A ngaihven duhte tan chauh
AMERICA INTHLAN THUBUAI COURT-IN REL MEK 
Ringtute tan Thlarauva Indona – Krista Versus Boruak Lal

Dr Pc Biaksiama
20 Nov 20; Zirtawpni

America president inthlanna thubuai kal chho zel chu a pui rem rem; thenkhat tan chuan a la ngaihnawm dawn chauhin a lang thei. Lehlam Democrat hovin kawng tinrenga Biden-a tihtlin tuma vote an tihchingpen result-ah Joe Biden-a chu ‘President thlan tlin’ tiin, a tak tak ang turin an cheibawl a, cabinet minister tur te a lo ruat mial mial a; chutih laiin Congress (parliament) chuan President elect-a an la pawm theih loh thu official-in an hrilh tawh a; chuti chung chuan liberal democrat-ho chuan president lem an lo la chantir zui zel a; fake news-ten thutak hla takah an lo la zel bawk a. Chutiang thu hmang chuan khawvel boruak hi a luah khat a; chumi awih tawk mi engemaw zatin zâm âw an lo chhuah râwl vei nen. Ringtute chuan Lalpan thil ropui min tihsak tur thlir hian, ngawi renga awm hle hle tur kan ni zawk a ni lo’m ni?

Lehlamah Republican lam chuan kha inthlan dan dik lo, vote lem nena chawhpawlh, mitthi vote, computer khawl Dominion-in Trump-a vote Biden-a vote anga a nuai têla a lo chantir zêlna khawl dik lote chu an man chhuak zel a, Biden-a tlinna hi pawm thei lovin, inbumna thil a ni tih finfiahna namen lo nen Court-ah an khing a; state thenkhata vote an chhiar thatna, entirnan, Georgia state-ah chuan, a hma ang bawkin vote chhiarnaah Trump-a lam Republican inspector-te endik phal lovin, ballot dik leh a lem thliar chuang lovin, a result ngai bawka an keuh leh avangin, chutiang result dik lo chu pawmpuina - certification pe lo turin Trump-a legal team-ten court-ah an thlen leh tawh bawk a.

Chu chauh a ni lo va, Mizoram thlengin Trump-a lamtang thupuan leh Biden-a lamtang thupuan inang lo tak avanga media indonaah mipuite an chi-ai a, thudik hriat an duh a. Chu aia la thûkin, he indona hi Krista ringtu, dikna duhtute leh Setana hmanrua, bumna hmanga America leh khawvel chawh danglam tumtute inkara indona – thlarauva indona a ni lehnghal a; hei erawh chu thlarauva mitmengten thlarauva an hriat fiah a ni. Tichuan, tunah hian politic indona chu media hmangin, na takin a kal mek a ni.
Donald Trump won election

Ballot Paper Audit Tur Donald Trump-a hian amah beitute phiarrukna hi intelligence report atangin a lo hre ru vek a, thang a lo kam lawk a. Ballot paper pawh a siamtu, Department of Homeland Security ten watermark-in an chhinchhiah vek tih kan tarlan thin tawh kha. Tunah hian Arizona leh Georgia state-ah te hian dan angin vote chu an chhiar nawn leh na a; vote dik leh a lem thliar (audit) hmasa chuang lova, Republican party mite en ve phal bawk lova a ngai leh ngai chhiar nawn leh ringawt a, result ngai bawk an tihchhuah leh chuan awmzia a nei tam awm lo ve; chuvangin court thuneihna hmanga ballot paper audit turin Trump-a legal team-ten case an file mek.

