Tweet Share Share Share Share Share

November 04, 2017
Vawiin khan Ruallung Khua Field-ah ‘Thalfavang Kut’ hman a ni a, Ruallung Khua buatsaih a ni. He hunah hian Home Minister Pu R. Lalzirliana chu Khuallian a ni a. Minister of State Pi Vanlalawmpuii Chawngthu chuan Home Minister hi a tawiawm a ni.
Home Minister chuan kut hlimawm tak buatsaih a ni chu lawmawm a tih thu a sawi a. Khawpui zawka pem chhuak ten theihtawp chhuahin an khua tan an thawk hi Ruallung vanneihna a ni, tiin midang tana thil tha titu nih hi a pawimawh a ni, a ti a. Zirna chungchang sawiin zirna in tam neih ai chuan zirna tha leh quality sang neih a pawimawh zawk a ni tiin zirlai tha leh ram tana mi tangkai chherchhuah theihna tur buatsaih a tul a ni, a ti a. Police hna lak tur pawh dik taka lak tum a nih thu sawiin, exam a titha apiang lak an nih tur thu a sawi a. Paper en dikna kawngah pawh fair taka tih tum a nih thu a tarlang a. Police hna nilo hna dangah pawh diltuten rilru puitling tak pu chungin mahni thiamna hmang ngeia tlin kan tum tur a ni, a ti a. Thalfavang Kut buatsaih a ni chu zawngchhang tlak a tih thu sawiin kan mizo culture chawisanna kawng pakhat a ni, a ti bawk.

Minister of State, Pi Vanlalawmpuii Chawngthu chuan Ruallung khua atanga pem chhuak tawh ten mahni khaw chhuahna ngai pawimawh a, ngaihsan nachang an hria chu chhuanawm a tih thu a sawi a. Khaw dang tan pawh an entawntlak hle a ni, a ti a. Hmeichhiate tana hamthatna hrang hrang te chu kan hriatchian bakah kan hman tangkai a ngai a ni, tiin kalkhawmte a fuih a. Kut hlimawm tak hmang turin duhsakna a hlan nghal a ni.

Programme hi Ruallung Khawchhuak Welfare (RKW) Chairman, Pu R. Lalthatluanga chuan kaihruaiin  Thalfavang Kut Organising Committee Chairman Pu Lalnunkunga Sailo chuan inlawmna thu a sawi a. RKW General Secretary, Pu K.L.Liannghaka atangin report ngaihthlak a ni a. Ruallung khawchhuak mi hlawhtling hmasa Pu K. Thanhlira leh a nupui Pi Haukhumi te chu Kut Nu le Pa atan ruat niin Pu K. Thanhlira’n thusawina hun a nei a. VCP Pu H. Zarzoliana’n thusawina hun a nei bawk a.  Kum 80 chunglam thilpek hlanna neih niin Ruallung Khawchhuak mi hmingthate chawimawina hun neih a ni a. Item hrang hrang entir a ni a, chungte chu – costume parade, live band, solo bakah hnam lam hrang hrang entir a ni bawk. Ruallung Branch YMA President Pu. H. Lalhmangaihzuala chuan lawmthu sawina in hun a khar a. Programme hi Kut ruai in a zui a, zan lamah Concert a awm bawk a ni.

Kut hi ni hnih awh niin November Ni 2, 2017 khan tan a ni tawh a. November Ni 4 hian Thalfavang Kut pualin Free Clinic a awm dawn a ni.
Read more »
Tweet Share Share Share Share Share

November 04, 2017
I League champion Aizawl FC chuan November 6 khian Nehru Park, Chennai-ah ISL club Chennaiyin FC nen friendly match an khel dawn. AFC hian vawiin hian Aizawl an chhuahsan ang a, November 7-ah an rawn let lehnghal ang.

Mizoram Premier League Season 6-a pahnihna dinhmun hauh mektu Aizawl FC hian I League-a an chhawr tur foreigner paruk an kawl kim tawh a, Japanese striker Yugo Kobayashi chuan October 29, Pathianni khan Aizawl a rawn thleng.

