PL Thlenga Chhakchhuak
David-a chu rawlthar duhawm leh hmeltha tak mai ani a, a kum 18-na ahmang mek a ni. Mahse, vanduaithlak takin natna khirh tak mai, tihdam hleihtheiloh in kum 10 mi anih atangin a tlakbuak tan a, Doctor-te sawidan chuan; arei berah kum 8 vel dam tura beisei a ni. Chu pawh ala naupang a, thanglai ala nih vang chauh a beisei niin an sawi bawk. Chumi anih avang chuan anu leh pate chuan an duat em em a, kehthei dawmin an dawm takmeuh meuh ani. An fapa neihchhun anih avangin theihtawp chhuahin an enkawl a, sum pawh an seng nasa ngang mai. Nu leh pa hmangaihna thlazar hnuaiah chuan natna khirh tak tuar ani tih pawh hriatloh khawpin apumrua te leh ahmel te alo tha chho em em a. Kum 4/5 vel chu chutiang chuan pangngai takin hun ahmang chho a, mahse kum 15 alo tlin chuan anatna chuan zuallam apan hret hret a, khum betin ana ta hial a ni! Achang phei chuan anu chuan afapa neihchhun, a hmangaih em em chu chan mai dawnin a inhre hial thin!! Theihtawp chhuahin Doctor tha eltiang ber berte rawnin an enkawl a, a rawn tha chhuak ve deuh thin bawk tak na a, mahse rei a daih thei tak tak lo! Kumhnih khat vel chhung chu chutiang chuan an enkawl a, kum 17 atlin kuma Christmas alo thlen chuan, mahni in lumah chhungte nen hlim takin an hmang ho leh thei tawh a, alo pangngai chho leh hret hret a ni. A damloh tantirh atangin pawn a chhuak ngai tawh loa, school pawh kaltir lovin anu chuan inlamah a enkawl chawt a, lehkha tepawh ama'n a zirtir mai thin a.Chutiang chu nimahse tunah chuan kum 18 alo tling ve ta, mite anga hrisel phei chu nise college te kalin, thenrual te nen hlim takin an inkawm anga, a hringnun khawvel a chen ve tur hi ani a. Chutiang chu Davida'n a ngaihtuah phei chuan dam tha taka awm ve chu a thlahlel ngawih ngawih thin a ni. A rilru ana thei em em a, darthlalangah techuan a in en leh thin, midangte aia a hmel mawilohna leh thatlohna a hmu bik silo! Hrisel tha tak phei chu nise, a luck pawl tak ani ngei ang le! A rilruah chuan nula hmeltha tak takte pawh a ngaihtuah ve thin a, ngaihzawng neihte a chak ve em em thin a ni
Doctorte sawi ang anih ngat chuan, tunah hian a kum 18-na a hmang mek tawh a, a damloh tantirh atanga kum 8-na chiah chiah a ni. A damrei tawh dawn lo! Chu chu amah ngei pawhin a hrechiang khawp mai. A thih hmain engemaw tal tih ve aduh a, nikhat chu anu hnenah pawna lenchhuah a dil ta ringawt a, khawlaia mite awmdan leh a rualpui te khawsak dan vel chu belhchian a chak em em a ni. Anu chuan a remtihsak ta a...
Zingah a tho a, a intifai sawk sawk a, nalh takin a inchei a, anu ina tukthuan tuihnai tak alo buatsaih chu tui ti tak leh puar takin a ei a, chaw eikham a, a awm hahdam deuh hnu chuan leng khawthawng tur chuan a chhuak ta a.An in atang mel 8 vela hla a park pakhatah chuan akal a, mi chevel leh khawsa zia te chu athlir reng a. Rawlthar tamtak, amah ang rual te chu thian te nen hlim em em in, eng eng emaw an sawi a, an nui khawk rum rum a, a thente phei chu inngaizawng tih hriat takin an inkuah a, induh hmel em em in an infawp ngawih ngawih mai a ni.
Chutiang ahmuh chuan, rual awhna nasatak amahah alo awm a, chutianga thiante nena awm ve chu a chak a, ngaihzawng neih tepawh a chak ve em em a ni. Athih hmaa hmangaih tawn ve ngei chu a chak ber ani a, atih ngaihna hrelo chuan Pathian hnenah tawngtaiin adil ta tawp nghe nghe ani.Hmun hrang hrangah a kal kual a, chhunah chuan dawrah eng eng emaw eiin a chawl hahdam a, anu nen chuan phone in an inbe deuh reng a, a thil hmuhte leh, akal na chanchinte an inhrilh a ni. Chutiang chuan hun ahmang a, tlai alo nih chuan inlam pana haw zai arel ta a....
