Pu Lalpianvula (kum 65 mî), Zawlnuam Bawrai venga khawsa, Covid-19 hri léng vànga ram ri vénga a duty, May 15, 2020 khan chawchhùn ei tura in lam pana a haw chu che sual palhin, an chuanna motor, Bolero Pik-Up aṭangin a tla palh a. Zawlnuam PHC panpui nghâl ni mah se, a chêt sualnaah hian a lú a sawh nat deuh êm avàngin Aizawl lama enkawl tura a zan a zana thawn chhoh nghâl a ni.
Aizawl an thlen hian theih ang anga kháwl hmanga lo endik nghâl a ni a. Civil Hospital Casualty Duty ten țha taka lo dawngsawng in a áwm leh pum x-ray result a ṭha a, CT Scan result-a a lan danin a lú-ah thi a tling tih hmuh chhuah a ni. A lú-a thi tlinna hi a thûk deuh avangin zai ngam a ni lo a, damdawi hmanga enkawl mek a ni.
Hma a sawn chho ve deuh nia a lan laiin, nizan hmasa lam aṭang khan a hnung tawlh leh deuh a. Mit meng ă ruai , eng mah hre mumal loin a awm mek.
"Kum upa duty," kan lo ti mai thei a. Thingtlang pa, hna thawk ṭhang chu kum 65 mi pawh an la chak ṭha viau. Ani hi zan riaka duty ni loin, duty-a ṭhalai an bo duak avangin duty-te châwchhùn ilo fahran te lo buaipuiin theih ang angin an lo ṭang vè a ni.
Anmahni hi chhungkaw harsa ve tak an ni bawk nen, ṭawngṭaipui tura sàwm pahin, theih ang anga kan thei te kan awm mial tâkin tiin chanchin ka’n rawn sawi ve tawp mai a ni.
Pu Vula hi Presbyterian Kohhran, Bawrai-a Kohhran Upa a ni a, Aizawl Civil Hospital, Geriatrics Ward-ah enkawl mék a ni.
Contributor: Joseph Jongte
Post a Comment