Aizawl the 17th July 2023 : Mizoram Rural Bank Chairman thar Pi Sheryl L. Vanchhong, d/o Pu Remmawia Vanchhong, MCS (Rtd.), chuan vawiin khan a hna a zawm. Pi Sheryl L. Vanchhong hi kum 2001 khan State Bank of India (Delhi Circle)-ah Probationary Officer-ah bultanin SBI branch hrang hrang - New Delhi, Kota (Rajasthan), Dehradun leh Noida-ah te a thawk tawh a.
Kum 2006 khan NE Circle lamah transfer niin Mizoram chhungah pawh Branch Manager, SBI New Secretariat Branch bakah Mission Veng Branch & Aizawl Main Branch ah te a thawk tawh a ni. hemi hnuah State Bank Institute of Learning & Development (SBILD) Guwahati-ah Faculty hna zawmin, tuna MRB Chairman hna a zawm hma chiah khan Head of Stressed Assets Recovery Branch (SARB) Guwahati, SBI hna a thawk bawk a. Pi Sheryl L. Vanchhong hian MRB Chairman hna hi deputation-in kum 3 chhung a chelh dawn a ni.
Mizoram Rural Bank hi September, 1983 khan Regional Rural Banks Act 1976 hnuaiah din tan a ni a. MRB shareholder-te chu GOI 50%, Govt of Mizoram 15% leh SBI 35%. Tun dinhmunah Mizoram Rural Bank hian Branch 102 leh hnathawk 475 a nei mek a ni.
"Abilify ruined my life" reflects the difficult experiences some individuals face due to side effects of this medication, highlighting the importance of careful medical supervision and personalized treatment options. abilify ruined my life
ReplyDelete