MOTOR ACCIDENT CLAIMS TRIBUNAL (M.A.C.T.)

- Lalthanmawii
Advocate


Motor accident avanga thihna hial tuartu leh hliampui tuarte, ramtuilei lova awm phah hialte hian an chanvo tur dik tak Dan in a phal anga an hmuh theihna tur leh hetianga vanduaina tawkte tan hian an harsatna thlenna tura he MACT hi din a ni.

Accident avanga mi an lo thihin emaw hliam an lo tawrh emaw chuan compensation claim theih a ni. Compensation pek dan tlangpui chu hetiang hi a ni. Kum 1 chhunga a pawisa lakluh zat leh accident a thi ta kum zat chhuah in pek a ni a.

Motor neitu khan a motor kha a accident palh a harsatna a tawh loh nan insure ngei a tha. Insure loh a nih chuan a neitu khan hliam leh thita chhungte kha pawisa a pek a ngai thung a ni.

Motor hi chi hrang hrang a awm a, chung motor te chu bungrua phur chi leh passenger phur chi te hi kan hriatlar deuh chu a ni mai a. Mipuite chu he passenger motor ah hian chuang ngei sela a tha. Bungraw phur chi motor a an chuan hi dan phal loh a nih avangin accident pawh lo tawk palh sela compensation claim chungchangah Rs. 50,000/- aia tam a pek theih loh.

Accident claim dawn chuan heng documents te hi a pawimawh. Hliam ah chuan heng documents: –

1. Medical Report
2. Cash Memos
3. Birth Certificate
4. Income Certificate
5. FIR/Police Report
6. Motor documents leh insurance policy
7. Driving Licence

Tin, thi a nih chuan hengte hi thil tel a ngai bawk.

1. Post Mortem Examination Report
2. Inquest Report
3. Death Certificate
4. Birth Certificate
5. Income Certificate
6. FIR leh Police Report
7. Heirship Certificate
8. Driving Licence
9. Motor documents leh insurance policy.

Post a comment

Powered by Blogger.