Mi tam tak chuan kal tha lo an neih hian an hre lawk lo va, a tawpkhawk, tihdam ngaihna a awm tawh loh hnuah an hre chauh va, an thihpui fo thin. Kal tha lo hi chu hriat hma a pawimawh em em a, kan hriat hma leh tihdam a awlsam thin.Kan inven theih nan a hnuaia mite hi kan tawng em tih in en ngun ila a duhawm hle
:-ZUN DAN PHUNG DANGLAM :Kal tha lo in a nghawng hmasakber chu zun dan phung hi a ni a, a tam leh a atlem dan a danglam thin a, tin, zun rawn khawh chhuah dan nat/chak lam pawh a nep in a nasa sawt thei bawk, a bik takin zan lamah. A rawng pawh a lo danglamin a lo uk deuh thei bawk a. Zun chhuak deuh anga lang si, zun dawn a zun tur mumal awm leh si lo ang te in a awm thei a ni.
ZUNAH THISEN: Hei hi kal thalo entirna dik tak a ni a. I zunah thisen a tel a nih chuan a rang lamin doctor rawn vat ang che.
VUNG :Kal hi taksa atanga tui bawlhhlawh paihchhuaktu ber a ni tih kan hria a. Kal a lo that lova chu hna chu thawh that theih loh chuan taksa atanga tui bawlhhlawh chhuak tur khaa inkhawlkhawm a, chu chuan hmai, kut leh keah te vung a rawn siam thin a ni. Hetiang hii tawk a nih chuan rang taka doctor rawn vat a tul tih hria ang che.
NGUAI LEH CHAUH NGAWIH NGAWIHNA :Kal hian hormone chi khat, erythropoietin, thisen (red blood cell) te oxygen sem kualkawnga puitu a siam chhuak thin a. Kal a lo that lova, erythropoietin a siam tlem chuan red blood cell level a lo hniam a, thisen tlakchhamna (anaemia) a thleng thei a ni. Red blood cell level tlakhniam vang hian taksa cell ten oxygen duhkhawp an hmu thei lo va, chu chuan chauh ngawih ngawihna a thlen thin a ni. Hetiang hi tawk a nih chuan rang taka doctor rawn vat a tul tih hria ang che.
LUHAI LEH THIL NGAIHTUAH BING THEIH LOHNA :Kal tha lo vanga thisen tlakchhamna (anaemia) a lo thlen hian thluak lam pawhin oxygen duhkhawp a hmu lo va, hei vang hian an luhai leh thil ngaihtuah bing hleih theih lohna a thlen thin a ni. Hetianghi i tawk a nih chuan rang takadoctor rawn vat a tul tih hria ang che.
VAWT TI RENG MAI :Kal that loh vanga thisen tlak-chhamna (anemia) vang hian khawlum lai leh hmun lumah pawh vawt deuh sung renga hriatna a thleng thei a. Pyelonephritis (kal natna) hiankhawsik leh vawt tihna a thlen thei bawk. Hetiang hi i tawk a nih chuan rang taka doctor rawn vat a tul tih hria ang che.
VUNAH BAWL LEH THAK :Taksa atanga tui bawlhlawh chhuak tha thei lo inkhawl khawm chuan thisenah bawlhhlawh a titam a, hei hian vunah bawl leh thak a siamthin a ni. Hetiang hi i tawka nih chuan rang taka doctor rawn vat a tul tih hria ang che.
THAWK RIMCHHIA LEH KA TUI LO :Kal tha lo hian thisenah Urea level a tisang a. He Urea darh hian chilah ammonia (boruak rimchhia) a siam a, zun hing rim nam deuhlek lek, Ammonia Breath an tihmai chu a siam ta thin a ni. Heihian ka ti tui lo a thlen tel thin bawk. Hetiang hi i tawk a nih chuan rang taka doctor rawn vat a tul tih hria ang che.
LUAKCHHUAK LEH LUAK :Kala bawlhhlawh lo awm tam chuan luakchhuak bur leh luaka thlen thei bawk. Hetiang hi i tawk a nih chuan rang taka doctor rawn vat a tul tih hria ang che.
THAWK TAWI/RANG:Kal natna hian chuapah tui tling a siam thin a, chubakah thisen tlakchhamna vangin taksa in oxygen a lo khamkhawp lo va, chu chuan thawk lamah harsatna a thlen thin a ni. Hetiang hi i tawk a nih chuan rang taka doctor rawn vat a tultih hria ang che.
KAWNG EMAW NAK10HriselnaEMAWAH NA :Kal tha lo thenkhat chuan na a thlen thina, kal a lungte awm vangin kawng bawr atanga kap bawr thlengin heng nate hi a insem darh thei. Hetiang ang na hi Polycystic (kal natna) chi khat vangin a awm thei bawk a, chuchuan phing tha lo a thlen theibawk a ni.Na kan neih hian ngaihthah mai kan ching thin a, chu ai chuan inentir vat hi a finthlak thin a ni. Inenkawl hma hian thil tam tak kan pumpelh.
Source:
Post a Comment