A haw kawngah chuan CD Cassette dawr pakhat hi a hmu fuh hlauh a, chumi dawr chu glass vek ani a, pawn atangin chhunglama mite ho chu an hmuh theih vek a ni. Chung ho zingah chuan mipakhat chuan David a mit ala ta nalh mai! Ngun leh zualin a enchiang a, a chevel chu hmuhnawm ava'n titak em! Amit atlai khawp mai.......chu mipakhat amit la em em tu chu; dawr nghaktunu, hmeichhe tleirawl duhawm tak, nuisang a customer te lo chhawn thin tu chu a ni.Engdangmah ngaihtuah lem lovin dawrah chuan alut ve ta rawih a! Dawr nghaktunu chuan hawihhawm takin nuisang chungin alo bia a, David-a chuan duhawm ava'n ti tak em! avawikhat hmuhna atangin a hmangaih nghal niberin a hria! A lai chhe hle nghe nghe a ni.
Hi! "David's CD Library" ah ka lo lawm ache. Tanpui theihna che ka nei em?
Oh! Ka lawm e, in dawr hi ka hming ania....(David-a lai lutuk chu a tawng sual nawk nawk mai) ka sawi awmzia chu In dawr hming hi ka hming nen a inang a.
Ani maw! Anih chuan ka hmaa ding tlangval hmeltha tak hi ahming chu "David". Adik em?
Aw dik e. Hehe
Engnge i duh ve tehmial a, David?
(Aduh ber pawh hrechiang lo chuan ) Ahh! Englo ania, tunlai deuh, cool lampang, music ngaihthlak tur ka duh a, dawr nghaktunu duhawm tak .....(ahming ahriatloh avangin a ngawi zawk a, chutah hmeichhia chuan lo hrethiamin 'Lucy' alo ti vat a) aw, Lucy hian min thlansak thei angem? (lai deuh tak chuan ati ta a)
"Thei tehreng mai, i duhzawng tak tur ka lo thlansak angche" tihpahin cassette dahkhawmna lamah chuan akal ta nghal a. Reilote hnuah alo let a, CD chu pack that sakin, duhsak takin arawn pe a . Tichuan, pawisa ape a, "ka lawm e, Lucy" tihpahin a chhuak ta nghal a.A hlim hlemai David-a chu, apian ahnu lama ahlimber tum ni hialin a hria. Damlo anihna zawng zawng pawh theihnghilh vek khawpin ani ahlim ni!
Mahse, chu dawr nghaktu, tleirawl duhawm tak Lucy' chu biakpawh theihna tur leh, inhmuh theihna hun turte zawt ngam tur chuan huaisenna anei thlawt lo a ni.
A in ngaihtuah harh zawk a, a damloh zia leh thih mai hmabak anihzia te a ngaihtuah a, atan chuan Lucy chu beisei ngam chi ziazang niin ahre silo! Chulo rengah bialpa alo nei reng tawh pawh ani thei a, David-a rilru abuai hlemai. "Lucy hi ka theihnghilh tur a ni, kei mi bawrhsawm, thih mai hmabak hi, anni ang chuan min hmangaih ve thei chuang hlei lo'ng nge, ka tana tahna titam tu mai mai ani zawk dah ang" tiin rilru natak chungin Lucy hawisan zai chu arel ta zawk a ni.Lungngai takin a haw hna hna a, in a thlen chuan, a CD lei pawh chu khawih danglam lemlo chuan alei dan ang angin a drower-ah chuan adah ta tawp a ni.Mahse, Lucy chu a theihnghilh thei reng reng lo! Amel duhawm tak te, anui hmel mawitak te, a mithlaah alo lang a, a tawngkam ngaihnobei tak te, abengah acham reng a, hmuh leh a chak em em a ni.
Atukah chuan a huaisenna zawng zawng sawmkhawmin, Lucy phone number dil tur chuan dawr lam panin akal leh ta a...Dawr athlen chuan angaite bawkin a huaisenna in atlin leh ta chuanglo! CD pakhat alei a, Lucy bawk chuan duhsak takin a thlan sak a, a pack that sak a, aduhber ti talo chuan a haw leh ta ringawt ani.In athleng a, CD chu khawih danglam loh bawkin drower ah chuan adah leh ta ringawt a. Chutiang chuan dawrah chuan akal nitin ta thin a, mahse ahmel ahmuh chuan aduhtawk ringawt zel a ni. 'Mahni insitna' hi mihring nunah hian awm talo se, huaisen takin a hmangaih thu ahrilh ngam tur hi ani a, mahse adinhmun ngaihtuahin a insit lo thei silo!
Avan khawngaihthlak chungchuang bik tak em! Kawng lehlam takin tihian angaihtuah a, Lucy chuan lo duh ve in, lo hmangaih ve emaw pawh nita se, a damrei tawh dawn silo! Reiloteah hringnun khawvel piah lamah akalsan leh mai dawnin a inhre si, rilruna takin asiam emaw aniang a, chutiang tuar tur chuan a hmangaih chu aphal thei silo. Thih hmabakin a hringnun khawhartak chu a hmangliam dawn ta rinngawt a ni.Thla tamtak aliam hnu chuan ahrilselna chu alo tlahniam leh tial tial a, ahma zawng aiin achaklo zual ani. Pawn chhuak thei ziazang anita lo! Karkhat chuang zet chu Lucy hmel pawh ahmu thei tawh lo a. A hmangaih Lucy hmel hmu loa thih mai chu ahlauhber a ni. A liam hmain vawikhat tal Lucy hmel duhawm takte, anui hmel mawi tak te chu hmuh leh achak a ni.
