Congress party president Lal Thanhawla, chief minister chuan nimin khan Lungleia Congress Bhavan-a inkhawmah thu sawiin, Chakma-te chu sorkar laipuiin union territory emaw, sorkar laipui rorelna hnuaia a dah mai a hlauhthawnawm thei niin a sawi.Lal Thanhawla chuan, Chakma zawng zawng huapa thil nawr chu thil á¹ha ber a ni ang em, tih ngaihtuah a á¹ul tih sawiin, "Tuna India rama sorkar kan hrawn mek BJP sorkar hian sakhua a pawmte zingah Kristian leh Muslim-te a telh lo a, Kristiante nêkchêptute an nih avangin fimkhur taka kan kal a á¹ul. Ram pum boruak thlira Pathian ráwn chunga kan kal a pawimawh," a ti.
Chakma-te chu sorkar laipuiin UT emaw a pe mai ang tih a hlauhawm nia sawiin, Lal Thanhawla chuan, "Kan duh lohnaah hruai luh kan nih a hlauhawm a ni. Party á¹henkhatte'n MLA candidate neih loh an rawtnate hi Chakma-te dah lalna mai mai a ni thei," a ti a; Chakma-te candidate-ah dah loh pawhin, an awmna bialah chuan Chakma-te tho an tlin a rinawm niin a sawi.
MPCC President chuan eptu party chungchang sawiin, MNF President-in inthlan lo awm turah an mal din dawn tih a puan thu a sawi a, "MNF-te hi NEDA zawmtu an ni a, NEDA-a a bulpui chu BJP a ni. MNF hian khawi khawiah nge candidate dah loin, BJP an dintir dawn, Chakma area-te hi a tel mai thei a ni," a ti.
Congress party chu sorkar leh turin Pathianin a duang nia sawiin Hawla chuan, "MNF-te'n dikna leh rinawmna an tlakchham avangin sorkar turin chunglamin a buatsaih lo a, Congress hi sorkar leh tura a buatsaihate chu kan ni," a ti a; chunglam ráwn chunga fimkhur taka an kal a á¹ul thu a sawi.
Inthlanpui a hnai tih sawiin Lal Thanhawla chuan, "MPC, ZNP leh a dangte'n kan thawkho dawn an ti a. Mizoram Exodus Movement lahin khawi lamah nge min hruai an tum? PRISM lah politics zir chiang turin kan ding dawn an ti. Mahse, vawiinah hian Pathian lamá¹ang programme kalpuitu Congress party hi sorkar leh turin a buatsaih a ni," a ti.
Post a Comment