Heng state governor-te leh Democrat hotuten an hlauh ber chu vote endik ‘audit’ tak mai chu a ni: Watermark awm leh awm lo, a lem leh a tak an thliar hrang zung zung mai dawn si a! Georgia state-ah lah ballot paper 2600 awmna box pakhat Trump-a team lamin an dap chhuak a; a hnuah 2750 leh a hnu lehah 3000 vel awmna box an hmu chhuak leh a; chu bakah county hrang hrangah hmuh belh zel a ni a. Chung vote la chhiar loh te an han hawn chuan Trump-a vote deuh hlir a lo ni ngei bawk a. Heng bakah pawh hian dap chhuah a la awm zel lovang tih pawh sawi theih a ni lo. Chutiang thil chiang lo tak karah chuan vote an han chhiar nawn leh a, Biden-an vote 0.24% in a tling a, mahse hei hi nemngheh (certification) a nih hmain Trump-a legal teamin court-ah an khing nghal a ni.

Eye Opener channel 20.11.20 chuan, Dominion Voting company chuan Georgia state a election chungchang hotu ber, Brad Raffensperger-a, an Secretary of State chu Dominion Voting company chuan dollar maktaduai 106 (cheng vaibelchhe 785 vel) in thamna (bribe) an pe tih a report. Hei vang hian Georgia state chuan Biden-a tihtlin a, Trump-a tlin loh dan tur ngawt dapin, vote tihchingpen dan tinreng te, Trump-a vote thuhruk te, vote an chhiar leh pawha illegal vote te nen dik lo taka Bidena tlintir ringawt chu state dangte ang bawkin an tum ngar ngar a ni. Chuvangin Trump-a team lam chuan Court-ah an zualko lo thei lo a ni.

Nevada state-a ballot paper an chhiar that lehnaah pawh Georgia state ang bawk, vote chhiar endik turin a hming lekin Republican inspector-te chu social distancing chhuan lamin feet 10 vela hlaah an awmtir daih a, an chhiar dik leh dik loh an hmu pha lo a ni. Vote 140,000 zet chu a vote-tu hriat loh (absentee ballots) man chhuah a ni a; vote 15000 zet chu he state a vote thlak thei lo tur state pawna mi an ni a. Heng thil fel lote hi chinfela thliar fel ni se, Trump-a hi hneh taka tling nghal thei tur tih a chiang a; mahse he state a election official-te hi Biden-a lamtang an nih avangin, tidik tur chuan court thuneihna sanga thlen a ngai lo thei ta lo. Wisconsin-ah chuan bial (County) pahnihah chauh vote chhiar ṭhat tura tih a ni.

Pensylvania state hi inthlan apianga corruption tamna thin a ni tiin Trump-a personal attorney Rudy Giuliani chuan a sawi. Kan sawi tawh thin angin he state a mihring bitna ber Pittsburg leh Philadelphia khawpuiah ringawt hian vote dik lo (illegal votes) 650,000 a awm a. Mitthi tawh sang tam takin vote an thlaktirna hmun a ni a; daka vote thlak 20000 zet chu back-dated a ni. Heng vote chingpen hriat sa ringawt hi thliar hrang se, a dik chin chauh pawh hian Trump-a chu hneh takin a vawrh tling thei daih a ni.

Pensylvania state danah chuan, “ballot paper chhiar laiin, party pahnih aiawhte chuan observer angin an lo endik ve tur a ni,” tih a ni a. Mahse anmahni state dan ngei pawh bawhchhiain Republican party atanga endiktute chu an hnawt chhuak lui tlat a. Video pakhat, media atanga kan lo hmuh ve pakhatah chuan, Republican volunteer rualte khan observer anga ballot chhiar endik turin an dil a; covid hri chhuan lamin an phal lo va; an zinga hotu pakhat chuan, “A nih leh Democrat party mi 15 awm ula, keini Republican mi 15 kan awm ve ang e,” tia a dil pawhin an phal chuang lova; tukverh atanga an bih thlak theih loh nan lehkha khawngin an ping nghal. Khatiang hleih neihna te kha court-ah chuan witness/evidence pakhat a ni ve ngei ang.

