang a tam....
2. Taksa peng (organs) hrang hrang a khawih chhiat leh chhiat loh en chian......
3. A natna kal zel (progress) chhui (monitor) nan a damdawi chu a natna hrik a zirin thlan a ni tlangpui.

Tin, antiboitic chauh lo pawh, drip te leh damdawi dang dang pawh hman a ngai thin. A tira natna hrik leh infection lo taidarhna hmun hriat hma hian antibiotic te hi a tha tura ngaih rin thua pek tan a ni tlangpui a, a hnua report kimchangte a chhuah hnuah, a tul chuan thlak leh thin a ni.

Hriat tur chu report pawimawh eg: Calture etc. chhuah nan darkar 48-72 a duh tlangpui.

ENG NGE A INVEN DAN?

Septicaemia hi ho te a ven theih mai a ni a, hetiangin :
1. Natna ( infection ) ngaih pawimawh a, enkawl / entir hma.
2. Mahni taksa duat :- Exercise lak that, zuk leh hmuam tih loh, Ruihtheih thil laka fihlim.

TU TE NGE SEPTICAEMIA NEI AWLSAM ( PRONE )?

1. Diabetis (Zunthlum)
2. Immune suppressed (Eg: AIDS) etc.
3. Ei tha lo / under nutrition (retheih vang, nachang hriat loh vang) etc.
4. ZU / DRUGS tih nasat.
5. Mei zu rei leh zu hnem.
6. Thingtlang, inenkawlna (medical facilities) that lohna hmun.
7. Mahni ngaihdana inenkawl.
8. Daktawr lem thua lo inenkawl ve vak ching.
Khing atang khian "SEPTICAEMIA " hi tlang hrileng a ni o tih leh khawsik zawng zawng an septicaemia vek kher lo tih kanhre thei ang.

Thu lakna : Dr. H. Lalrinmawia

No comments:

Post a Comment

Post Bottom Ad