Kobayashi hmaa training zawm tawh Nigerian defender Kareem Omolaja Nurain, Liberian midfielder Alfred Kemah Jaryan, Romanian midfielder Andrei Ionescu leh Afghan defender Masih Saighani te chu MPL-ah an inlan tawh a. Season liam ta MPL5-a Chanmari FC champion puitu Ivorian forward Leonce Dodoz erawhin training zawm tawh mah se MPL khel tur zingah telh a ni lo.

AFC foreigner paruk hian ISL club Chennaiyin FC hmachhawn turin Chennai an pan vek dawn. Inhliam vangin H. Lalbiakthanga leh damloh vangin Lalrinzuala te an zin ve thei dawn lo a, Mizo player pawimawh dang pathum Lalhriatrenga, William Lalnunfela leh K. Lalṭhathanga te chu harsatna dang vangin an zin ve thei lo bawk.
Read more »
Tweet Share Share Share Share Share

November 04, 2017
Hard Ray Manuna'n "U-ama" Hard Ray vocalist Lalnunkenga Chuaungo (Manuna) chuan Krismas hla thar a tichhuak dawn a, a hla thupui chu "U-ama" a ni. 

Manuna hian Krismas puala a music video thar tur hi a peihfel thawkhat tawh a, Zonet-ah pekchhuah a ni dawn a, MDM chuan an youtube channel-ah an upload dawn bawk.

"U-ama" hi ama phuah niin, hreawm taka awm lo a, nun hlui leh famta te ngaia indawm kun reng lo tur leh, rim taka hna kan thawhte pawh duh tawk a, Lal piancham hlim leh lawm taka hmang tura infuihna lam hla a ni. Music video atan hian a bandmate-te'n tha an thawh liam liam a, Hard Ray kut chhuak ti pawhin a sawi theih ang. Recording hi Princton Record-ah, Hard Ray member Malsawma'n a thlawnin a tihsak a, Mixing hi Ramtea'n a khawihsak. A video hi an band member tho, Mawitea Hauchhum (RDS Shot) kutchhuak a ni a, an thiam thil hrang hrangte khawn khawmin Music Video ṭha tak min hlui dawn a ni. Model thuam erawh Ruthy Ahmangaihi kutchhuak a ni thung. 

Shooting hi Aizawl khawpui chhung hmun hrang hrangah neih a ni a, nikum Krismas lai vela veng chei mawi tak takte pawh kha hmuh tur a awm dawn a ni. 

Read more »
Tweet Share Share Share Share Share

November 04, 2017
Governor Lt.Gen. Nirbhay Sharma chuan tun kar chhunga a ni thumna atan nimin khan Aizawl khawpuia hmun hrang hrang a fang leh a; Synod Office, Synod Higher Secondary School, Seventh Day Adventist Hospital leh Gan Sabra-te a tlawh.

Synod Office a tlawhnaah Governor hi Synod moderator Rev. Lalzuithanga leh hruaitu dangte nen an inkâwm a; Larsap chuan, sipaia a ṭan chhungin Mizoram tih loh India ramria state-ahte a awm tawh thu sawiin, "Mizoram chu heng ramria awm state-te zinga hmasawn chak ber pawl a ni a, hei hi kohhran, tlawmngai pawl leh mipui vang a ni," a ti.

Lt.Gen. Nirbhay Sharma chuan, faina, ziak leh chhiar thiam leh thil hrang hrangah Mizoram chu changkâng tawh hle mah se, eng vangin nge India ramah a berte zingah a tel loh tih inzawh a ngaih thu sawiin, "Sorkarin a tih tur ti mah se, mipui pawhin mawhphurhna kan nei ve a, intodelh kawngah kohhran chuan mipui a zirtir thei a ni," a ti a; mahni chauh inen lo a, mi dangte chìn dan ṭha entawn a pawimawh thu a sawi.

