R. Lalsangzeli Bangalore Fashion Week-a inlan turin thlang - TIMES OF MIZORAM

Breaking

Home Top Ad

Post Top Ad

R. Lalsangzeli Bangalore Fashion Week-a inlan turin thlang

Bangalore Fashion Week 2020
Bangalore-a awm fashion designer Mami Khawlhring chuan Miss Mizoram 2020 contestant zinga pakhat chu Bangalore Fashion Week-a ramp a walk thei tura hmalak a tum thu a lo sawi tawh angin Miss Mizoram 2020 top 12 finalist, leh Miss Photogenic sub-title dawngtu Miss Mizoram Lunglei R. Lalsangzeli a thlang fel ta.

Mami Khawlhring-in model atana a thlan hi Miss Mizoram grand finale-ah puan hman a ni lo a, nizan hmasa khan Miss Mizoram 2020 organiser bakah fashion designer leh make up artist te inhmuhkhawmnaah Sangzeli thlan a nih thu hi an puang ta a ni.



Mami Khawlhring chuan Bengalore Fashion Week-a ramp-a a walk mai bakah modeling khawvela thuk zawka inhnim lut tura a theih ang ang a puih chhunzawm a tum niin a sawi a, "Bangalore Fashion Week hi chu a rahbi hmasa tur a ni a, theih tawpin modeling lama lut thuak lehzual thei turin kawng ka zawnpui ang a, mahse, chutih rualin ama tumna leh inpekna te pawh a ngai ve ang," a ti.

R. Lalsangzeli hi Mizo nula zinga hleitling ber pawl niin, Miss Mizoram 2020-a a official measurement-ah chuan feet 5 leh inches 11.5 a sang a ni a, Miss Mizoram measurement-ah hian international standard hman a ni.

Hetihrual hian Delhi-a awm meodeling agency Kay Savino Yhome-in contract ziahpui tura an thlan C. Lalhmangaihzuali leh Sylvia Lalvenpuii pawh tuna coronavirus hri lengin ziaawm lam a pan deuh hunah Delhi kal turin an intifel tawh bawk a ni. #MJA

No comments:

Post a Comment

Post Bottom Ad