TAKAM TE AN MIKHUALNA RAM MIZORAM HI CHHUAH SANA ANMAHNI THLA VANG HAUHTU KARNATAKA STATE LAMA KAL NGHAL TURIN MZP CHUAN THURAWN A PE NGHAL A NI
3rd August , 2017
MZP PRESS RELEASE
.
MZP chuan Karnataka State Rajya Sabha MP Basawaraj Patil -in Mizoram duat sual Takam(Chakma) te vuivaina thu tak a ngai a, Parliament House meuha a tlangaupui mai hi tha lo a tiin, thil nihphung zirchiang hmasa lova a chetna hi kan dem takzet a ni. Chan tawka lungawina chang hre duh hauh lo, mikhual duham tak, Chakmate fin kherek na hi chiang zawka zir tha leh tur leh, Mizote min puhna hi a dik reng em tih min zawt ve ngei turin MZP chuan a phut tlat a ni.
.
Ni 31st July 2017-a neih, Parliament session-a BJP MP(Rajya Shaba), Basawaraj Patil hian Takam(Chakma) hi Mizorama pem lut an nih dante, dan lova Bangladesh atanga rawn lut ru, pung chak em em an nih dan te, ADC an neih chakna hmanga Document dik lo an in siam sak nasat dante, chenna hmun ruahman saktu leh Ram neitute laka lawm a hnekin, bei let char chartu an nihna te, chanchintha hrilhtu Mizote nunna hial rapthlak taka laksak duhtu an nihna te, Court hrang hranga ram leilungfate hek rengtu an nihna te leh an ram nghet nia an hriat ram Chittagong Hill Tract, Bangladesh chu UNO ah luah let tura an beih let reng thute hi hria se, a thil tih kha a tihawm rengah a ngai angem? tih hi a MZP zawhna a ni.
.
Chutiang zawng zawng chu hre reng chunga a ti a nih chuan, Takam(Chakma) te tuamhlawm leh enkawl a huam ngei turah MZP chuan a ngai a, duat sual an nihna hre duh lotu Takam(Chakma) zawng zawngte pawh, anmahni hmangaihtu ni a an hriatte ram Karnataka State-ah a rang thei ang bera, an mikhualna ram Mizoram hi chhuahsana anmahni thla vang hauhtu Karnataka state lama kal nghal turin MZP chuan thurawn a pe nghal a ni.
.
Kan ramah hian a ram neitu Mizote hian kan chanvo kan chan ngei hi kan tihtur leh kan chanvo dik a nih thu MZP chuan a puang nawn leh a. Thudiklo leh belhchian dawllo hmanga min hek rengtu te hekna thu, thutak cheibawla chei bawl thin Political Party an awm a nih chuan chu Party chu inenlet turin MZP chuan a ngen a, kan ram tana him lova chet tum tan hmun zalen siam a duh ngai dawn lo a ni. He ram hi kan pi leh pu ten, lu chhum ban chhum huama an lo sah zau, kan ram chhungah hian lawm nachang hre hauh lo mikhualte chunga that chhuah reng hi, Mizote hian kan ba hauh lo tih hi khawvel hriatah a puang nawn leh a, kawng engkima Mizo hnam min puhchhiatna zawng zawng hi a hre vek tih leh, dawh theih loh hun kan nei a nih pawhin anmahni Takam(Chakma) te cho chhuah ngei a nih tur thu MZP chuan a puang nawn leh bawk a ni.
.
(L.RAMDINLIANA RENTHLEI)
General Secretary
Post a Comment