Chakmate hian Autonomous District Council hial an nei a, kan chenpui leh kan Indian-pui an ni a, kan unaute an ni. Chuvangin "mikhual an ni, de de dei" tih hi chu sim hmak chi a ni.

1. INDIGENEOUS PEOPLE:- Ram leilung fa dik takte hi indigeneous people an ni a. Chakmate hi Mizorama an awmna a rei tawh hle a, ram dang mi anga ngaih tur an ni lo. Mizote ngei pawh khawchhak lam ațanga pem lut kan nih kha. Chakmate hian Autonomous District Council hial an nei a, kan chenpui leh kan Indian-pui an ni a, kan unaute an ni. Chuvangin "mikhual an ni, de de dei" tih hi chu sim hmak chi a ni.
2. HNAM HNUAIHNUNG:- Chakmate hi Scheduled Tribe ve tho an ni a, Mizote aia hnam hnuaihnung zawk mah an ni. Hnam hnufual zawkte hi hnam changkang zawkten kan duat tur a ni. Hnampui ho Sap missionary te pawhin min hmangaih avangin Chanchin Țha an rawn thlen kha hre reng ang u.

3. PATHIAN THU AȚANGIN:- Chakmate hnenah Chanchin Țha hril turin sum tam takin sengin missionary kan tir a, kan hmangaihin kan duat bawk. Hetianga titute hi Kohhran kan ni. Kohhran chu tute nge ni? Keimahni hi maw le. Chanchin Țha hril kawngah kan hmangaih a, insen pawh kan huam. Mahse an hamțhatna dawn ve tur awm apiang block zel kan tum leh si hi inenfiah a ngai khawp mai. Lal Isua zirtirna hi Kohhran huangah chauh zawm kan tum a, Kohhran thiltih piah lamah pawh mimal țheuh hian Isua zirtirna hi i zâwm ang u.

Post a Comment

Powered by Blogger.