DELHI CM ARVIND KEJRIWAL HNENAH BIBLE

ToMZ
13 Feb 2020, Thursday, February 13, 2020 IST
Tun a Delhi inthlan a AAP) hneh taka an chak tak ah leh campaign laia Arvind Kejriwal an Isua hming te a lam rik tak fo avang nge ni, Kum 3 kal ta a thil thleng sawi thar leh a ni a, thu dik tawk lo deuh te a awm avangin kan han sawi fiah law law ang e.

Delhi CM Bible pe tute kha Pi Mary, Dinthar veng leh Nl. Marilyn (Mae Mae-i), Tuikual veng te an ni a, Breakthrough Believers Ministries a rawngbawltu te an ni. An pek hun hi 27 July, 2017 a ni e.

Pi Mary hian Pathian in Delhi CM Bible pe tura a tirhna aw chu a hria a, hun rei tak a tih ngam loh hnuah a kalpui turin Nl. Marilyn hi Lalpan a pe tih a hrilh hnuah an pahnih chuan Delhi panin Bible pe turin an kal ta a ni. Aizawl atanga appointment tifel saa kal tum mah nise an tihfel theih loh avangin Rinna in an kal chhuk tawp a.

Delhi CM chenna ah va kal ve tawp in rin loh takin an va hmu thei ta mai a. Bible leh thilpek dang an pek hnuah tawngtaisakna hman an tum chuan CM zawk chuan hun thawl zawk in duh chuan ka living room ah minlo nghak ru a ti a.
Tichuan interview zawh ah a living room anlo nghah naah chuan CM chu lo kal in chanchintha hrilhna hun leh tawngtai sakna hun tha tak an hmang thei a, lawm takin an haw a ni. CM hian Bible hi ka lo chhiar ngei ngei ang tiin a sawi bawk a ni.

Hindi Bible leh NKJV version pek a ni bawk e. Midang lo lang ve hi Delhi atanga anmahni lo tawiawm ve tute an ni.

Bible petute tawngkam ngei a ni e he thu ziak hi. Anni phei chuan sawi tur testimony an ngah khawp mai. Mizo te hi thil chianglo a sawi mai thin kan nih avangin thu chiang zawk sawi law law a tul a ka hriat avang in a tawi thei ang ber in he thu hi ka ziak a ni e.

A pe tute phei hi chuan hetia tih lar vak hi an pekna rilru a ni lo a, Pathian ropui nan chauh a tih tur a pek thu awih taka tih mai kha a ni.

Source: Robert Halliday
YMA Telegram Group. 12/2/2020
Visitor's Voice

Click to Comment

No comments:

Mizo Nula Khal

+