Mamit nula zaithiam, JH Lalmuanpuii, kum 26 chu ril na avangin Thawhṭanni zing dar 3 khan New Life Hospital, Aizawlah a thi. JH Mamuani hi Lalroluaha leh F. Lalthianghlimi te fanu niin, Mamit Lungsir Venga khawsa an ni a, vawiin chawhma dar 11 hian an chenna inah vui a ni ang.
JH Mamuani hi LPS chart lamah pawh a thleng sang berte zinga mi a ni a, music video pawh a siam nual. Music video a tihchhuah tawh zingah ‘Thihna lui (Ka zai zel dawn)’, ‘Min ko e’, ‘Kawtthler mawiah’ tihte chu a lar hle a, thlan hlawh pawl tak an ni. July thla chawhnu lam aṭang khan a pum lam nuam lo a sawi ṭan a, damdawi inah inentirin, a ril lam fel loh vang a ni tih hmuhchhuah a ni. He a natna avang hian ‘Min ko e’ a tihna hmunah chuan a kalta a ni.
Post a Comment