Atawp nan tiin anu hnenah chuan engkim ahrilh a, dawra kal leh chu anu chuan hreh tak chungin a phalsak leh ta ani. An phone number chu lehkhathemah aziak a, a hmangaih Lucy hmel hmuh hlan nghakhlel tak chung chuan dawr lam panin atheih ang tawkin akal a. Dawr ahan thlen chuan angaite bawkin Lucy chuan hawihhawm tak leh nuisang in alo chhawn leh a, a lehkhathem ah chu ngawi rengin a pe ringawt a, engdangmah sawi lemlo chuan a hawsan leh ta a ni.In athlen chuan athaw hlawp hlawp a, chau tih hriat tak hian thutthleng seiah alet tawp a. Anu chuan alo bawihsawm nghal vat a. A natna chu azual hlemai! Mahse, a rilru chu ahlim ani, Lucy nuihmel mawitak leh duhawm tak chu a mithla a, rilru a nui ver ver chungin amuhil ta!
Anu mangang chuan Doctor aphone nghal a, arang arangin damdawiin anpan a, mahse mihring achang zo talo! A hmangaih Lucy chu han hria se, engtin tak ngai ang maw? A rilru ana ve tho in ka ring! Damdawiin atang chuan aruang an phur haw a, he leia tho leh tawh ngai lo turin thlanthim thuktakah an phum bo ta! Anu leh pate rilru ava na tehreng em! An in chu an fapa tello chuan areh ruih a, thlaler khawro angmai ani!
Anu chuan afapa nunhlui leh sulhnute a chhuikir a, a hlimthla te enin amittui asur sung sung a. Afapa duat David-a room vel a singsak lai chuan drower a Cd cassette alo dahthat, tha taka alei dan ang anga intuam chu ahmu ta a. Anu chuan a hawng a, achhungah chuan lehkhathem alo awm a, ahan chhiar nak chuan; Lucy-ina David-a aduh ve thu alo ziah ani a, phone number alo dah tel a, be turin ati hi alo ni. Chumi ahmuh chuan anu chu arilru ana zual a,"Aw,ka fapa, ka duat David, i hmangaih Lucy hian ahmangaih ve che asin!" tiin atap zawih zawih a ni.
Atukah chuan anu chuan phone call adawng a, Lucy alo ni! Chu hming ahriat rual chuan anu chu ahnuk a ulh a, engmah sawi tha hleithei lovin atap ta ringawt mai a ni. Ahnu deuh chuan a inti pachang a, thil awmzia zawng zawng chu a hrilh ta vek a, an pahnih chuan an tap dun ta ngawih ngawih mai a ni.
A PAWI A NI ! Hringnun hi ava'n fair lo tak em !
Lucy chuan khatia an inhmuh hmasak ber atang khan David-a chu alo duh ve hlemaia, a CD Cassette lei apiangah khan a phone number dahin, lo be turin a ti ziah thin alo ni. Mahse, David-a khan chutiang chu a ringpha lova, en nachang reng a hrelo. Chutiang chu nilo ta se, Lucy in aduh ve ani tihte, aphone number dah thin te kha hmu ve ta se, a nun pawh a danglam phah ngei ang. Mahse anih tur ang ani zo tawh a, engkim atlai zo ta! 'A PAWI A NI' tih mai loh chu sawitheih annei talo!!
Unau duh tak tunah khan hmangaihtu pawh nei ve loa in hria in mal ngawih ngawih ni in I in hria em? Anih loh leh a ruka hmangaih deuh I hmangaihthu I hrilh ngaaam si loh, hrlh ta la a hmangaih ve che a I rin loh hmangaih deuh te I nei em. A nih loh leh I hmangaih deuh khan a kalsan che avangin rlru hrehawm takin I awm mek em ni? Hnawl nih hi khawvela thil hrehawm ber pakhat ani ngei mai Mahse Isuan a hmnagaih che a sin. I aw hriat chak in nitin a ngai chang che a. I room ah khan lut la thingthi la Isuan phone number a pek che tawngtaina kha hmang tangkai rawh le..I aw hriat chakin a nghak reng che a sin. A tlai lutuk hma hian I be dawn lom ni?
Isua I hmangaih thu hrilh ve rawh le..I buaina , harsatna zawng leh I thuruk berber thlengin Isua i hrilh thina..Mahse amah i hmangaih thu tak hi chu i hrlh tlem hle lo maw.?.A hmangaih che avangin I aw hriat chakn nitn a ngai chang reng che a sin. I mhangaih thu i hrilh ngaithla chakin nitin phone number a pe thin che a..Mahse i ngaihsak si lo...I buaina chinfel saktu atan chuan i duh a, i mamawh te i thlen thina.. Mahse ani chuan I hmangaih zia thu hi i ka atangin hriat a chak ve thin a sin.." Min Hmangaihtu Lalpa ka hmangaih che" han ti ringawt teh tunah khan avan lawm dawn em..
Post a Comment