Governor hian Synod Higher Secondary School a tlawhnaah, zirlai naupangte chu an tumah chiang turin a chah a; an tuma an chian phawt chuan engmahin a dâl loh tur thu a sawi.

Seventh Day Adventist Hospital a tlawhnaah Larsap hi medical director Dr Eileen Lalrinpuii leh a thawhpuite'n an lo dawngsawng a, damdawi-in hmunhmáte an fankualpui a ni.

Governor chuan, damdawi-ina thawkte inpekna ropui a tih thu sawiin, "Mi dang tana thil ṭha in tih hi Pathian rawngbawlna a ni," a ti a; an hnathawhte tluang taka an chhunzawm theih nan duhsakna a hlan.

Governor chuan Gan Sabra, Zonuam a tlawhnaah naupangte chu thilpek a hlan a, intihhlimna hun a hmanpui a ni.

-Vanglaini

Read more »
Tweet Share Share Share Share Share

November 04, 2017
Chief minister Lal Thanhawla chuan, Mizo Carbon Product-in sorkar laipui aṭanga subsidy a hmuh dan chhui tura CBI koh luh a nih chhan chu CBI ko lut tura a intiam vang a nih thu a sawi.


Nimina Congress Bhavan-a political session-a thu a sawinaah Lal Thanhawla chuan, "CBI koh luh a nihna tur chhan chu ka lo intiam tawh vang a ni. Mizoram sorkarin a phal loh chuan koh luh ngawt theih a ni lo. Mahse, ka hlauhthawn chu MNF hotupa berin CBI-te chu tham theih a nih thu a lo sawi tawh a, eng pawh chhui chhuak se an sawisel leh tho ang tih ka hlau," a ti.

MPCC President chuan, fûr a nat avangin kawng chhe lo se MNF-in sawi tur an neih loh tur thu sawiin, "Ruahsur nasa hi MNF tan chuan lawmawm tak a ni. Party lian ber inti hian Congress an hlau hle a, an pu ber hian Congress sawi loin thu a sawi tawp thei lo," a ti a; an party chu len belh zelin, Zoram dung leh vângah lawm luh tur an nei zel niin a sawi.

PC sorkar leh MNF sorkarah Mizoram pumpui tan hmasawnna siam a awm loh thu sawiin Lal Thanhawla chuan, "Tuirial HEP leh Referral Hospital-te kan hre tawh. Tuirial HEP hawn mai theih a ni tawh a, Referral Hospital pawh MNF an sorkar lai khan ar vulh nante an hmang mai mai a, tunah chuan kan hotute'n theihtawp chhuahin hma an la a, tlawhtu pawh an tam chho hle tawh a ni," a ti.
Read more »
Tweet Share Share Share Share Share

November 04, 2017
Mizo Students’ Union (MSU) general headquarters chuan MPSC-in Mizoram Judicial Service (MJS) tur lakna a kalpui chungchanga All India Chakma Students’ Union (AICSU) president Dilip Kanti Chakma leh a ukil Joseph L Renthlei thil tih dan chu dan kalh nia an ngaih avangin nimin khan Aizawl Police Station-ah MSU assistant general secretary Vanlalliana Khiangte hmingin first information report (FIR) an thehlut.

MSU tanlan danin, Mizoram Public Service Commission (MPSC)-in MJS (Civil Judge) entry grade post 16 hnawhkhahna tura February 1, 2017-a advertisement a chhuahah AICSU president Dilip Kanti Chakma pawhin dilna a thehlut ve a, eligible candidate list-ah serial no. 212-na a ni.

Hna lak leh exam ṭhenkhatah candidate ni lote mi aiawha exam an awm ṭhin a, hman deuh lawkah pawh Chakma zirlai ṭhenkhatin an aiawha mi dang an exam tir man chhuah a lo ni tawh tih sawiin MSU chuan, "MPSC lamin security thilah mahni ngeiin admit card lam tur a tih avangin Dilip Kanti Chakma hi amah a inlan loh avangin admit card pek a ni lo a, a lungawi lo chuan ukil Joseph L Renthlei ruaiin, Justice Michael Zothankhuma Court-ah signature lem hmangin a zualko a ni," an ti.

