TIMES OF MIZORAM

Tweet Share Share Share Share Share

NGHILH NI I AWM DAWN LO - Lalsangzuali Sailo

ToMZ September 22, 2017

NGHILH NI I AWM DAWN LO

Nang ngaih lai hi ka bang thei dawn lo,

Khuarei kumsul lam ang her mah se;

A zual si thin i zuna uai hi,

Nghilh thei reng hian ka mawi si lo!

Ka ngam lo....sam ang ka then rur che,

A riang hi min nghilh bik lo la;

Ami zaleng ten lung an rual laiin,

Kei zawng mahte'n lung ka vai..

Za tlang dan karah leng mah la,

Thaikawiin biahthu i hril dun ang;

Min hualhim se Khuanuleng hian,

Tawn leh ni a la her mahna!

Ka riang chuang e...zaleng hei zingah,

Minhnemtu reng hi ka tawng si lo,

Min dawn ve maw kei ka d ve khan,

Nghilh ni reng hi i awm dawn lo...

(He hla hi Lengzem hla ha chuan,pi Zualbawihi hla phuah hmasak ber ani a,

kum1967 November thla a phuah a ni)

Mizo Hla

Tweet Share Share Share Share Share

ZORAM DUNG LEH VANG HI THLIR VEL TEH U - Lalsangzuali Sailo

ToMZ September 22, 2017

ZORAM DUNG LEH VANG HI THLIR VEL TEH U

1) zoram dung leh väng hi thlir vèl teh u.

Kristian isua ringtu in ti te hi.

Sualna tuifawn kär ah kan pil mèk e,

Harhna kan ngai,harhna kan ngai em e.

Aw Isu lo lèngla mitin thinlung ah hian.

I thlarau thianghlim kan ngen min hruai turin,

mi maltin chhungkua leh i kohhrante.

Min ti harh turin Lalpa kan ngai em a che.

2) malsawm tin rèng kan dawng zofa lèng ten.

Mahse duham chimlem nei lo kan ni.

I duh zawng haiderin kan väk bova.

Min ngaidam rath Lalpa kan sual a ni.

3) mihring pakhat tana malsawm thlentu.

Ni thei i la a ropui dawn mange.

Krista chanchin ziahna in ti si in.

Kan nun ah reng i hmel a lang si lo.

Mizo Hla

Tweet Share Share Share Share Share

THINLAIAH I HLUI LO - Lalsangzuali Sailo

ToMZ September 22, 2017

THINLAIAH I HLUI LO

FAMCHANG HNU KA CHUNNUNNEMI,

Kum sawm sul a liam ta...fam dairial i channa:

Mahse i dai chuanglo,thinlaiah i hlui lo ve,

I sakhming mawi zaiinka rawn chawi zel dawn e....

A thar zel aw! nang, ngaih lai,

Ka chunnunnem thinlaiah i hlui lo,i hlui lo,

I sakhming tham ral mai tura'n zawng

Ka phal lo,zaia chawiin

Ka au zel dawn che....

Tawn loh kar khua rei chhung hianin maw,

Biahthu tinkim hlan tur he a tam lua ka ti:

Theih chang se,vawikhat tal intawng leh ila,

Ka hlan nang che lungchimte'n lo ngai teh ang che....

Fam i chan dawn a piang i hraite,

Khuannu hualin mawite'n,damte'n a seilian e:

I hraichawi dangte pawn lanu,val an chang zo ta:

Kei pawn thlangkhuandimin hrai duhleng ka awi e....

I silhpuan hlui zawngte thlir changin,

Kan en ning thei lo asin,awmkhawhar min hnem:

Duhte'n ka vawng zel e,mahse,hrilh tihai sei thlawn,

Kirtiang relin hringmi i hraileng min awm rawh....

Zawlkhawpui lamtluang zau fan changin,

Mite zawng an chun nen nau ang an nuiza:

Saisenteta min chawiliantu Chun tawn ni awm lo,

Dawn a sei,lung ka vai....thinlai na dam thei lo.....

(Kum 1982 kum a pi Zualbawihi'n a nu angaih em em Kum 10

liam ta a boral ta hriat reng nan a phuah ani)

Mizo Hla

Tweet Share Share Share Share Share

VAU THLA - Mizo Hla Ziak

ToMZ September 22, 2017

VAU THLA

1) Ka hawi vèl Turnipui sensa hnuaia'n

Tuangtuah leh Vau par tin an vul chiai e,

Thlir n mualtin Romei a kai chiai e,

Enchimloh aw Vau thla èng nuam.

Aw siamtu kut chhuak rèng lo ni e,

An fak ninglo hramthiam awmawi zawng te'n.

Thlir ve te u ,Khuatin an mawi hluan e.

Enchimloh aw vau thla èng nuam.

2) sik nipui tuar hnu thing lenbuang zawng pawh.

Chawr tin duatin hnah nèm chhuah hring nghial e.

Zai tin rem thiam lelthang ngirtling chenin,

Vau thla ni èng an awi bäng lo.

3) Tlai nèman hringfa zalèng naunawn te'n,

Vän dumpawl riai boruak thiang lèng kara'n.

Lèng tin kaina sumtual an nui hiau ve,

Thlang tlai liam tùr kawl èng hnuaiah.

4) Aw, par tin,nungcha leh hringnun chen hian.

An ral leh thin ni rei lèng thei lo hian.

Mahse Vau thla hun mawi ber leh duhawm,

Chäm reng mai la Pialleiah hian.

