US Congressman Ted Poe chuan US House of Representative hnenah Pakistan chu firfiakte puitu ramah puang tur leh, non-NATO hnuaia US thawhpui ram aṭanga paih turin a ngen a, Pakistan sipai hnena ṭanpuina sum pek ṭhin pawh titawp turin a ngen bawk.
Poe chuan Pakistan thu sawi dan leh thiltih dan inang lo tak ṭhin chu America mipui tam zawkin an ngaihven lo a, mahse hei hi ngaihven a hun tawh a ni, a ti. Pakistan-in firfiak pawl hrang hrang a thlawp ṭhin tih finfiahna te pawh a awm vek a ni, a ti. Kum 1990 aṭang khan Pakistan chuan India nena an inbeihnaah firfiak pawl, Lashkar-e-Taiba (LeT) chu a thlawp a, he pawl hian India ram chhungah vawi tam tak pawikhawihna an thlen tawh a ni, a ti.
Pakistan chuan LeT leh firfiak pawl dangte chuan an ram chhung ngeiah ualau taka sum an tuak leh khawn te a phalsak tih Poe chuan a sawi. Hei bakah hian Afghan Taliban-te pawh training te pawh pein, hmanrua te pawh an pe tel ṭhin a ni, a tibawk.
Source : Vanglaini
Post a Comment