“a suangtuahna leh a hlimna zawng zawngte l. rentHleI chu a hmangaih chuan a tichhiatsak ta vek a..”

Tun hnaia Music Travel Love in mawi tak mai a an sak ‘You are My Sunshine’ tih November 13, 2019 a You Tube a an dah hi kan ngaithla fur tawhin a rinawm a. He thuziah lai hian 6.9M thlirtu nei a ni tawh a. He lengzem hla hi hla thluk mawi tak mai leh lungkuai tak, Saptawng thu harsa lo tak mai a ni tih kan hre awm e. 

He hla ‘You are My Sunshine’ hla mawi tak mai phuahtu hi sawi dan pali a awm a. A hmasa berah chuan kum 1937 ah Paul Rice-a phuah niin sawi a awm a, tichuan Jammie Davis leh Charles Mitchell henah kum 1940 ah khan a neitu a nihna a hralh a. Chumi hnuah chuan Mitchell hian Davis a hnenah a neitu pumhlum nihna hi a hralh chhawng leh niin an sawi a. Sawidan pakhat lehah chuan kum zabi sawmhnihna tir ah khan Jimmie Davis phuah niin sawi a awm bawk a, mahse hei hi chiang taka fianfiahna a awm lo thung. 

Sawi dan pakhat lehah chuan South Carolina Nula zaithiam pakhat phuah niin he hla sa hmasa bertu Pine Ridge Boys te hnenah a pe niin sawi a awm bawk a. Hei hi chiang taka finfiahna awm lo mahse he hla mawi tak mai mipui hriata sa hmasa bertu an nih avang hian awih loh ngawt theih pawh a ni bik chuang lo. Sawi dan dang lehah chuan kum 1933 a Oliver Hood phuah niin Prof. Toru Mitsuizi, Kanazawa University a mi chuan a sawi ve thung a. Mahse hei pawh hi chiang taka finfiahna erawh a awm chuang lo. 


Heti teh nuaih hian he hla mawi tak mai phuahtu hi chiang lo mahse Jammie Davis phuah ni a ngai hi khawvelah an tam ber a. Jammie Davis hi Country Singer lar leh hla phuah thiam niin kum 1889, September ni 11 a piangin November 5, kum 2000 khan a boral tawh a. Kum 1944- 1948 leh kum 1960-1964 ah Jimmie Davies hi Louisiana ah Governor niin he hla mawi tak mai hi Governor nitur a a campaign lai pawhin a sa na thei em em a; a sakawr ‘Sunshine’ ti a koh chunga chuangin campaign pahin a sa thin a ni. 

He hla mawi tak mai hi August ni 22, kum 1939 ah khan tichhuah a ni a. ‘Louisiana state song’an tih hial khawp a lar niin zaithiam hrang hrangin an sa tawhin vawiin thleng a hla mawi leh ngaithlak hlawh a la ni phak a. Indpopui II hma lama tihchhuah tawh ni mahse vawiin thleng hian \halaite leh kum upa te pawhin an hla ngaithlak tam ber pawl niin kum 1999 khan Grammy Hall of Fame Award a dawng hial reng a ni. He hlaa kan hmuh ang hian tuemaw chuan tuemaw chu a hmangaih em em a; a tan Ni eng mawi tak mai a ni a. A mumang lamah te pawh a hmu cham chi a, ani chu atan chuan engkima engkim a ni tawp mai a; Thupuan bu a mi ang deuh khan Alpha leh Omega a nih ber chu! 

Chutiang chuan a nun tihlimtu, beiseina leh engkim petu a ni a; a hmangaihna thuk zia chu a hrethiam pha kher lo a nih pawhin – a tana ni eng mawi tak ang maia a nunna hnar a nihna chu tichhe ngailo leh la bo ngai lo turin a chah mawlh mawlh mai a ni. Hmangaih reng a duh a, khawvel tawp thleng pawhin an pahnih chuan awm dun a duh a. Chuti kau a ka hmangaih chung che a min kalsan a nih chuan - i inchhir ngei ngei dawn tih hi ka hrilh a che – ti ngam ngat khawpin a hmangaih tan hian a chiang a ni. 


Chuti taka hmangaihtu chu ani pawhin chuan a hmangaih thu chu chiang takin a hrilh a; an inkarah eng thildang mah a len loh thu te pawh an hrechiang hle. Mahse….eng vang nge ka hre lo- chuti tak hmangaihtu chu kalsanin midang hmangaih a neih san a. A suangtuahna leh a hlimna zawng zawngte chu a hmangaih chuan a tichhiatsak ta vek a…. A bak chu he hla thu leh thluk mawi tak ngaithla chung leh i hmangaih berin i thinlung a tihkehsawm vek tawh natzia hre reng chungin lo suangtuah zawm ve tawh mai rawh. 

You are my sunshine 
You are my sunshine, my only sunshine 
You make me happy when skies are grey 
You’ll never know dear, how much i love you 
Please don’t take my sunshine away 

The other night dear, as I lay sleeping 
I dreamed i held you in my arms 
When i awoke, dear, i was mistaken 
And i hung my head and cried 

I’ll always love you and make you happy 
If you will only say the same 
But if you leave me to love another 
You’ll regret it all some day 

You told me once dear, you really loved me 
And no one else dear, could come between 
But now you’ve left me and love another 
You have shattered all my dreams

Post a comment

Powered by Blogger.