Mizo Hla

Tweet Share Share Share Share Share

Chun Nunnemi - Lalsangzuali Sailo

ToMZ September 22, 2017

Chun Nunnemi

1. Kumsul lamang lo vei leh in luunglen a tho leh e,

Kei ka chun nu rihsang mual liam hnu ka ngai thin;

Ngaihlai a zual thin e tah lai ka bang thei love,

Ka au zel dawn ka nu min chhang ve maw.

2. Thiam zir turin thlangkawrvaiah mi lo tir e,

Tluangte'n khuanu leng zarah ka lo pass ve ta;

Lamang ka lo let leh e kan Saikhawpui sumtual a'n,

Kei ka chun nu tawnni i awm ve lo.

3. I sulhnu leh i hlimthlaleng mai maw kan run mawi tu,

Run in sumtual a ngui ruai e, a ngui ruai e;

Chunnu lova tlaini len zawng kan zuam lul love,

Ka nu ka nu i dawn kim lo a ni.

4. Suihlunglen niin kan chhuahtlangah ka rawn zwng zel che,

Ka phal thei lo i tan thlan thim ka phal lullo;

Hawn ka nuam e ka tawng mahna i rauvi thla,

Mahriak ten maw chhamang i lo zal le.

5. Ka nu thlangkawrvai parmawi ka rawn hawn ve che a sin,

Lungpui rapthlak nghaktu che hi ka chei na'ng e;

Lo en ve teh i hraileng in parmawi a rawn hawn e,

Piallei thima'n chhamang i lo zal le.

6. Thlangkawrvaiah ka zawng zel dawn kei ka chun Nunnemi,

Kir leh hian i mawi lo rihsang kai an ti che;

I hming sawilai ka bang dawn lo khuarei mah se,

Ka nu ka nu mi ngai ve lo em ni?

7. Thlangsapui val iangin thangvan a len ka nuam mange,

Ka tawng mahna ka chun nunnem ka tawng mahna;

Lo ngai ve teh an sawi Radio lo ngai ve teh,

I hrai duh leng in a au che.

8. Zalengte u min sel lo u ka tuarthiamlo a ni,

Ka riang chuang e vanhnuai he lei chin an maw!;

Famngaih zun leng a na lua e, tahlai ka bang love,

Engtikah tak tah lai bang ang i maw!

Mizo Hla

Tweet Share Share Share Share Share

KA DUH BER LALPA - Words : Lalsangzuali Sailo - Tune : Bunglienkung

ToMZ September 22, 2017

KA DUH BER LALPA

Words : Lalsangzuali Sailo

Tune : Bunglienkung

1. Hei leh chen kum tam min hruaitu,

Ka Lalpa, ka tan i va tha em!

Malsawm tinreng ka chhiar seng lo,

Hlim leh lawmna chatuan nun nen.

I tello chuanin mit khap kar pawh,

Ka nung zo lo ka chau leh thin;

Nang chauh i ni ka duh ber leh,

Chatuan thlenga ka belh tur chu.

2. Ka chhingmit khua fiah lo mah se,

Thlarau miten a fiah ka chhandamtu;

Ka vui lo ve engpawh thleng se,

Chatuan khawvar min hruai thleng ang.

3. Ka hahchawlhna leh thlamuanna,

Innghahna leh beisei dang ka nei lo;

Ka pumin nei rawh ka inhlan e,

I angchhung muanna ka rawn pan e.’

4. Natna leh hrehawmna khawvel,

Buai leh lungngaihna ram ah hian;

Ka ngai zual che ka chhandamtu Lalpa,

I kianga len hlan ka nghakhlel e.

Mizo Hla

Tweet Share Share Share Share Share

INTAWNG LEH NGEI ANG AW - CFL Hmingthanga

ToMZ September 22, 2017

INTAWNG LEH NGEI ANG AW

FM: Kan vàngkhawpui bela chhîngkhual i rawn chanlai khan e

Kar pawh awm hman lovin ka lo hmangaih reng che a maw

Mahse tuantul vàng hian min liamsan leh ta si

Kan intawng leh ang tih tal min tiam rawh

M: Tuar i har dawn ngei ka di i sakhmelmawi ka thlirin

Hmangaihna chhîngmit ngeia min thlir vàng hian

Ka tiam nang che rinawmin lo awm reng la

Duhluat vàngin lam ang ka lo let leh ngei ang

Ka tuar nem thei dawn lo sam ang kan inthen chuan

Sakhmelmawi leh ka di lalnunnemte aw

Kumpuisul vei hma hian intawng leh ngei ang aw

Thlafam chan hma loh chuan e ka tangah bei hle hle

FM: Hmangaih dang nei reng chung chuan biahthudi min hlan lo la

Ka thianghlimna parmawi thliaka min liamsan leh si chuan

Riakmaw ianga vaiin dairial ka chang ngei ang

Ka dawn sei ngam lo aw ka chan tùr hi

M: Siktui luankir hma loh chuan rinawmin awm reng nang e

Ka nunna chhalin ka tiam nawn leh nang che

Ka hmangaih che duhlai di enchim loh

Min hriatpui tùrin Khuanu ka thlang nang e

FM: Suihlung muangten hmangaihnain ka lo nghak reng ang che

Kumtluang i thai ka chan thlengin ka hmangaih reng ang che

M: Suihlung muangten zanmu lo chhîng tawh la

Kan tiamthu di zawng kha i vawng dun zêl ang aw

Mizo Hla

Job News