STEAM BATH THATNATE

MIZO HRISELNA HUANG

Kan chhungkua tan steam Bath ka siama. Tichuan steam bath thatna leh tangkaina te hriat ka duh a vangin Dr. Google-a ka han rawna. A hnuia mite hi min thurawnte  chu an ani.


1. Vun thalote a thian fai:  Steam Bath-a in bual hian  vuna bawlhhlawh awmte a paih chhuaka, vun thi tawh te a thian fai ani. Taksa a thisen kal vel(blood circulation) a siam that avangin vun a ti hrisela a ti mam bawk a ni. (Hmel thatna anih chu).

2. Taksa na leh luna a ti dam:  Steam sa in thahrui a sawi zawia, tihrawl tawm leh mar lutuk a ti zawi avangin taksa na thum awm thin te a  a ti dam theia, luna thum te a tih dam thei a bawk(Na chhawkna ai a tha zawk).

3. Taksa a tur tha lo a paih chhuak:  Steam Bath room-a minute 15 te thut hian steam avanga thla nlo chhuak leh steam tuihu khan  taksa a tur tha lo leh bawlhlawlh awmte a paih chhuah avangin zu chakna te mei zial chakna te nasa takin a ti tlem. Chuvangin mei zial leh ruihhlo nghei duh te tan nasa takin a pui thei ani. ( Ngawl veite enkawl nan a siam ani zawk mah a tirah chuan).

4. Rilru hah (stress) a ti ziaawm: Tuihu lum khan taksa a natna dotu leh tiphurtu(endorphin)  a tih chhuah tam avangin rilru hah(stress) nei te tan a rilru hah a chhawk thei. Mi tamtak in steam bath zinga ka tih hnu hian nilengin rilru zangkhai takin ka awm thin an ti.

5. Taksa rihna paih nan tha tak ani: Steam Bath a inbual hian taksa a tui awm tam tak a paih chhuah avang leh taksa a awm thau thalo a piah chhuah avangin taksa rihna paihna (Weigh lost) atan a tha em em ani. Amaherawh chu exercise lak leh ei leh in in sum te chu thulh phah tur ani lo. ( Mi thau leh  dulkiar tan a tha zual).

6. Sinus leh hritlang awmna tan a tha em em bawk: Kan hnar kaw chhungahte, chawpahte, ka chhungahte awm thin mucous membranes an tih mai chu steam sa hian a hawng vara, a ti pan bawka. Chu chuan sinus avang hnar ping leh hritlang awmna avanga hnar ping chu a ti veng thei a ni. Hitlang hnaptui leh khuh tan pawh a tha e mem bawk ani. (Corona laka invenna a tan pawh atha an ti).

7. Thisen kal vel a siam tha: Kan taksa a awm capillaries dilate an tih mai thisen dawtte chu steam sa hian a ti lum khan zalen takin thisen te chu kan taksa pumpuiah a kal tir a. Oxygen chu kan taksa pumpuiah tha takin a pek chhuah theih phah ta ani.

8. Taksa rawl themthum tan a tha: Kan tihrawl khawng tak leh sak tak kha steam sa khan a han deh khan tihrawl ti zawitu fluid a siama, chu chuan taksa rawl themthum awm thin kha a ti nema a ti dam vek thei a ni.

9. Thisen sang a ti hniam thei: Research rintlak tak mai in a sawi dan chuan steam bath hian kan taksa a hormone a pek chhuah tam phah avangin chu chuan lungphu a siam tha a. Heng hormone zinga aldosterone an tih chuan thisen in pump a siam rem a, BP a ti hniam thei a ni an ti.

10. Nantna dotu a tichak: Steam sa a kan taksa kan chiah hian kan taksa awm natna lo dotu leukocytes an tih mai chu a tih chaka avangin natna hri lo lut tur venna kawngah atang kai hle.(Corona len lai hian a pawimawh zual in a rinawm).

11. Calories a ti kang (burns calories): Calories kan tih hi ka thil ei lo ti kang tu a nia. Calories chuan kan thil ei te a kan ral tam pawh leh  kan thil eite kha kan taksa tan chakna a pe tam ting mai ani. Expert te chuan  steam sa a i awm hian exercise te leh aerobic te i tih aia na sa in calories a kang tam daih zawk ani an an ti. A awm zia chu kan chawei te anihna ang taka chakna tan kan hman thieh nan steam bath hian min pui a ni.

12. Ruhseh na nei tan a tha: Steam bath hian ruh inzawmna lai na(join pain) nei te tan a tanpui hle. In khelh hma leh exsercise lak hma a steam bath tih hian in ulh palh leh ruh leh tha tih nat palhna lak ah a veng thei bawk.

13. Sam tan a tha: Sam ro tan leh sam thi tan a tha. Sam tla nasa lutk tan pawh a tha. A chhan chu steam sa hian kan luvuna kaw sep sep awm hi a ti var(lian) a chuchuan lu vuna awm bawlhlawhte a paih chhuaka, a tin, luv un atanga a lo chhuak fluid a ti tama. Chuvang chuan sam in a ngeih em em a ni.  Steam bath a i luh hma in i sam kha hriak mawm takin thih la, puanin i tuam dawn ania. Chuchu sam steam-na tha ber ani.

14. Muta ti tuia chawei a ti tui em em bawk: Heihi keima mimal tawn hriat ngei ani. Mut thieh loh nei te tan a tah ani.

15. Ngona ani: Steam bath han tih zawh hlim hi chuan kan eng nghl sur maia. Kan sen suah mia a. Kan ngo nghal em em mai.

Tihian kar khatah vawi 2 kan in ur thina kan tangkai pui khawp mai kan chhung chuan. Lu chauh ni loin kan taksa pumpui kan ur ani. Bawm chhungah hian  minute 15-20 chhung kan thu a kan thlan nasa thin kher mai.

Ziaktu: Pastor PL Thlenga

Post a Comment

Powered by Blogger.