Sunna hla phuahtu chanchin leh phuah dan

Jan 6,1739 ah Bradford ah mi naran Chhungkua atangin a piang,kum 12 a nihin nu leh pa thihsan fahrah ani, kum 13 anihin Londonah puanthui zirin kum 6 a awm, Thuhriltu George Whitefield hnen atanga piangthar a ni.

Kum 1765 ah Winsgate Kohhran,York's ah Pastor atan nemngheh niin chumi hmunah chuan Pound 5 a hlawh, kum 1772 ah Kohhran lian Carters Lane chuan Pastor Dr J Gill a thlaktu atan an sawm, an sawmna pawmin Kohhran changtlung zawk, hlawh pawh tam zawkna tur hmun a kal turin a inbuatsaih.

Thlahna inkhawm an nei,a rawngbawlna tur hmun thar tur lam pan chuan an inbuatsaih, engkim peih fel niin kal mai thei tur an ni tawh, chutih lai chuan khaw mipuite an pungkhawm, an Pastor, London biak in ropui tak maia rawngbawl tura chhim lam a a pemsan tur chu mipui mawl ve te te chuan an ui, inthlahna chibai inbukin khaw mipuite mittui a tla, a then an tap. Chutiang taka anmahni ngainatu an awm ani tih a hriat chuan a thinlung a hneh, kalsan lovin chuta awm chhunzawm leh tur chuan thutlukna a siam zui leh ta a.


He ti tak maia Winsgate khaw mipuiten an ngainat leh thlakhlelh em avang chuan hla a phuah ta a, a hla hmingah pawh "Unau inhmangaihna" (brotherly love) tiin a phuah nghe nghe.

Inthlahna lam hla ai mahin a phuah dan rilru atang chuan In unauna leh Kristian inpawlna hla ani mah zawk

Tichuan a thawh mekna Winsgate Kohhran atanga insawn ta lo chuan Pathianni hmasa berah Luka 12:15 thu hmanga sermon in he a hla phuah hi a chhiar chhuak nghe nghe.

Kum 1777 ah Biak in ropui tak an sa,school pawh din tel nghalin kum 1793 ah Bristol Baptist Academy Principal turin sawm leh ani. A Kohhran enkawl te avang bawkin a hnar leh, kum 1811 ah USA atangin doctor of divinity degree hlan in July 25, 1817 ah he Pastor ropui tak hi chatuan chawlhna ramah a lo kal ve ta ani

Hmangaihna hruiHmangaihna hrui vuanin
Thinlung hmun khat puin
Kristian kan lo insuihkhawm hi
Van lam tih dan ani

Kan Pa thutphah hmaah
Lungruala kan inkhawm
Kan tum, kan beisei a luang za
Lawmin kan lo khat hlawm

Lungngaihna kan intawm
Rit phurh inchhawk tawnin
Chutin Lalpa dan kan lo zawm
Thlarau malsawm changin

Kan lo inthen darh hian
Thinlung zawng a na ngei
Mahse kan tum van nuamah khian
Intawh leh kan beisei

Rev John Fawcett
Rev Rohmingliana

{Hla phuah thiam Baptist pa chanchin/hla phuah atangin Presbyterian pa in UPC (NEI) mi leh sa, Pu KL Liana, rawngbawltu leh mi dik chu amah ka ui zia leh ka sun nan ka rawn thual nawn leh e.}

KRISTIAN KAN LO INSUIHKHAWM HI, VAN LAM TIH DAN A NI.

Post a comment

Powered by Blogger.