Michigan state pawimawh tak hi Dr Steve Turley-a, news channel lar tak neitu chuan, Joe Bidena a chak lo dawn niin a sawi. A chhan a sawi chu, Wayne County an tih, Detroit khawpui mi bitna biala vote an chhiar-ah thil fel lo leh vote tihchingpen a nasa lutuk a; Bidena’n vote nuai khat leh a chanve vel a hmuhna hmun a ni a. He bialah ringawt hian mitthi tawh 6400 vel voter zinga an lo telhte pawh mualpho taka hailana hnawlsak an ni a; vote thlak si, a vote-tu hriat loh (absentee ballot) phei chu a nuai tel an awm nia sawi a ni. Hei bakah hian vote chinfel theih loh sing hnih zet awm angin Rainbow Mizo Production-in a sawi bawk. Hemi biala elector-te chu Republican leh Democrat ah pahnih ve ve, chak zawk awm thei lo ve ve an ni bawk si a. Republican elector-te hian pawm tura vauna pawh an tawk hial. Anni chuan State Legislature-ah he thil hi i hlan mai ang, an ti a. An hlan chuan Michigan State Legislature hi Republican party-in majority an neihna a ni leh bawk si. Chuvangin, electoral college 16 awmna he Michigan state hi Trump-an a chang dawn ta niin a lang.

SUPREME COURT LAMAH BEISEINA Eng Donald Trump-a Legal Team-ah hian Rudy Giuliani (personal attorney) leh State hrang hranga Democrat control-na court hniam zawkah Trump-a aiawha case an thehluhte an lo hnawl a nih pawhin, Supreme Court kailawn a inhawng tihna a ni mai. Chu chu a nghahhlelhawm. Kan sawi tawh angin, inthlan thubuai hi chinfel theih mai a nih loh chuan, US Constitution-ah President thlan dan kawng hnih a la awm: pakhat chu Supreme Court-in thutlukna a siam thei. Khang state buaiah te khan vote dik leh a lem thliar hranga, a dik chauh chhiar tha leh turin thu a pe thei a ni, a tul dan azira inthlan that leh thlengin. Tun dinhmunah Supreme Court-ah Democrat lamin Justice 3 chauh an nei a; Republican chuan chumi let hnih, 6 an nei. USA-ah chuan Judge te hi party line a appoint an ni. Chung zinga 3 te phei chu Trump-a appoint vek an ni lehnghal a, a hnuhnung ber chu hmanni lawka appoint Amy Coney Barrets-i kha a ni a.

Trump-a Legal Team hotu, lawyer chhuanawm Rudy Giuliani te, Sidney Powell-i te leh midangte chuan tunah hian America rama rorelna sang ber Supreme Court (SCOTUS)-a kal turin an inpeih ta. Nizana Press Conference an kohnaah Giuliani-a chu a puipa berah aṭang a. Lawyer chhuanawm tak Jenna Ellis-i chuan chanchinbu mite chu address in, “Khai le, chanchinbu mite kha tute nge in nih kan hria che u a, inthlanah vote tihchingpen sawi tham a awm lo, a awm tih finfiahna pawh an nei lo,’ tia fake news in an chhuah ṭhin a. Finfiahna -evidences hi kan ngah lutuk a, witness pawh za tam tak kan nei a; mahse an himna duh vangin in hmaah an hming tar chhuah a rem lo va, court hmaah hriatpuitu atan an ding vek thei dawn a ni. Democrat party-in vote an tihchingpen dan zawng zawng te, Dominion khawl hmanga Trumpa vote Bidena vote anga a maktaduai tela an lo chantir dan te, video leh evidence tam tak te leh vote tihchingpenna kawnga lo inhnamhnawihtute ngeiin chhechhama intiama an inpuanna sang khat chuang zet, phekpui phek 238 zeta chhah nen Supreme Court kan panpui dawn a ni.”

"Supreme Court a kan kal chhan ber chu, hei chen kan ram leh hnamin zah tak leh thianghlim taka a lo kalpui tawh free and fair election neih te, election dik tak (election integrity) humhalh zel te hi aṭul zia America mipuite hian hria se kan duh a. Hei hian kan hnam future a hril dawn a ni. Tun inthlana vote tihchingpen hi election official-ho vang vek a ni zawk tih te hi chanbu mi in nih ang taka fake news ang mai ni lova, fair taka in rawn cover kan beisei a ni. Hemi thudik tak hi in chhuah duh lo a nih pawhin, vote tihchingpen nasat zia finfiahna leh he president election result LEHTHAL thei khawp court evidence kan nei tih lo hria ang che u," tiin an sawi a ni.

