VAWK HRI KAI LEH THEHDARH LOH NAN A INKAIHHRUAINA RUANGAM

VAWK HRI KAI LEH THEHDARH LOH NAN A INKAIHHRUAINA RUANGAM (SOP) -

State Veterinary Dispensary, Zawlnuam, Mamit District.

1. Natna hrik hi a vei damlo emaw thi tawh te chil, zun- ek leh taksa tuiril leh thisen, thi thul chhuak eng chi atang pawhin a hriselah kai chhawn theihin a awm reng tih hriat fo tur.

2. Vawk chaw ningnawiah a natna veite sa them (ami-sa) leh a sa silna thli chhun pawlh ei atangin a hrisel ten an kai thei tih hriat fo tur.

3. Vawk chaw bungbel, chaw pekna leh vawk in a hmanrua eng chi pawh, lirthei ke, thuamhnaw, pheikhawk, slipper, vawk in rel leh a chhuatah a natna hrik cham bangin a hrisel te ah natna a thlen thei.

4. Vawk thi reng reng dai pawn, Vantlang bawlhhlawh paihna leh luikawrah te paih mai lovin 6 feet a thukah chinai nen phum ngei tur a ni.

5. Vawk thihsan, vawkin leh vawk in hmanrua leh a kaihhnawihte uluk taka 2% bleaching powder tui hmanga tleuh fai vek a minute 30 tal chiah thin tur a ni a, hemi hnu hian sahbawn leh tui nen brush hmanga tifaiin disinfectant a darkar 2 tal chiah leh tur a ni. Hetiang hian karkhat hnuah tih nawn leh a mahni remchan dan ang a tih fo thin a tha hle.

Thla 6 hnuah he hmunah hri a awm tawh lo ngei a ni tih fiah hunah chauh vawk dang dah nana hman leh theih a ni.

6. Vawk hrisel damtha lai a ni emaw a damlo enkawl lai a nih pawhin a theih chinah enkawltu ngaiin fimkhur takin silhfen inbel bik nei a tifai chung zelin buaipui thin tur a ni.

7. Thenawm khawveng Ran in leh ran vulh in tlawhpawh loh tur a ni a, Ui leh Ar, Zawhte leh ran dangte tlawh pawh theih lohva vawk in leh a velah ruahmanna siam hram thin tur a ni.

8. Chaw thing leh chawhmeh ningnawi vawk chaw atan chhun pawlh mai mai thin loh tur. Pek tura buatsaih anih pawhin nasa taka chhuanso phawt tur a ni.

9. Vawk chaw pekna a vawk ei bang, a chaw thar pek leh dawnah paih mai lovin ruh faia awmze neia bleaching powder nena pawlh bucket-ah dah khawl thin hnuah paih chauh tur.

10. Vawk thi sawngbawl thu ah a buaipuitu / a neitu ten kut kawr (a awm loh pawhin polythene) bun zel tur a ni a, sawngbawl zawhah phum bo emaw hal ral nghal zel tur a ni. Kut leh ke, fai taka silin, silhfen leh pheikhawk/slipper inbel te 2% bleaching powder tui nena pawlh (Solution) nena fai taka sil nghal zel tur a ni.

Thawmhnaw hak pawh sahbawn/sukhlo ah 30 minute tal chiah phawt hnuah suk fai thin tur.

11. Vawk thi sawngbawlna a hmanrua hman, a ruang phurhna motor/tawlailir thlengin 2% bleaching powder solution nen fai taka sil nghal zel tur a ni.

12. Vawk thi sawngbawl thu ah a buaipuitu/ a neitu a tlem thei ang ber che vel tu ah hman thin tum nise. Mi hrang hrang inrawlh tam loh hram tum tur a ni.

13. Vawk in leh a chhehvelah te, vawk damlo / vawk thi buaipui a ngaih thu ah 2% bleaching powder tui nen a siam hman uar em em tur a ni.

14. Hri laka him nan leh thehdarh a nih loh nan Vawk in leh a vel, a buaipuitu leh neitu (attendant) ten faina leh thianghlimna kawngah fimkhurna leh invawn fekfawnna kalpui reng tur a ni.

15. Hriat chian loh vawk talh tur emaw vulh tur emaw reng reng lei loh a him ber

16. 2% Bleaching Powder Solution siam dan:-

Tui litre 1 zelah bleaching powder thirfiante 10 chawh ral tur.

VETERINARY OFFICER, ZAWLNUAM

[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]