31st July, 2017 : August ni 12, 2017 hma ngeia Saitual District tihpuitlin ngiat nan Saitual bial mipuiten vawiin khan kawng an zawh.He hunah hian Saitual Town - Ruallung, Rulchawm, Keifang, Saitual, Sihfa bakah Dilkhan, Tualbung, N.Lungpher, Buhban, Thanglailung, Phullen, Mualpheng, Lenchim, Tawizo, Saichal leh Phuaibuang atangin mipui sang li vel an fuankhawm a ni.
Saitual Town Youth Organisation huaihawtin vawiin zing khan Aizawlah pawh Saitual Town Welfare hrang hrangten a huhovin Zodin Square, Non-Violence ngaisangtu Mahatma Gandhi lim bulah Saitual District tihpuitlin an duhzia an lantir bawk.
Saitual bial mipuite chuan Saitual District, a tak ngeia nih ve tawh kan duh takzet a, tharum tel lovin, hman atanga vawiin thlengin kan la bei zel a, vawiinah pawh hian flag var nen Sawrkar kan la ngaichang hram hram a ni. Saitual District function hi a pawng a puiin kan dil ve ngawt lo a, kan chan tur ni daih tawh District min nih khalh taten dilna chang an hriat hma daih atanga dil tawhtu kan ni a, chu mai ni loin Congress party tlakchhiat ber lai pawha ‘Chakma bial’ tih hial khawpa INC candidate thlangtling ngar ngartu kan ni a, tunah hian kan vanneihna herchhuak ve tain kan hria a, Home Minister Term hnih (kum 10) bial kan lo ni ve ta. Congress Ministry hian lawmthu sawi nan chauh pawh District min pek hi kan phuin ka inhria, inthlan dawna kan Home Minister-in tihhlawhtlin min tiamnate leh Chief Minister-in hmasawnna chu Saitualah tan a ni ang a tihte kha kan rilruah a thi thei lo a ni.Tin, Mizoram Sawrkarin District Re-oranisation Committee, June ni 16, 2016-a a dinin District thar siam thei tura a tehna hrang hrangah kan tling a, tunah hian rawtna pawh an peih fel tawh niin kan hria a, Sawrkarin District puitlinga min siam vat hi kan phut tlat a, Aizawl District lian fal lutuk avanga hmasawnna dawng ve phak lo nih hi kan ning tawh takzet a ni, Flag dum leh sen zar chunga tha ruma nawr ngai lo turin August ni 12, 2017 hmain Sawrkarin D.C rawn dah mai rawh se, an ti.
MIZORAM DISTRICT INFORMATION (2011 Census)
1.Aizawl District :- Constituency 14, Population 4,00,309
2.Lunglei District :- Constituency 7, Population 1,61,428
7. Serchhip District :- Constituency 3, Population 64,937
8. Siaha District :- Constituency 2, Population 56574
Post a Comment