Image result for hmar peoples democratic hpcdMizoram sorkar leh Lalhming­thanga Sanate kaihhruai Hmar People Convention (Democrat)-te inbiak hun tur ruat a la ni lo. Hetih lai hian, H Zosangbera kaihhruai HPC(D) leh Mizoram sorkar pawh inbiak zel an la tum.
Home department hotute hnen aṭanga Vanglaini-in thu a dawn danin, Lalhmingthanga Sanate kaihhruai HPC(D) leh Mizoram sorkar chu August thla chhung hian inbiak tura ruahman a ni a, mahse, HPC(D) lam an la inpeih loh deuh avangin Mizoram sorkar chu lo nghak lawk hrih turin an ngen a ni. Hei vang hian inbiak hun tur a la chiang thei lo a, inbiak vat theih erawh beisei a ni.
Hetih lai hian, Mizoram sorkar leh H Zosangbera kaihhruai HPC(D) inbiakna pawh a kal mek zel a; inbiakna hnuhnung bera an thu dah ang chuan, July 2017 thla kha inbiak leh hun tura tih ni mah se, tih tur dang a tam avangin inbiakna neih a ni lo. September 2017 chhungin inbiak chhunzawm an beisei.
Zawhna chhangin Home depart­ment hotute chuan, hna thawh tur hrang hrang a tam avangin inbiakna chu duh anga kalpui zung zung theih a nih loh thu an sawi. 
#Vanglaini

Post a Comment

Powered by Blogger.