Ministry of Electronics and IT chuan internet company-te hnenah hian ngenna pein, India ramah Blue Whale Challenge vanga naupang intihhlum phah an awm tih hiat a ni a, hei vang hian he online game hlauhawm tak hi tibo nghal tura ngen a ni tih a hriattir. He lehkha hi Law and IT Miister Ravi Shankar Prasad-a thupek anga thawn an nih thu official chuan a sawi bawk.
Blue Whale Challenge hi suicide game niin, player chu ni 50 chhunga nitina an tih tur a tuksak a, an tih tur an zawh hnuah mahni intihhlum tur a ni. Tihtur a tuk zingah hian mahni intihnat te, an bana whale shape lem chhut te, film hlauhawm tak tak en te, zan rei tak taka thawh te a tel a, an tihturte an zawhah an thlalakate share zel tura tih an ni bawk. Mumbai leh West Midnapore district-ah chuan he game vang hian mahni intihlum an awm nia report a ni.
Source: Vanglaini Chanchinbu
Post a Comment