Thuchhuah hmasa lama kan sawi tawh angin, Supreme Court hian Trump-a team-te case hi uluk takin an lo ngaihtuah ang tih beisei ila. Amaherawhchu, eng vang pawhin thutlukna hi lo siam ta lo pawh ni se, an parliament-a an Lok Sabha ve -Congress in president tur chu an thlang tawh mai dawn a ni. President thlang turin State tin atangin aiawh pakhat zel, state 50 atangin Congress-men 50 in President an thlang ang. Chuti a nih chuan Democrat lamin state 22 an control mek a, Republican lamin state 26 an control mek bawk a, a bak chu court thubuai nei state te kha an ni ta a. Chuvangin Donald Trump-a hi President a thlan tur a ni tih a chiang leh thei nghal mai a ni, tih hi French Constitutional expert bakah Stanley Johny-a te leh mithiam dangte thu hla kan tarlan tawh kha.
US election 2020
PRESIDENT-ELECT LA AWM LO US Congress (parliament) chuan Democrat leh media-ten president ni dawn ang ziazanga Joe Biden-a an sawngbawl thin chu chhan leh vang nei lo tiin, an pawm loh thu official letter an chhuah tawh. Jody Hice, Ranking Member, Sub-Committee on Government Operations chuan November 13 daih tawh khan Honorable Emily Murphy, Administrator, General Services Administration, Washington DC hnenah ziakin, president tur zawk a la chian hmaa lo tih lawk hi, tih dan a nih ngai loh thu a hrilh a; chu Congress lehkhain a sawi danin Trump-a leh Biden-a te karah President ni tura chiang sa an la awm lo, media te sawi ringawt hi zawm tur a ni lo. He democracy hi ‘rule of law’ a innghat a ni a, zawm ngei tur a ni,’ a ti a ni. Fake News (CNN,BBC etc. ten President elect la ti zui zel mahse mainstream media zinga lian ber pakhat Twitter chuan a ti ta lo. (Tom Graham on Twitter, “Congress officially says there is no President Elect…yet.” twitter.com, https://twitter.com/tom2badcat/status/1328215142333558785?s=08)

Mordekaia Khaihlumna turah Hamana? Ka thuziah hi a chhiartute duhsak vangin hrilhfiahna nena tih hian a sei hma leh bawk si. Trump-a beitute: Democrat party hotu lawk zual Clinton-a leh Hillary te nupa, Obama Hussein, Nancy Pelosi, Joe Biden-a adt. te thiltih dan dik lo leh inbumna bawlhhlawh hmanga politic khela Donald Trumpa an beihna zawng zawng hi a bo a bâng awm lova an rulh leh vek turin sorkara Dept of Justice leh court hrang hrangah a awm vek tawh. 2016 kuma Trumpa campaign an enthlak rûk kha a khingpui Hillary-i tan hnam phatsantu ‘treason’ case awrhtirna tham nihna a tling. Dawt phuahchawpa Russia puihna avanga tling ta anga Trump-a an puha, a chunga ‘investigation’ nasa tak an tiha mawhphurtu Hillary-i chan tur hi a rip dawn hle in a lang.

Tun inthlana vote tichingpentu lian ber, computer software ‘Dominion’ khawl chhunga man chhuah theih si lova Trump-a vote Biden-a vote anga vote maktaduai têla a lo chantirna computer part pawimawh, chips te, processor te chu China siam vek a ni tih hriat chhuah a ni a. America hmelma lian Communist China nen a rûkin an lo inthlunzawm reng mai si a. Chu dominion company ah chuan democrat hotu lawk deuh deuh – Joe Biden, Obama, Clinton te nupa, Pelosi te an lo inhnamhnawih nuaih mai tih chu hnial rual lohvin man chhuah an ni ta zel si a. Hamanan Mordekaia awh hlumna tur a siamah heng hote hi case sang ber chi - ram leh hnam phatsantu (treason, sedition, subversive activities etc) anga charge turin, 18 US Code hmangin an chungthu rel tur a ni a, an rêl dan tur pawh hi châr ṭhat diam (sealed Indictment) in a awm vek tawh a ni awm e.

