TU'N NGE HMANGAIH ZAWK ? NUPUIIN NGE BIALNUIN?

UIRENA
Duh leh hmangaih taka ka neih ka nupui nen hian kum 10 dawn chu nupa kan lo ni ve ta reng mai. Mahse kum khat chuang kal ta aá¹­ang khan ka nupui chu ka hmangaih tawh lovin ka hria a, á¹­hen ka duh ni berin ka hria. Tunhmaa amah ka duhna leh hmangaihnate kha an chuai ta a ni ber mai. Ani aia hmelá¹­ha leh tunlai zawk hmeichhe dang duh ka neih vang pawh a ni mai mahna.

Ka nupui chuan keiin ka duh tawh loh ang bawkin ani pawhin min mamawh tawh lovin ka hre ve bawk a. Thil ho te teah hian kan inhau ta fo mai. 

Chhan engemaw avangin zan khat chu kan nupa room-ah kan inhau leh a. Chumi zan chu kan inhau satliah a ni lo, ka thinrimin kut hial ka thlak a. Chu chu ka nupui emaw, hmeichhia hrim hrim kut ka thlak á¹­umkhatna a ni. Ka inthiam lo viau mai a. Mahse ka hmelah erawh ka inthiam lohna chu tilang duh lovin, á¹­awngkain ka la ti chhunzawm zel a. Chumi hun á¹­ha chu hman á¹­angkai tumin min chhuahsan turin ka ti a. Tunhma pawhin lo inhau tawh á¹­hin mah ila, chhuak tur em chuan ka la ti ngai lo. Rilru na em em chunga á¹­apin a insiam a. A insiam zawh chuan kan fanu kum 2 la tling lo, muhil lai chu puain a chhuak nghal a. Ruah a sur lai takin an chhuak a ni a, engtin tak awm ang maw ? Ka lak ata a kal bo dawn avangin ka lawm a, mahse ka fanu erawh ka ngaihtuah ve a ni. Ruah a sur hnem bawk si a. 

Zing a lo ni a. Naute leh a nu an awm lo tih a hriatin ka pa, kum 80 mi chuan an chin min zawt a. Zep lovin ka hnawhchhuah thu ka sawi ve mai. Min hau hrep hnuah ko hawng leh turin min ti a. 'Aw' emaw 'aih' pawhin ka chhang lo. Ka pa hi a upa tawhin a hriselna a á¹­ha lutuk lo bawk nen khum hi a khawvel a ni tawh mai a. Ka nupui, a monu chu a kut leh ke a ni á¹­hin. Ka pa leh ka fa upa lam pahnihte enkawltu turin awmpui ka ruai ta ringawt a.

Chumi ni chu office pawh kai lovin nilengin ka bialnu nen kan inkawm a, ka nupui ka hnawhchhuah tawh thu te hrilhin kan hlim dun khawp mai. He ka bialnu hi thingtlang aá¹­anga lehkha zir tura Aizawla rawn awm a ni a, a hmel a á¹­hain a pian a mawi a, an college miss atana an thlan ve ngat kha a ni. Kum 10 dawn mi pasal ka nih hnuah tlangval ka ni leh tawh bawk a, ani nula a ni bawk nen kan innei vat pawh ka ring. 

Zankhat chu an inluah aá¹­anga ka haw laiin ka haw kawngah bungraw phur motor lian leh car an insu a ni awm a. Zan rei hle tawh mah se mi an lo tam khawp mai. Car-ah chuan nupa hi an lo chuang a, an pa zawk chu a na khawp mai a, biak pawh a hre lo. An nu erawh a hliam ve tho na a, mahse a harh á¹­ha a, ngaihtuahawm a ni lo. A pasal a hliam na hle tih a hriat rualin a mangang chu naupang ang maiin a á¹­ap ta vak vak a. 

Kei ka lo awm remchang nen ka car-in an nupa chuan damdawiin lamah hmanhmawh takin ka tlanpui a. Kawng laka a pasal dinhmun avanga a mangang á¹­awngkam leh thlabar á¹­ap ri te ka hriatin chu nu chuan a pasal chu a hmangaih hle tih ka hre thei. Ka khawngaih hle a, a pasal chu damchhuak ngei se ka duh bawk a ni. Vanduaithlak takin a pasal chu a hliam tuar lovin lo thi palh ta se a tawrh zawh ka ring lo. 

