ADHAAR HI ENGE A NIH
- Vanneihthanga Vanchhawng
(Aadhaar is a 12-digit unique identification number issued by the Indian government to every individual resident of India. The Unique Identification Authority of India (UDAI), which functions under the Planning Commission of India, is responsible for managing Aadhaar numbers and Aadhaar identification cards - Definition from WhatIs.com)
India ramah hian zirna avangte eizawnna avangte-a awm ramdang mi an tam em em a. Foreign company lian tak tak an rawn in hung khep khup bawk a ni. India khua leh tui dik tak bakah rampawn lam mi, dan ang thlap-a awm te chhinchhiah nan Adhaar hi siam a ni.
Naupang kum khat chin chunglam tan adhaar card hi dil theih a ni a, kum 5 chin hnuai lam tan biomatrics data (kutzungpui thla) lak a ngai lo. An adhaar kha an nulehpa emaw an mahni enkawltute adhaar nen link tur a ni. Naupang kum nga an tlin hmain an kuzia hi a danglam thin a, kum 5 an tlin hnuah an dam chhungin a danglam tawh ngai lo a ni. Adhaar nei naupang chu kum 5 a tlin hnuah a biometric hi lak tur a ni a, chu chu a adhaar card nen thlunzawm (link) tur a ni.
(Children & kids above 1 year of age can apply for AADHAAR card. Kids' biometrics data, such as finger prints, keep changing frequently upto 5 years of age. Therefore no biometric data will be collected for kids below 5 years age. For children below 5 years age, the AADHAAR card will be linked to their guardian / parents. When the child turns 5 years age, his/her biometric data will be collected and linked to his/her AADHAAR card)
Mizoramah Adhhar card hi sakawlh hmanrua ni tura ngai an tam hle mai a. Adhaar neih chu thlarau boralna hial thlen thei turah an ngaih tlat avangin an laina hnai leh thiante an vei em em a, adhaar hlauhna chang hrelo te chu thil hrelo leh mawl zawkah an ngai tlat mai a ni. Adhaar hlauhawm loh zia thusawi reng reng an bengarawngah an khung duh lova, hnial khan an zawng char char mai a ni. Adhaar card leh sakawlh inkungkaihna lam sawithiam leh thuziak an bengkhawn em em thung a, chung mi te thusawi leh thuziak te chu midang hnena hlanchhawng leh thei tur khawpin an ngaithlain an chhiar nawn tlut tlut thung thin.
He zirtirna dik lo hian mimal leh chhungkaw tam tak rilru a ti buai mek a, mi tamtakin Kohhran an chhuahsan phah hial a, a pawi em em a ni. Chuvangin thu dik lo leh zeldin thubawl mai mai hmanga mi tam tak rilru hruaikawi theihna a nih avangin, Adhaar sakawlh nena inkungkaih anga zirtirna thuziak reng reng chu he MSR ah hian approve loh kan tum tawh dawn a ni. Thu post comment lam hi erawh thudik an hriatfiah ve mial theih nan an tan kan phalrai ve chauh ang.
Thupuan 13 : 7 ah chuan "chi tinreng te, mi tinreng te, tawng tinreng te, hnam tinreng te chunga thuneihna a hnenah pek a ni bawk a" tih kan hmu a ni. Khawvel mi tinrengte chungah thu a nei dawn tihna a ni a, Adhaar hi chuan India ramchhunga chengte chiah a huam.
Tin, bung 13 tho, chang 8-ah chuan he sakawlh chungchang bawk hi tihian a sawi a, "Tichuan, leia awm zawng zawng, leilung pian tirha talh tawh Beramno Nunna Bua hming ziak loh apiang chuan pathian chibai bukin an buk ang" a ti. Adhaar nei te hian a siamtu India sorkar hi pathian chibai bukin an buk lo tih hre bawk ta ila.
Thupuan Bung 13:16-17 ah chuan "Tin, mi zawng zawng a lian a tein, a hausa a reitheiin, bawih leh bawih lo pawh, an kut dinglamah emaw, an chalah emaw chhinchhiahna a neih tir hlawm a; chhinchhiahna sakawlh hming emaw, a hming nambar emaw neite chauh lo chuan, tu man engmah an lei leh an hralh theih loh nan" tiin a ziak a ni.
Mi zawng zawng tih a ni a, sawi tawh angin Adhaar chu India ram chhung chauh huam a nia. Sakawlh hian nausen pianghlim atanga mirethei leh hausa zawng zawng an kut dinglamah emaw chalah emaw a chhinchhiah dawn tih a ni. Adhaar hi chu a dilna form a awm a, dil/apply a ngai a, tumah tihluihnain an nawr lo. A duh lo chuan neih loh theih a ni a, a nei lo chuan sorkar dan anga mihring hriatchian loh a nih avangin thil tamtakah harsatna a tawk dawn a ni chauh zawk.
Lei leh hralh thuah chuan adhaar nei lo tan GST neih theih a ni lova, sumdawnna lian tham khawih theih a ni lo ang. Adhaar neilo mahse, a leina tur pawisa an neih phawt chuan dawr hrang hrangah mimal mamawh an lei thei reng. An neih thil pawh a hralh thei bawk. Adhaar hian a phuar reng reng lo.
Kan Bible-in sakawlh number hi 666 niin a sawi a, digit thum chauh a ni a, adhaar hi chuan number in ang lo vek digit 12 a nei thung. Lo sawi sakawlh luih tlat hi a awm ang lo hle a ni.
Adhaar chungchanga insawithaihna avangin adhaar mamawh em em nei ngam lo mimal leh chhungkaw tam tak an awm a, buaina an tawk mek a ni. Hetiang zirtirna dik lo lakah hian mipui i fimkhur ang u.
