Ui puar koh ang – Ui hi a puar tawh chuan han koh pawh hian a ngaihsak tawoh lo thin a, Chutiang deuh chuan, mi koh leh auh pawha uksak hauh lo va, hre lo ang maia kal kal sawi nan hman a ni.
eg: Han ko ila, ‘Ui puar koh ang’ mai a ni a, a hla tulh tulh mai a.

Ui leh kel thlun pawlh ang – Ui leh kel hi ran inngeih lo tak, thlun pawlh pawha awm dun hle hle thei lo an ni. Chuvangin, mi inngeih lo tak, awm dun hlei thei lo tehkhin nan hman a ni.
eg: Israel leh Arab-hote chu ‘Ui leh kel thlun pawlh ang’ mai an ni.

Vut laka vawih ang – Mi hnena thu sawi, a lo dawngsawngtuina engahmaha ngaih loh thu sawina.
eg: A hnena thurawn pek chu ‘Vut laka vawih ang’ mai a ni. engahmah a ngai hlei nem.

Van laia tla ang – Mi mal, u leh nau laina nei lo sawina.
eg: Kei chu ‘Van laia tla ang’ mai ka ni a, tumah laina pawh ka nei lo.

Vul tui chuh – Cuh helh , hmanhmawh taka thil inchuh sawina
eg: Tun laiah zwng Contract hnate hi kan in ‘Vul tui chuh’ zel tawh mai a nih hi.

Zawng pan nei ang – Zawng hi awm hle hle thei lo, kut hlei tak a ni a.Pan a neihte hian a khawih a khawih mai thin a. Chu chu tehkhin nan hmangin thil khawih khawih mai chi emaw, pan hlek pawh kheuh kheuh maite sawi nan hman a ni.
eg: Ani pan nei te chu ‘Zawng pan nei ang’ mai a ni a, a kheuh reng mai a, a dam har ngawt ang.

Zawng fian phel ang – Thil pahnih,inang reng tehkhin nan hmn a ni.
eg: He mite unau inanzia chu ‘Zawng fian phel ang’ mai an ni.

Zawh dawra suk tin ang – Thil in-awm lo lutuk sawi nana hman a ni. zawhte mawngah hian suk rawlh luh tum ila, a theih dawn loh lutuk a. Chutiang thil in-awm lo lutuk sawi nana hman chu a ni.
eg: Patlingina naupang pheikhawk bun tumte chu ‘Zawh dawra suk tin ang’ mai a ni.

Zuhrei haw lam ang – Kawng chhuk tak emaw bir tak emaw sawina.
eg: An in thleng tur chuan ‘Zuhrei haw lam ang’ vang vanga chhuk a ngai a ni.

Zawng mangchhia ang – Buai chuk mai leh mumal nei lova phili chiam sawina.
eg: Nizan thli tlehin kan buk chung la a le, kan buai khawp a, ‘Zawng mangchhia ang’ mai kan ni.

Zawhte no nei ang – Insuan chhen mai sawina.
eg: Kan dawr luah a fuh thei lo va, ‘Zawhte no nei ang’ maiin kan insuan chhen mai a, kan buai hle thin mai.

Zunteii nu siam ang – Tha ngei tura beisei, tha leh si lo emaw,lawmna a ni dawn emaw tih laia lungngaihna chauh ni leh si tihna.
eg: Ani harh thar inti vete hi chu ‘Zunteii nu siam ang’ a ni a, a nun ngaiah bawk a awm leh tawh kha.

A bilha tho lo – A bul atang chiang lo tihna a ni a. Mi tling lo leh awm dan fel lote chungchang sawi nan hman a ni.
eg: Ani hi zawng ‘A bilha tho tawh lo’ a ni a, a tihngaihna tak a awm lo ve.

Arpui mit men – Meng pawp chiah si lo va, meng diar diar.Thil hmu reng si,hmu lo anga awm der vel.
eg: I ‘Arpui mit men’ a, mi hmu reng alawm.

A hauhuk kaiah – A bul atanga thil inlalawn chho zel tihna a ni.
eg: ‘A hauhuk kaiah’ ka’n sawi ang e.

A rana rana lo – Thil chinchang la hriat chian loh, a hlawhtling emaw hlawhtling lo emaw hriat hmaa sawi mai mai hi a ni.
eg: ‘A rana rana lo’ engmah hi lo sawi vak vak teh suh, ka mualpho palh ang e.

A lungthu kimin – Lungthu hi 3 a ni a, Mizo thil chhiar bikim sawina chikhat a ni.
eg: Sabawp tih tham ka la man lo, ‘Lungthu pawh ka la kim’ lo.

A sa kalin – Ran ke pali nei kal dan anga lu lam hmasa zela kal . (Indawt zela kal emaw, thiltih emaw swi nan pawh an hmang).
eg: Mihring an zawnin ‘A sa kalin’ an zawn thin/hawh teh, ‘A sa kalin’ i kal teh ang.

A siruk lain – Thil tihnaa hlawhtlin ngei tum a, a tawpkhawka urh taka thawh hi.
eg: Tun tum chu ‘A siruk lain’ aw kan thawh ang.