Ka car khalh pah chuan ngaihtuahna ramah ka cheng a. Ka bialnu chuan engtiang takin min hmangaih ve ang maw ? Heti ang hian hliampui lo tuar palh ve ta ila, engtiang takin nge a lungngaih ang tih vel ka ngaihtuah a ni. 

Damdawiin chu thlengin kan indah lut nghal vat a. An chhungte an rawn thlen hnu pawh chuan damdawiina hruaitu ka nihna angin an chanchin ngaichangin ka la awm ve reng a. Chumi zan chu ka lehkha zirpui á¹­hin, doctor ni ta duty zan a lo ni hlauh mai. A room-ah lutin ka damlo hruaite chu eng nge an ân ka zawt a. Ngaihtuahawm lutuk an nih loh thua min chhan zawhah, "I buai tawh lo tiraw? Thil min tihsak lawk teh. Ka bialnuin engti ang chiahin nge min hmangaih tih ka hre duh a ni," tia ka sawi lai chuan, "Nupui i nei tawh emaw ka ti ! " a lo ti vat a. Kan iná¹­hen tawh thu leh ngaihzawng dang, hmelá¹­ha leh pian mawi tak ka neih thu  hrilhin ka ngaihzawng chu min call-sak turin ka ti a. Ka ngaihzawng hnenah chuan car-a ka accident thu hrilh turin ka ti a ni. 

Damlo khum pakhata min muttir hnuah ka bialnu chu a call a. Loud speaker-ah dahin he thu hi a sawi a. "Hello, doctor Biakkima ka ni a, hei i bialpa Mapuia car-in a accident a, a dinhmun a á¹­ha lo khawp mai. Inzaina pindan aá¹­angin ka chhuak chiah a, a ke pahniha tan a ngai dawn a ni. Hetah tumah a chhungte an awm bawk si lo, a phone kan en a, chuta 'Love' tia a save chu ka rawn call tawp mai. Khawngaihin i rawn kal hman ang em ?" 

Mangang leh hlauthawng taka a á¹­ah vak ka rin laiin ka beisei lo lam daih a thleng a. "Number dik lo i call palh a ni ang. Mapuia ka hre ngai lo. Khawngaihin rawn call tawh suh ang che," tiin phone chu a dah daih mai. Doctor chuan mak ti hmel takin kei chu min en ringawt a. Ka zak leh thinrim bawk si chu ka puak keh mai dawn khan ka hria. "A va mak ve. Ka'n call leh chhin ang e aw," tiin a call let leh ngat a. Mahse call a la duh tawh reng reng lo. A á¹­umhnih nan call leh a tum a, mahse a phone a lo switch off tawh a, a call tlang thei tawh lo.

Ka zak lutuk leh thnrim bawk si chu, "Zawngi chu a châk lo ngawt ang !" ka'n ti ta ringawt a. A ngawih deuh vang vang hnuah doctor chuan, "Ṭhianpa, Lover ni lovin Gold digger zawk i tawng a nih hmel," nui deuh chungin a lo ti a. Ka nui a za ve lo khawp mai. Amah bawk chu rawn á¹­awng lehin, "Tuna mi ang chiah khan i nupui call leh ang," a lo ti a. "A á¹­ul lo. Ani te chu ka duh tawh hlei nem,  ka hnawtchhuak tawh alawm. Bakah a mu tawh ang, a tlai tawh em mai," ka ti a. A call ka duh loh chhan tak zawk chu ka zahna a belhchhah mai mai ka hlauh vang a ni. 
A tih tlat avang chuan a number chu pein a call ta nge nge a. Mahse a muhil tawh a ni ang, call a la thei lo. Call tawh lo tura ka tih chu duh lovin a call leh a. A ring rei lo, call chu lain thophang aw tih hriat em em hian ka nupui hlui ngei chuan a rawn chhang a. Ka bialnu hnena a sawi ang tho khan accident ka tawh thu leh ka dinhmun a á¹­ha lo va, ka ke pahniha tan a ngaih tur thu a sawi a. A sawi zawh hma hma chuan á¹­ap chungin khawi damdawiinah nge ka awm a lo zawt vat a. Ka awmna damdawiin a hrilh hnu chuan call chu a dah nghal a. Ka bialnu ai kha chuan min ngaihtuah deuhin ka hria. A fate pa ka nih vang te pawh a ni mahna le. 

Ka á¹­hianpa chu a lo phur laklawh a. Ka lu leh ban vel bandage-a min tuam hnuah inzaina pindanah min luhpuiin inzaihna khuma min muttir hnuah puanin min khuh bawk a. 

