Contact Form

Name

Email *

Message *

Iklan

KAWHTEBÊL THATNA

ToMZ
21 Dec 2019, Saturday, December 21, 2019 IST
A KAMKEUNA
Han fiamthu hmasa zuai ila. A hming atang rêng hian ngai kawi duh tan chuan ngaih kawih theih tak a ni. Chawhmeh zuar nu pakhat hian a thenawmpa hnenah-"Kawhte bêl i lei ve duh em?" tiin a zawrh a. Ani chuan nui duh miah silovin-"Kawhte belte zawrh zawrh a ngai em ni, nangmah kha kawhte bêl chu i ni mai lawm ni!" a lo ti a; an inhauh phah titih nghe nghe.

Kawhtebêl hming an lam ka hriat tirh hian ka rilruin zahmawh sawi an va ching ve ka ti rilru a. Mahse, a tak takin a lo awm reng si a. A tui phian lehnghal a, tun thlengin ka chawhmeh ngainat zawng tak a ni ta hial mai!

Kawhtebêl hi sapho chuan 'Snowflake aralia' an ti a. Hindi chuan 'Himpat' an ti ve thung. A hming chu eng pawh va ni fahmiang, a tuina leh a thatna a dang chuang lo. Chuvangin, enge a thatna tlem i han bih chiang teh ang.

A THATNA
Kawhtebêl hi a then chuan an ei tha duh lo. Tui ti lo tan chuan ei luih pawh har tak niin a lang, inturluih vak chi pawh a ni lo. A duh tan erawh sã ang tluk hial a ni thung. A thatna lam ngaihtuah chuan ei luih hram hram a pawimawh hle. Asia khawmualpuiah an ei nasa hle. A thatnna hrang hrangte chu:-

CHAKNA:
Magnesium leh manganese a awm avangin a zung, a rah, a pil leh a hnahte hi min tichaktu atan a tha hle. Hotel & Restaurant changkãngahte chuan a hnah hmangin soup leh salad-te an siam thin.

TŪR THATTU
A hnah hel emaw chhum tui hi thil eisual avanga thak leh bawl damdawi atan a tha hlea ngaih a ni. Chuvangin, kawhte bêl rah ringawt hi ei tur a ni lo. A vai hian Antitoxin tha tak a ni.

BP SÃNG TAN
Kawhtebēlah hian magnesium & potassium a tam avangin thisen kal vel a siam tha a, chuvangin, thisem sang nei tan ei fo thin a tha hle.

PUMNA DAMDAWI
Kawhtebēlah hian fiber leh antioxidant a awm that avangin natna hrik tam tak dolettu a tichak a, chaw pai tawih a tinuam a, pum nuam lo awm thei lakah mi a veng tha a, chawhmeha hman hian pumna tur a veng nghal thei..


ZUNTHLUM TAN
Kawhtebēl hi zunthlum tan a tha hle. magnesium a pai tam a, glycemic index a hniam bawk a,bhei hian insulin a pui tha a, chuvangin, zunthlum nei tan ei fo a tha

NATNA DOTU
Kawhtebēlah hian beta-carotene a awm tha a, hei hian vitamin 'A' a siam tha a chu chuan natna dolettu immune system a thuam chak a, hrilēng laka min venghimtu tangkai a ni.

A TLANGKAWMNA
Kawhtebêl hi hi chihrang hrang a awm . A rah tē, a lian chi leh sãwl, a tui chi leh tui lo chi thlengin a awm a, phuihnamte nen a that dan inang khata ngaih a ni.
A zung/bul/pãr/rah/pil mai ni lovin a hnah hi a tangkai êm êm a, pemtharahte an hnawih a, nachhawkna damdawi atan pawh tha hlea ngaih a ni. A chhan chu a hnahah hian heng fiber, fatty acids. protein, minerals, antioxidants ,polyphenols, antioxidants-te hi a awm avangin chawhmeh atan chauh hmang lovin soup, salad leh bai, pawhin ei thin ila damdawi a ni nghal zel tihna a ni e.

-Dr. C. Lalrampana
Visitor's Voice

Click to Comment

No comments:

Mizo Nula Khal

+