Zirtawpni kalta zan khan MPL 6 khuhhawnna neih a ni a, hetah hian TBC Zaithanpuia hnenah chawimawina hlan a ni a, Feli Fanai leh Zorinzuali Khiangte te an zai ṭhain, Feli Fanai hla thar tlangzarh a ni.
Image may contain: 2 people
Feli Fanai
TBC Zaithanpuia hnenah hian chawimawina hlan a ni a, MPL prog­ramme pawimawha Mizo hnam hla ang thawthanga ngaih theih 'Aw nang kan Lal kan Pathian' hla thiam leh hnuk tiulh ṭeuh thei khawpa sa ṭhin a ni.
MPL 6 Kick Off-ah hian Feli Fanai hla thar, en chakawm, amah pawhin sawisel pawh huam tura a siam 'Pheichheh mawi i khai ang aw' tih chu tlangzarh a ni a, hemi zan hian Feli Fanai hian a hla thar hi a sa nghal bawk. Music video-a a incheina ang rawn inchei chhuakin, lâm thiamin an rawn zui chhuak. He hla hi Zirtawpni khan Zonet Cable TV-ah dah nghal a ni a, a hla a tunlai a, mi a hîp riau.
Zorinzuali Khiangte pawh a zai ṭha a, thawmhnaw sen, amah nena inchawih tak a rawn inbel chhuak. Zorini hian Michael M. Sailo nena an hla record hnuhnung ngei mai kha a rawn thlawh chhuak. Zaithiamte tan rapper leh musician Michael M. Sailo hlut lehzualzia a lang. A hnuah Zorini hian FB aṭangin Mike-a a ngaihzia tarlangin 'MPL 6 Kick Off hnuk ulh ṭeuh chungin, U Mike-a aw mawi tak nen' tiin a au chhuak zui nghe nghe.
MPL 6-ah thil thar a awm nual dawn a, MPL buatsaih nana Zonet-in kum tin nuai 25 a pek ṭhin chu nuai 30-ah tihsan a nih tak avangin MPL Club-te pawisa dawn tur zat pawh a pun phah dawn a ni. Hemi zan hian MPL Handbook leh Registration Booklet tlangzarh a ni a, club tinte jersey hak tur pho chhuah a ni a, model chhe lo tak takten an rawn pho chhuak.
Image may contain: 1 person, standing, cloud, sky and outdoor
Zorinzuuali Khiangte

Post a Comment

Powered by Blogger.