Nimin zing dar 6 khan Bagha, Assam-ah Lalhriatpuii (26) d/o LT Zauva (L), Chhinga Veng chu thia chhar a ni.

Chhinga Veng khaw­tlang hruaitute hnen aṭanga thu dawn danin, Lalhriatpuii te hian in an sak mek avangin an 407 truck hmangin driver T Lalhmingliana s/o T Zaneihchhuma, Chhinga Veng nen Bagha-a leirawhchan la turin September 11, Thawhṭanni khan an kal a, nimin zinga Mizorama let tum an ni. Driver sawi danin, Thawhlehni zana dawrkaia an thil hawn tur ṭhenkhat zawnga a chhuah hnua an thlennaa a let leh chuan Lalhriatpui chu a hmu lo a, zankhuaa an zawn hnuah nimin zing khan Lalhriatpuii chu tuiah thia hmuh a ni. 

Lalhriatpuii taksaah kutthlakna hnûhmá a awm a, driver Lalhmingliana leh hnam dang pakhat chu police-in an man. Lal­hriatpuii hi nimin khan Silchar Medical College-ah postmortem a ni a; Vairengte MHIP, Silchar YMA leh Bagha Young Muslim Association-te'n an buaipui a, vawiinah vui theih beisei a ni.

Post a Comment

Powered by Blogger.