An inbiak aá¹­anga darkar chanve hnuah hlauhthawn hmel em emin ka nupui hlui chu a nu nen an rawn lut a. Doctor chuan ka dinhmun a á¹­hat loh thu leh inzai an á¹­an á¹­ep tawh a, min zai á¹­an hmain minute 5 vel ka bula awm a phalsak thu sawiin a nu erawh a chhuahpui thung a. Hetih lai hian keiin nikhua hre lo angin lem ka lo chang ve mek bawk a. Ka á¹­hianpain a tih tlat avangin ka ti vel mai mai a ni. Min hmangaih emaw ka tih ka bialnuin min hmangaih miah loh avangin ka thin a rim a, ka thiltih mek pawh chu ka á¹­hianpa angin ka phur ve lo.

Ka mutna khum bula á¹­hutna awmah chuan á¹­huin zawitein ka kut a la a. Ka kut chu fawpin inhnih feih feih chungin, " Pa a, hei ka lo thleng e. I bulah ka awm aw. Engtin mah i awm lo vang. Min kalsan miah suh ang che. Pa a, dam ngei ang che aw. Ka hmangaihzia che hre tur tal pawhin dam ang che. I hria a, naupang leh i pa enkawlin nitin leh zantinin ka buai em em á¹­hin a, ka ngaihsak hman á¹­hin lo che a nih kha. Mahse khami avang khan ka hmangaih lo che tihna a ni reng reng lo. I piancham kha i la hria em ? I lo haw loh zan kha. Khami ni khan i piancham lawmsak che tumin ka inbuatsaih ve nasa a, khami ni ngei khan kan inneih tirha ka hmangaih ang tho che khan ka la hmangaih reng che a ni tih hrilh che ka tum a ni. Mahse min phatsanin ngaihzawng i nei reng tih ka hre ta zawk a nih kha. Khata chin kha chu ka hmangaih che tih pawh hrilh che ka tum tawh ngai lo. Ka awm awmin ka awm ve tawp tawh a nih kha. Mahse maw pa a, hmana ka hmangaih ang tho che khan tunah pawh hian ka la hmangaih reng che asin!

Khawngaih takin min kalsan suh aw. Ke nei lovin ruanbanlo ni dawn tawh mah la, a bak awm thei tawh lo tur khawpa nasain ka hmangaih reng tho ang che. I inzaih chhungin pawnah kan lo nghak ang che, ka hmangaih che," tiin ka kut chu fawp vawng vawngin a tho a. Min lo hmangaihzia ka hriatin a chunga ka lo sual á¹­hinzia ka ngaituah a, ka inchhir lutuk chu ka mittui a tla hial a ni. A chhuak tur chu a kutah ka lo chelh vat a. A phu deuh zawkin ka hria. A kuta la chelh reng chung chuan min khuhna puan chu hlipin ka tho a. Amah chu va kuah vatin, "Min ngaidam ang che. Hmangaih tlak loh heti ema min hmangaih hi ka lo hrethiam lo a ni. Min ngaidam thei a nih chuan hei hi ka tiam ang che, ka tiam ang mawlh che, tun aá¹­ang chuan ka diklohna leh sualnate avangin i na tawh lo vang a, i tan khawvela pasal á¹­ha ber ka ni tawh ang. 

Nu-i, ka hmangaih che," ka ti a. Mak ti hmel takin, "Eng nge awmzia ? I ke a na lo maw ? I lu leh i ban te pawh ? I accident lo tihna em ni ?" a lo ti vat a. "Aw, nu-i, engtin mah ka awm lo, ka accident lo hrim hrim. Min hmangaih em tih hriat theihna tura lemchanna mai mai a nih kha," ka ti a. A lawm leh ka tihder avanga thinrim bawk si chu mittui nen, "Mi a pa, ka hlauhthawn hmanzia kha i hria em?" tiin min kék bu lawp lawp a. 

"Hmangaihna hi inzahtawnna, inhriatthiamtawnna leh inrintawnnate nen an thawh ho loh chuan hmangaihna famkim a ni ngai lo".

By - JH Davies Tlangthan

Post a Comment

  1. Ngaihnawm hle ma.

    ReplyDelete
  2. Chhiar a nuam in zirtir a nei tha bawk si . Chhiar a man hla kher teh e ..

    ReplyDelete

Powered by Blogger.