A bawplawk – Mi thusawi, a ni lo zawnga lo lak leksak emaw, ngaih kawih theih lai apiang lo ngaih kawihsak hi.
eg: Ani hi zawng mi thusawi ‘A bawplawk’-a lak hi a tih ve dan a ni a.

A thim a var thlu lo – Khaw thim leh thim lo pawh sawi chuang lo.
eg: ‘A thim a var thlu lo’-a thawh loh chuan hlawhtlinna a awm thei ta lo.

Ar mit rawh – Pu lam hla deuh tawh, in-tu leh faa zawnna tura ar talhsak hi a ni. Tu leh faten hlauhna leh thlabarna an tawh a, an puten an chaw ei tui nana ar an pek sawi nan pawh hman a ni.
eg: Ani saw pu-a kan zawn a ni a, ‘Ar mit min lo rwh’ nghe nghe asin.

Ar tial fin – Fing vervek , fing kherek tihna.
eg: A fin dan hi a ‘Ar tial fin’ a, ka ngeih zawng a ni lo.

Ar khawthim dai – Hmu chiang thei lova, rin kal mai mai.
eg: Mi tam takte hi chuan ‘Politics hi an ‘Ar khawthim dai’ ve mai mai a ni.

Ar kawh chhuah – Engmah chinchang hre lova chhuah ve ngawt mai hi.
eg: Kan tih tur pawh ka hre lo, ka rawn ‘Ar kawh chhuah’ ve ngawt mai a nih hi.

Arte thih – Tuma ngaihsak loh leh hriat loha thi.
eg: Vai rama kal hi ‘Arte thih’ mai theih a ni a, fimkhur hle tur a ni.

Arte lukawn – Chan vek emaw ,engmah awm lo,zo vek.
eg: Result the an nei ngei lo, kumin pawh an ‘Arte lukawn’ miat mai a , pass an awm miah lo.

A sa seh – Tih tur tih tak takna hmun leh hun.
eg: A sawi a sawi na a, ‘A sa seh’-ah meuh chuan engmah a sawi leh ngam si lo.

A seh sam – A tantirh, a bul intan lai.
eg: Nau hrin hi ‘A seh sam’ ngawt pawh a rei thin.

Aite chhin – Tichhin, tifiam, ti tak tak rih lo.
eg: Khawnge ka’n ‘Aite chhin’ ang e.

A khau kapin – A pui a nawiin.
eg: ‘A khau kapin’ lo thwk rwh u.

A pa chhuak – Mipa puitling awm zawng zawng.
eg: ‘A pa chhuak’-in feh kawng sata hnatlan tur a ni.

A bu delh – A dangte aia chhe deuh zawk, chau deuh zawk.
eg: Vawkte zinga ‘A bu delh’ hi a thang duh phian asin.

A phaw vuak – A tak tak thlen hma, a hu zah vel.
eg: ‘A phaw vuak’ ah ka chau der mai.

A chin chhuak tein – A bul atanga a nih dan ang takin.
eg: A chanchin hi ‘A bul chhuak’ in i sawi thei em?

A hnar kaitu – A kulpui , a puipa, a hruaitu.
eg: ‘A hnar kaitu’-a tan chu a hautak ngawt ang.

Awm lai – Natna leh dam lohna (Tlang hrileng).
eg: Ka pi chu ‘Awm lai’ in a thi.

Bui chhia laih lovin a inpuang – Dawp leh zawh chhuah kher ngai lova inpuang.
eg: Dawp pawh a ngai lo, ‘Buichhia laih lovin a inpuang’ tih a neih zo va, an thu ruk zawng zawng a puang vek tawh.

Ba sa ngam – Thiltih emaw, thusawi emaw, timna leh dimna nei lo leka ti emaw, sawi pap pap.
eg: Thu hi i pawng paw ‘Ba sa ngam’ a, fimkhur deuh rawh.

Bawm ak thu – Thu dik a nih leh nih loh chiang lo, thu belhchian dawl lo.
eg: ‘Bawm ak thu’ mai a ni a, thu taka han lak chi mai an ni lo ve.

Beitham – Thil tlem tham, te tham.
eg: I thawh chhuah reng a ‘Bei tham’ mai a, rinrawla han hman chi a ni lo ve.

Bum ro – Harsatna siam, thil kal tluang pangngai tibahlah.
eg: Khuain min ‘Bum ro’ va, kan zo hman ta lo.

Bel rawh mual – Hman laiin lalin an mi duhsak zawngte, tlang hranga laltirna tur n neih loh in, veng hrangah in engemaw zat lai awpin an awmtir ve a. Chutianga awm chu Bel rawh mual hrang nei an ti thin.
eg: Thana chu Llliana’n ‘Bel rawh mual’ hrang neiin a siam.

Beng thar a ngai – Thu emaw, thiltih emaw hun danga ngaihtuah nawn leh tura tih.
eg: Kan lo inrawn ve ang a, kar leh lamah ‘Beng tharin in rawn ngaichang’ leh dawn nia.

Beng chhu ngawng – Ngaihsak lo , ngaithla duh lo.
eg: Kan sawi tam tawh nen ‘Beng a chhu ngawng’ tlat a, a hre duh lo a ni.

Bengngawng nuih – Thil awmzia leh bulbal hre lova pawng nuih ngawt.
eg: Engmah hre si lo hian a lo ‘Bengngawng nuih’ ve leh ngawt thin.