Report ka dawnna source hi tihlan a rem rih lo va. Heng mi, an chunga thubuai rip tak awrhtir tura an chhinchhiah tawhte hi US military intelligence leh Department of Justice (DOJ) chuan an chunga action lak dan tur an siam fel diam tawh a ni mai thei, ti chauhin sawi ila. US mipui pawhin an la hre lo nia sawi a ni a; civil court-ah ni lovin, an vai hian Military Tribunal hmangin an chungthu ngaihtuah vek ni dawna sawi a ni bawk.

Joe Biden-a, Ukraine Court-ah Criminal Case nei US Vice President a nih laiin ram tenau deuh lakah a lo invilik em avangin Biden-a chu Ukraine Court chuan dan bawhchhiaa rinhlelh (Criminal Suspect) list-ah an telh ta nge nge tih confirmed a ni. Thubuai an awrhtirna chhan: Vice President a nih laia a fapa Hunter Biden-a thawhna, Burisma gas company-ah corruption thil fel lo chhui turin an sorkara Prosecutor General Viktor Shokin-a chuan order a chhuah a. A fapa chhanin Biden-a chuan chu order chu cancel tir a, chu Prosecutor chu fire zui turin Ukraine sorkar chu thu a pe a; in fire (bân) loh chuan USA atanga loan in dawn tur dollar tluklehdingawn khat hi in hmu lo vang, tiin intithei leh diriam taka a lo vau avangin an sorkar mi lian leh mi dik chu an bântir ta hial a (a tawpa video hi lo en la). Chu Biden-a thiltih chu hnam phatsanna ‘high treason’ ang hiala ngaih a nih avangin sût leh mai theih loh turin Ukraine sorkar chuan criminal case an awrhtir mek a ni.

Trump-a tih tlaka, Biden-a titling turin engmah pawisak nei lo. Trump-a term hnihnaah chuan Washington khawpuia politician leh ‘cian lo mi lian corrupt pui pui, president te pawh lo control thei hial khawpa suma lo vûr thintu mi turu pui pui, boruaka thu vir vel (media zawng zawng deuhthaw – Google, Facebook, Twitter, CNN, BBC, New York Times, Washington Post, etc. etc.) control vektu, Setana milianho (Washington Swamp an tih, The Deep State an tih bawk) te chu thian fai vek turin Pathianin mi namai lo, mi bumro, mi turû, mi dik, ei ru ve lo tur, politician pawh ni lo, Pathian thu anga rorelna kenkawh tum tlat Donald Trumpa a thlang a.

Term khatnaah khan lo a vat zo vel chauh a ni a; term hnihnaah hian vahchap (Swamp-ho) chu hâl faiin, thlai chi ṭha a tuh ang a, tichuan economy te, foreign policy te, kristiante tana zalenna te chu lo ṭo chhuakin, an duah hluah hluah ang a, an rah ṭhuah ṭhuah tawh dawn a ni. Mahse chu thil thleng thei lo tur chuan Setana hian a sipai rualte chu engmah pawisak nei lo turin, an tlin theih dawn phawt chuan inthlan dan tenawm leh inbumna turu ber chiin a chettir vel ta vak vak mai a ni a. Bidena a tlin vaih chuan khîng hremna tuartu turte khian hrem an pumpelh vek dawn a. Chuvangin, Trump-a paih thlak theihna a nih dawn phawt chuan, engti kawng zawng pawhin, a leng chhiat theih theih leng chhiat pawh pawisa lovin an tum ngar ngar ringawt ta mai a; hei hian tun election-a an chet dan râpthlak zia hi a hrilhfiah ta a ni.

Post a comment

Powered by Blogger.