Mizoram People Conference Party (MPC), Zoram Nationalist Party (ZNP) leh Zoram Exodus Movement (ZEM)-te chuan nimin khan kum 2018 Assembly inthlan atan thawhhona thu an thlung.
MPC, ZNP leh ZEM hruaitute chu nimin khan Aizawlah an inhmukhawm a; kum 2018 inthlanah sorkar ṭha a pian theih nan thawhho an remti tih tarlangin, "He thawhhona hi political party te, ram vei ṭhahnemngai pawlte leh mimal tu pawh, Mizoramah sorkar ṭha piantir duh apiangte tel theihna tura siam a ni. Party leh pawl anga thawhhona zawm duh tan, party leh pawl ṭhiat kher lo pawhin zawm theih a ni," an ti.
Thawhhona thuthlungah hian MPC aiawhin KL Lianchia, ZNP aiawhin Dr Kenneth Chawngliana leh ZEM aiawhin Lalliansawta ten hming an ziak a ni.
Source: Vanglaini Chanchinbu
Post a Comment