THE AIZAWL POST

.
Tui hi kan nunna atan a pawimawh a, tui tel loin kan dam thei tih chu kan hre theuh a, doctor ten nitin tui no 8 tal taksa hrisel nan in tur an tih pawh kan hria. Chutihruala kan hriat tel loh fo chu tuilum in thatna hi a ni. Hei le, lifehack.org-intuilum in thatna ni an tarlan hi han chhiar teh le-
.
1. Rihna tihniam nan a tha. Intih cher i duh chuan tuilum inthin rawh. Zing thawh hlimah tuilum no khatah ser tui fiante khat vel pawlhin in la, tui lum hian adipose tissue (body fat) a tikehsawm thei a ni.
.
2. Hnar leh hrawk chianglo tan a tha. Hritlang, khuh leh hrawk-na (sore throat) tan tuilum in a tha hle a. Khak a ti tuiral a, thawkna dawt atangin a paih chhuak thei a, hrawk na te pawh a chhawk thei a, hnar ping pawh a tiziaawm thei.
.
3. Hmeichhe thlatin hunbi neih laia na nei thin tan tuilum in a tha.Kan puma tuilum a luh khan pum tihrawl te a tihahdam a, chu chuan thlatin hunbi neih laia pum leh tai na thin te pawh a chhawk ve thei.
.
4. Taksa atanga tûr tha lo te paihchhuah nan a tha. Tuilum kan in hian kan taksa temperature a lo sang a, kan taksa a lo lum a, thlan te a chhuah phah ve thei a, chu chuan kan taksa ațangin tûr thalo te a paih chhuak thei. Tuilum i in turah chuan ser zaiphel tui sawr la a tha lehzual.
.
5. Vun upa hma tur a veng. Kan vun cell te a siamtha a, kan vun fân theihna (elasticity) a tichak a, vun a timamin, vun upa hma tur a veng thei.
.
6. Hmaibawl nei tan a tha. Tuilum kan in chuan kan taksa a tifai a, chu chu arngeng kaihhnawih infection siamtu tibo theitu tha tak a ni.
.
7. Sam tan pawh a tha. Kan sam bulthuta nerve a tichak a, a ti-active a, sam a tihriselin, sam a nemin a tle duh. Hei bakah hian sam a tithang chak thei bawk. Luphut nei tan pawh tuilum in a tha. Tuilum chuan lulei a tihnawng a, chu chuan lulei khawro avanga luphut insiam tur a veng thei.
.
8. Thisen luang a tichak a, nervous system tan a tha. Chaw paitawih (digestion) lama harsatna neite tan pawh a tha hle. Chaw ei hmain tuilum no khat vel in la, chaw eikham darkar chanve vel hnuah tuilum no khat in leh la, hei hian digestion-ah a tanpui ang a, inthiar lama harsatna nei te tan a tha hle a ni. Zing thawh hlim, kawruak laia tuilum kan in hian kan ril vela kan chaw ei chambang te a tleuhfai a, ril tifaitu tha tak a ni.

Post a Comment

Powered by Blogger.