MSU chuan, dan zah lotute'n roreltu nihna dinhmun chelh tuma Mizoram ngeia thil an ti chu an duh loh thu sawiin, "Danin a phût anga an chungthu ngaihtuah a nih ngei theih nan MSU chuan hma a la zel dawn a, thil dik lo a ni tih hrereng chunga a ukil Joseph L Renthlei hmalakna hi MSU chuan a dem tak zet a, sum hmuhna tura ram leh hnam pawh hralh hreh lo mi tenawm takah MSU chuan a ngai bawk," an ti a; High Court judge Justice Michael Zothankhuma'n thil dik lo titu a hai lang chu ropui an tih thu an sawi.

Thu dawn danin, Dilip Kanti Chakma-a'n High Court-a writ petition a thehluh chu Justice Michael Zothankhuma'n May 12, 2017-ah a hnâwl. Judge-in thutlukna a siama a lan danin, Dilip Kanti Chakma hian May 11, 2017-a hming a ziah hnan thlap affidavit a nei a; chutih laiin, DK Chakma ukil chuan DK Chakma chuan May 9, 2017-ah Aizawl chhuahsanin Delhi a pan thu Court a hrilh thung.

Dilip Kanti Chakma-a'n May 9-ah Aizawl chhuansanin Delhi a pan anga a ukilin a sawi laiin, May 11-a siam affidavit-ah Dilip Kanti Chakma signature a awm si avangin High Court chuan Dilip Kanti Chakma writ petition chu May 12, 2017-ah a hnâwlsak a ni. Court chuan, Dilip Kanti Chakma chu thil dik lo ti chunga Court-a zualkoah a ngai bawk.

MSU chuan, Dilip Kanti Chakma chu sorkar laipui Mizote hêk ṭhintu leh social media vela Mizote chungchang dik lo taka vawrh darh ṭhintute zinga a meizang hlaptu ber pakhat niin an tarlang.

- Vanglaini
Read more »
Tweet Share Share Share Share Share

November 04, 2017
AIZAWL, Nov 3: BJP would not forge any pre-electoral alliance with Mizo National Front, a constituent of BJP-led North East Democratic Alliance (NEDA) and would contest all the seats in Mizoram Assembly election to be held next year, a senior party leader said today. BJP National Secretary for Scheduled Tribe Morcha, Hayithung Bill Lotha told media persons here that BJP would contest all the 40 seats in Mizoram Assembly election. He claimed the BJP would win the Mizoram Assembly election and would form the government in the State. Lotha said the party would not announce the name of the Chief Ministerial candidate for Mizoram Assembly election. 

The BJP National Secretary for Scheduled Tribe Morcha said he and other party leaders had so far visited 20 Assembly constituencies including the remotest Siaha and Lawngtlai districts. Lotha also claimed that BJP would also form the government in Tripura and also form coalition government with like-minded parties in Meghalaya and Nagaland. Assembly elections in Tripura, Meghalaya and Nagaland are due next year. CBI PROBE: Mizoram Chief Minister Lal Thanhawla today said the State Government has given its consent for a CBI probe into the Central subsidy scam. Addressing Congress workers here, Lal Thanhawla, who is also the president of Mizoram Pradesh Congress Committee said the State Government has the power to request the CBI to investigate the scam. 

In the Central subsidy scam, a company, Mizo Carbon Products had been accused of receiving crores of rupees under the Central Transport Subsidy (CTS) and the Central Investment Subsidy (CIS) by allegedly forging government documents. Meanwhile, the opposition Mizo National Front (MNF), in a press statement said that Lal Thanhawla Government had initially refused a CBI probe into Central subsidy scam and it was the Gauhati High Court that had decided to order the CBI investigations. – PTI
Read more »
Subscribe to: Posts (Atom)

Contact Form

Name

Email *

Message *

TOM © 2026. All Rights Reserved.
Published by Songate G
Powered by Blogger.